له زنجیره‌ی هه‌ڵمه‌تی به‌ره‌نگاربوونه‌وه‌ی ماده هۆشه‌به‌ركان رۆژی هه‌ینی له‌سه‌ر داوای یه‌کێتی زانایان وه‌ك هه‌ڵمه‌تێك بۆ به‌ره‌نگاربوونه‌وه‌ی ماده هۆشبه‌ره‌كان، وتاربێژانی زۆربه‌ی مزگه‌وته‌كانی كوردستان له وتاری هه‌ینی باسیان له مه‌ترسی ئه‌و ماددانه كرد‌و، به مه‌ترسی بۆ سه‌ر كۆمه‌ڵگا وه‌سفیان كرد، به‌تایبه‌تی دوای ده‌ركه‌وتنی ئه‌و ماددانه له كوردستان‌و تووشبوونی هه‌ندێك له هاووڵاتیانی كوردستان به به‌كارهێنانیان، هه‌ر له وتاری هه‌ینی داوایان له حكومه‌تی هه‌رێمی كوردستان كرد سنوورێك بۆ بێ سه‌روبه‌ری خواردنه‌وه‌ی ئاره‌ق‌و بیره‌ش دابنێت، ئه‌وان داوایان ده‌كرد، كه قه‌ده‌غه بكرێت، ئه‌گه‌ریش نا سنوورێكی بۆ دابندرێت و له شوێنه گشتیه‌کان نه‌فرۆشرێت و، نرخه‌که‌شی گران بکرێت، هه‌روه‌ها سزای ئه‌وانه‌ش بده‌ن که به ته‌مه‌ن بچوکانی ده‌فرۆشن، چونكه ده‌یان گرفتی كۆمه‌ڵایه‌تی‌و ته‌ندروستی بۆ سه‌ر تاكه‌كانی كوردستان هه‌یه‌ه، چه‌ندین خێزان له‌سه‌ر ئه‌وه تێکچوونه، ئه‌وه سه‌رباری لایه‌نی حه‌رامی له ئایینی ئیسلامدا. | 
یەکێتی زانایان بە هاوبەشی سەنتەری روح ئەلحەیات دیدارێکی زانستی (چارەسەری تەندروستی لە نێوان شەریعەت و زانستی پزیشکیدا) بەرێوە دەبات
