یه‌کێتی زانایانی ئاینی ئیسلامی کوردستان
كوردى | العربية ئێمە لە فەیسبوک په‌یوه‌ندی  |  لقه‌کان  |  ستافی کار  |  لینکی پێویست
*****    *****   یەکێتی زانایان بە بۆنەی هاتنەوەی جەژنی رەمەزان پەیامێکی پیرۆزبایی بڵاودەکاتەوە    *****    *****   مامۆستا مەلا شێخ محمد شێخ سەمیع قەرەداغی کۆچی دوایی کردو یەکێتی زانایان پرسەنامەیەک ئاراستەی خانەوادەکەی دەکات    *****    *****   مامۆستا مەلا عزت اللە مەلا محمد هەرتەلی کۆچی دوایی کردو یەکێتی زانایان پرسەنامەیەک ئاراستەی خانەوادەکەی دەکات    *****    *****   مامۆستا مەلا سەید رەشاد تەوێڵەیی کۆچی دوایی کردو یەکێتی زانایان پرسەنامەیەک ئاراستەی خانەوادەکەی دەکات    *****    *****   مامۆستا شێخ محمد شێخ عبدالکریم بەرزنجی کۆچی دوایی کردو یەکێتی زانایان پرسەنامەیەک ئاراستەی خانەوادەکەی دەکات    *****    *****   یەکێتی زانایان: بێ رێزی و سوکایەتی بەرامبەر قورئانی پیرۆز بەتوندی ئیدانە دەکەین و ئەرکی دەزگا ئەمنیەکانە بکەران ئاشکرا بکات    *****    *****   سەرۆکی یەکێتی زانایان وەک وەفاو خزمەت لەسەر ئەرکی بنەماڵەکەیان کتێبخانەیەک لە سۆران دەکاتەوە    *****    *****   سه‌رۆكی ئه‌نجوومه‌نی باڵای فه‌توا: پێویستە‌ پارته‌ نیشتمانپه‌روه‌ره‌كانی كوردستان هه‌مان گیانی خۆڕاگری و ته‌بایی و برایه‌تی بپارێزن    *****    *****   لەساڵیادی رۆژی رۆژنامەگەری کوردی یەکێتی زانایان پەیامێک ئاراستەی دەزگاکانی راگەیاندن دەکات و دەڵێت: سوکایەتی بەرامبەر پیرۆزییەکان و شێواندنی پێکەوەژیان قابیلی قبوڵ نیە    *****    *****   سەرۆکی حکومەتی هەرێم ستایشی رۆڵی زانایان دەکات    *****    *****   بەرێوەبەری ناحیەکانی خلیفان و دیانا و سیدەکان و بەڕێوەبەری ئەوقافی سۆران سەردانی لقی سۆرانی یەکێتی زانایان دەکەن    *****    *****   پەیامی پیرۆزبایی یەکێتی زانایان بە بۆنەی هاتنی مانگی پیرۆزی رەمەزانەوە   
تا ئێستا لە کوردستان سێ مامۆستای ئایینی تووشی کۆرۆنا بوون
به‌رواری دابه‌زاندن: 10/06/2020 : 22:52:27
قه‌باره‌ی فۆنت

لەگەڵ بڵاوبوونەوەی نەخۆشی کۆرۆنا لەهەرێمی کوردستان رێکاری باش و پێویست گیرایە بەر بەئامانجی ئەوەی خەڵکی کوردستان بە کەمترین زیان لەو ڤایرۆسە رزگاری بێت.


لە کاتێکدا لەرووی ئایینیشەوە رێکاری زۆر پەیرەو کراو بەردەوامیش لەرێی مامۆستایانی ئایینی هۆشیاری دراوەتە خەڵک کە خۆیان بپارێزن و پابەندی رێنماییە تەندروستیەکان بن.


لە ئێستادا رێژەی تووشبووان لە هەڵکشان دایەو بەو هۆیەوە ژمارەیەک هاوڵاتی کۆچی دواییان کردووەو رێژەیەکی بەرچاویش چاکبوونەتەوەو ژمارەیەکیش لە نەخۆشخانەکان خەوێندراون و لەژێر چاودێری پزیشکی دان.


بەپێی زانیاریەکانی راگەیاندنی یەکێتی زانایان تا ئێستا لە کوردستان سێ مامۆستای ئایینی تووشی کۆرۆنا بوون، بەداخەوە یەکێکیان كه‌ ناوی (مه‌لا ره‌شید ئه‌وڕه‌حمان كانی گوڵی‌) بوو، پێشنوێژی خانه‌قای مه‌حوی لە شاری سلێمانی بەو هۆیەوە رۆژی 4-3-2020 گیانی لەدەستدا.


هەروەها لەناوەراستی ئایاری رابردوو مامۆستا مەلا احمد علی واحد پێشنوێژو وتارخوێنی مزگەوتی حاجی سەلیمی قامیشی لە گەرەکی کوردساتی شاری سلێمانی تووشی کۆرۆنا بوو، بەڵام لە ئێستادا تەندروستی باش بووەو بەرەو چاکبوونەوەی تەواو دەچێت.


لەو بارەوە مامۆستا مەلا عەتا پێنجوێنی جێگری بەرپرسی لقی سلێمانی یەکێتی زانایان بە سایتی (زانایان)ی راگەیاند: مامۆستا مەلا ئەحمەد لە نەخۆشخانە دەرچووەو باری تەندروستی جێگیرەو بەردەوام لەسەر خەت بووین، ماوەی پێویستی وەرگرتنی چارەسەری لە نەخۆشخانەی شەهید علی والی بەگ لە سلێمانی تەواو کردو سوپاس بۆ خوا تەندروستی باشەو نێردراوەتەوە ماڵەوە.


لە دەڤەری گەرمیانیش مامۆستا ملا خالید محمد کریم محمد پێشنوێژو وتارخوێنی مزگەوتی شە هیدانی گەرمیان خۆی و خانەوادەی تووشی کۆرۆنا بووەو ماوەیەکە لە نەخۆشخانە قەڵا خەوێندراوە.


لەو بارەوە بەرێز مامۆستا مەلا کەریم زەلکەیی بەرپرسی راگەیاندنی لقی گەرمیانی یەکێتی زانایان بە سایتی (زانایان)ی راگەیاند: لە دەڤەری گەرمیان یەک مامۆستا تووشی کۆرۆنا بووە بەناوی مامۆستا مەلا خالد محمد کە پێشنوێژو وتارخوێنی مزگەوتی شەهیدانی گەرمیانەو لە ئێستادا لە نەخۆشخانە لە ژێر چاودێری پزیشکی دایەو باری تەندروستی جێگیرەو پەیوەندیمان لەگەڵی هەیەو شوکر بۆ خوا وەزعی باشە.


شایەنی باسە تا کاتی ئامادەکردنی ئەم راپۆرتە 1659 کەس لە هەرێمی کوردستان تووشی کۆرۆنا بوونە، لەو ژمارەیەش 551 کەس چارەسەر کراوەو 30 کەسیش بەو هۆیەوە کۆچی دواییان کردووە.