رۆژی 22ی2ی2024 بەرێز د.عبدالله مەلا وەیسی سەرۆکی یەکێتی زانایان بە یاوەری مامۆستا مەلا جەلال خەیلانی جێگری سەرۆک؛ بەشداری لە حەوتەمین سیمپۆزیۆمی کۆلێژی زانستە ئیسلامیەکانی زانکۆیس سەلاحەددین بەناونیشانی (پێکەوەژیان لە کوردستان- کاریگەرییە ئەرێنییەکانی لە ڕابردوو وئێستادا) لە هۆڵی (بەشی کارەبا) لە کۆلێژی ئەندازیاری کرد.

لەم سیمپۆزیۆمەدا بەرێز سەرۆکی یەکێتی زانایان وتارێکی پێشکەش کردو تێیدا بە گرنگیەوە باسی لە پێکەوەژیانی ئایینی کردو چەند بەڵگەیەکی لە قورئان و فەرمودە هێنایەوە لەسەر پێویستی پێکەوەژیان و ئاماژەی بە واقیعی کوردستان لەم رووەوە کرد، کە تابلۆیەکی جوانی تۆمار کردووە، هەروەها ئاماژەی بە رۆڵی زانایان لە قوڵکردنەوەی پێکەوەژیان لەنێوان پێکهاتەکان و لەکاتی بەهاناوەچووندا هیچ کات جیاوازی نێوان پەیڕەوی هیچ لە ئایینەکان نەکراوە، بەڵگەش لەسەر ئەمە کاتێ ئێزیدی و مەسیحیەکان ئاوارە بوون بەهۆی شەڕی داعش، لە کوردستان دەرگای مزگەوتەکان کرایەوەو لەلایەن موسڵمانان کۆمەکی و هاوکاری کران.

لەلایەکی ترەوە ئاماژەی بە بڕیارەکانی دادگای فیدڕاڵی دا، کە لە هەفتەی رابردوو دەریانکرد، وێڕای لایەنی نەرێنی بڕیارەکان لەسەر کایەی سیاسی نێوان پێکهاتەکانی عیراق، بڕیارەکەی بە خاڵێکی نەرێنی بۆ سەر پێکەوەژیانی نێوان پێکهاتەکان وەسف کرد.

شایەنی باسە لە سیمپۆزیۆمەکە چەندین وتاری تر پێشکەش کران، دواتر دوو پانێڵ پەیوەست بە ناونیشانی سیمپۆزیۆمەکە پێشکەش کران، بەم شێوەیە:

پانێڵی یەکەم:

بەڕێوەبەری پانێڵ/ بەڕێز: (پ.ی.د. أحمد محمود سيدوك)

بابەتی یەکەم: العلاقة الثنائیة بین الإسلام والسیاسة وأثرها علی السلم المجتمعي/ لەلایەن بەڕێز (پ.ی.د. محمد شاکر محمد صالح) ئەندامی پێشووی پەرلەمانی عێراق

بابەتی دووەم: التعایش المشترک بین الأدیان في کوردستان- الإسلام والمسیحیة نماذج مختارة/ لەلایەن بەڕێز (پ.د. فەرسەت مەرعی) زانكۆی دهۆک

بابەتی سێیەم: پێداویستییەکانی پێکەوەژیان لە ڕوانگەی شەریعەتی ئیسلامدا/ لەلایەن بەڕێز (پ.د. کریم محمد ککۆ) زانکۆی ئاکرێ

پانێڵی دووەم:

بەڕێوەبەری پانێڵ/ بەڕێز (پ.ی.د. ئەردەوان مصطفی اسماعیل)

بابەتی یەکەم: حتمیة الخلاف في الاسلام وضرورة حسمه وأثرها علی الأمن والاستقرار الاجتماعي- اقلیم کوردستان نموذجا دراسة تحلیلیة نقدیة/ لەلایەن بەڕێز (پ.ی.د. احمد محمود احمد) زانکۆی ڕاپەرین

بابەتی دووەم: ڕۆڵی حکومەتی هەرێمی کوردستان لە مکوم کردنی پێکەوەژیان لە هەرێمی کوردستان/ لەلایەن بەڕێز (پ.ی.د. کابان عبدالکریم شێخ علي) زانکۆی سەڵاحەددین-هەولێر

بابەتی سێیەم: ڕۆڵی پێکەوەژیان لە ئاسایش و ئارامیدا/ لەلایەن بەڕێز (پ.ی.د. جعفر نجم الدین علي) زانکۆی سەڵاحەددین- هەولێر.

شایەنی باسە ئەمە حەوتەمین سیمپۆزیۆمە کۆلێژی زانستە ئیسلامیەکانی زانکۆی سەلاحەدین سازی دەکات و بە چەند راسپاردەو پێشکەشکردنی چارەسەر کۆتایی دێت.