یه‌کێتی زانایانی ئاینی ئیسلامی کوردستان
كوردى | العربية ئێمە لە فەیسبوک په‌یوه‌ندی  |  لقه‌کان  |  ستافی کار  |  لینکی پێویست
*****    *****   یەکێتی زانایان بە بۆنەی هاتنەوەی جەژنی رەمەزان پەیامێکی پیرۆزبایی بڵاودەکاتەوە    *****    *****   مامۆستا مەلا شێخ محمد شێخ سەمیع قەرەداغی کۆچی دوایی کردو یەکێتی زانایان پرسەنامەیەک ئاراستەی خانەوادەکەی دەکات    *****    *****   مامۆستا مەلا عزت اللە مەلا محمد هەرتەلی کۆچی دوایی کردو یەکێتی زانایان پرسەنامەیەک ئاراستەی خانەوادەکەی دەکات    *****    *****   مامۆستا مەلا سەید رەشاد تەوێڵەیی کۆچی دوایی کردو یەکێتی زانایان پرسەنامەیەک ئاراستەی خانەوادەکەی دەکات    *****    *****   مامۆستا شێخ محمد شێخ عبدالکریم بەرزنجی کۆچی دوایی کردو یەکێتی زانایان پرسەنامەیەک ئاراستەی خانەوادەکەی دەکات    *****    *****   یەکێتی زانایان: بێ رێزی و سوکایەتی بەرامبەر قورئانی پیرۆز بەتوندی ئیدانە دەکەین و ئەرکی دەزگا ئەمنیەکانە بکەران ئاشکرا بکات    *****    *****   سەرۆکی یەکێتی زانایان وەک وەفاو خزمەت لەسەر ئەرکی بنەماڵەکەیان کتێبخانەیەک لە سۆران دەکاتەوە    *****    *****   سه‌رۆكی ئه‌نجوومه‌نی باڵای فه‌توا: پێویستە‌ پارته‌ نیشتمانپه‌روه‌ره‌كانی كوردستان هه‌مان گیانی خۆڕاگری و ته‌بایی و برایه‌تی بپارێزن    *****    *****   لەساڵیادی رۆژی رۆژنامەگەری کوردی یەکێتی زانایان پەیامێک ئاراستەی دەزگاکانی راگەیاندن دەکات و دەڵێت: سوکایەتی بەرامبەر پیرۆزییەکان و شێواندنی پێکەوەژیان قابیلی قبوڵ نیە    *****    *****   سەرۆکی حکومەتی هەرێم ستایشی رۆڵی زانایان دەکات    *****    *****   بەرێوەبەری ناحیەکانی خلیفان و دیانا و سیدەکان و بەڕێوەبەری ئەوقافی سۆران سەردانی لقی سۆرانی یەکێتی زانایان دەکەن    *****    *****   پەیامی پیرۆزبایی یەکێتی زانایان بە بۆنەی هاتنی مانگی پیرۆزی رەمەزانەوە   
لەساڵیادی رۆژی رۆژنامەگەری کوردی یەکێتی زانایان پەیامێک ئاراستەی دەزگاکانی راگەیاندن دەکات و دەڵێت: سوکایەتی بەرامبەر پیرۆزییەکان و شێواندنی پێکەوەژیان قابیلی قبوڵ نیە
به‌رواری دابه‌زاندن: 21/04/2021 : 15:05:23
قه‌باره‌ی فۆنت

بە بۆنەی ۲۲ی نیسان ساڵیادی رۆژنامەگەری کوردی، یەکێتی زانایانی ئایینی ئیسلامی کوردستان پەیامێک بڵاو دەکاتەوە، ئەمەی خوارەوە دەقی پایامەکەیە:


بەناوی خوای بەخشندەی میهرەبان


((وَقُولُوا لِلنَّاسِ حُسْنًا))


بە بۆنەی سەدو بیست و سێیەمین ساڵیادی ڕۆژنامەگەری كوردی پیرۆزبایی لە رۆژنامەنووسان و دەزگا رۆژنامەوانیەکان دەکەین و هیوای سەرکەوتن و بەرەو پێشچوون بۆ هەموو لایەک دەخوازین.


لەو سۆنگەوە گرنگە ئەو راستیە لای هەمووان روون بێت، کە راگەیاندن و کاری رۆژنامەگەری بەرپرسیارێتی و ئەمانەت و ئەخلاقە، ناکرێ بە شێوەیەکی ناتەندروست و بە مەرام و میزاجی تایبەتی و کەسی مامەڵەی پێوە بکرێت، بەڵکو پێویستە لە چوارچێوەی ئادابی گشتی و یاساو رەچاوکردنی بەهاكانەوە بێت، ئەرکی رۆژنامەنووسان ئەوەیە بەرپرسیارانە و پیشەییانە مامەڵە لەگەڵ پرس و پێشهاتەکان بكەن و، هۆشیاری و زانیاريی دروست و هاوسەنگی و سه‌قامگيری و پاراستنی ئاشتەوايی كۆمەڵایەتی و بنەمای پێکەوەژیان و بەرژەوەندییە باڵاكانی گەل و وڵات لەبەرچاو بگرن.


داوا لە لایەنی پەیوەندارو دەزگاو ناوەندە ئیعلامیەکان دەکەین، وردتر چاودێری دۆخەکە بکەن و رێگە نەدەن ئاراستەی راگەیاندن لەرێی بابەت و بەرنامەی نەشیاو و گوماناوی و بریندارکەری شعووری خەڵک بەرەو ئاقاری خراپ و تێکدان و ترازان بچێت و لەجیاتی پێدانی هۆشیاری ئاریشەو گرفت بۆ کۆمەڵگە زیاد بکات، چونکە زۆر جار هەندێ کەناڵ و بەرنامەو رۆژنامەوان بێ رەچاوکردنی بەهای پیشەیی و مۆڕاڵی رۆژنامەگەری، سوکایەتی بە ئیسلام و پیرۆزییەکان و هەستی موسڵمانان دەکەن و هەموو سنوورێک دەبەزێنن، ئەمەش زیان و مەترسی و کاردانەوەی خراپ بەدوای خۆیدا دێنێت و خزمەت بە ئاشتی و پێکەوەژیان ناکات.


مەعلومە کوردستان زۆرینەی موسڵمانەو کۆمەڵگەی کوردیش خاوەن تایبەتمەندی ئایینی و ئەخلاقی و ئاشتەوایی کۆمەڵایەتی و نیشتمانپەروەری و نەتەوەدۆستیە، هەر هەنگاوێک لە چوارچێوەی خزمەت و بەرەو پێشبردنی ئەو بوارە جێگەی تەقدیرە، بە پێچەوانەوە دەرچوون لە یاساو پێشێلکردنی ماف و ئازادییەکان و مامەڵەی نابەجێ و بریندارکردنی شعوری خەڵک و تێکدانی شیرازەی خێزان و كاركردن بۆ هەڵوەشاندنەوەی پرەنسیپە کۆمەڵایەتیەکان و بێشەرمکردنی کۆمەڵگە، پێویستە رێگەی لێ بگیرێت و بەهیچ شێوەیەک مەجالی ئەو جۆرە سوکایەتی و هەنگاوانە نەدرێت.


ئێمە لە یەکێتی زانایانەوە پشتیوانی خۆمان بۆ راگەیاندن و ئازادی رادەبڕین دووپات دەکەینەوە، بەڵام لەسەر حیسابی مومارەسەی نابەجێ و پێشێلکردنی مافی خەڵک و سنووربەزاندن نا، دووپاتی دەکەینەوە سوکایەتی بەرامبەر ئیسلام و پیرۆزییەکان و بریندارکردنی شعووری موسڵمانان و شێواندنی پێکەوەژیان قابیلی قبوڵ نیە.


 


یەکێتی زانایانی ئایینی ئیسلامی کوردستان


21ی4ی2021