یه‌کێتی زانایانی ئاینی ئیسلامی کوردستان
كوردى | العربية ئێمە لە فەیسبوک په‌یوه‌ندی  |  لقه‌کان  |  ستافی کار  |  لینکی پێویست
*****    *****   سەرۆکی یەکێتی زانایان بەشداری کۆڕبەندی زانستی پزیشکی ئیسلامی لە شاری هەولێر دەکات    *****    *****   شاندێک لە مەتڕانەکانی عەنکاوەی شاری هەولێر سەردانی مەکتەبی تەنفیزی یەکێتی زانایان دەکات    *****    *****   روونکردنەوەیەک لە یەکێتی زانایان سەبارەت بە پێشنیازە یاسای بەرەنگاربوونەوەی توندو تیژی خێزان و ئافرەت لە هەرێمی کوردستان    *****    *****   کونسوڵی گشتی شانشینی ئوردەن سەردانی مەکتەبی تەنفیزی یەکێتی زانایان دەکات    *****    *****   مامۆستا مەلا مستەفای حافز کۆچی دوایی کردو یەکێتی زانایان پرسەنامەیەک ئاراستەی خانەوادەکەی دەکات    *****    *****   ئەمینداری گشتی یەکگرتووی ئیسلامی پەیامێکی پیرۆزبایی ئاراستەی یەکێتی زانایان دەکات    *****    *****   جێگری سەرۆکی هەرێم په‌یامی پیرۆزبایی ئاراسته‌ی یه‌كێتیی زانایانی ئایینی ئیسلامی كوردستان دەکات    *****    *****   سكرتێری گشتیی YNDK ساڵیادی دامەزراندنی یەکێتى زانایانى ئاینى ئیسلامى کوردستان پیرۆز دەكات    *****    *****   پەیامی رێزدار قوباد تاڵەبانی جێگری سەرۆکی حکومەت بۆ ساڵیادی دامەزراندنی یەکێتیی زانایانی ئیسلامیی کوردستان    *****    *****   بە بۆنەی ساڵیادی دامەزراندنیەوە لەبارەگای مەکتەبی تەنفیزی یەکێتی زانایان مەراسیمی پێشوازی لە میوانان بەرێوە دەچێت    *****    *****   پەیامی سەرۆکی حکومەت رێزدار مەسرور بارزانی بۆ ساڵیادی دامەزراندنی یەکێتیی زانایانی ئیسلامیی کوردستان    *****    *****   پەیامی سەرۆک بارزانی بۆ ساڵیادی دامەزراندنی یەكێتیی زانایانی ئایینی ئیسـلامیی كـوردستان   
سه‌رۆكی ئه‌نجوومه‌نی باڵای فه‌توا: پێویستە‌ پارته‌ نیشتمانپه‌روه‌ره‌كانی كوردستان هه‌مان گیانی خۆڕاگری و ته‌بایی و برایه‌تی بپارێزن
به‌رواری دابه‌زاندن: 21/04/2021 : 23:12:57
قه‌باره‌ی فۆنت

 سه‌رۆكی ئه‌نجوومه‌نی باڵای فه‌توا له‌ هه‌رێمی كوردستان ده‌ڵێت، به‌و بڵاوكراوه‌یه‌ی كه‌ شه‌وی رابردوو باره‌گای‌ بارزانی‌ بڵاوی كرده‌وه‌، كاك مه‌سعوود بارزانی ئه‌ركی موسڵمانییه‌تی و براگه‌وره‌یی خۆی جێبه‌جێ كرد.


له‌باره‌ی‌ زمانی‌ زبرو ئه‌و شه‌ڕه‌ میدیایه‌ی‌ ده‌كرێ‌، شه‌وی‌ ڕابردوو باره‌گای‌ بارزانی‌ داوای‌ له‌ میدیاكانی‌ پارتی‌ كرد شه‌ڕی‌ جنێو نه‌كه‌ن و پابه‌ندی‌ پرسه‌ نیشتمانییه‌كان بن.


ئه‌مڕۆ چوارشه‌م 21ی نیسان، پڕۆفیسۆر دكتۆر حه‌سه‌ن موفتی سه‌رۆكی ئه‌نجوومه‌نی باڵای فه‌توا له‌ هه‌رێمی كوردستان، به‌ "وشه‌"ی راگه‌یاند، له‌ ئاینیی پیرۆزی ئیسلامدا قسه‌ی ناشیرین و نه‌شیاو، تانه‌ و ته‌شه‌رو جنێودان، نه‌فره‌تكردن و ئاماژه‌ی خراپ، ره‌فتارو كردارو ئاكاری ناپه‌سند، تێكڕایان حه‌رامن و پێویسته‌ تێكڕای موسڵمانان خۆیانی لێ به‌ دوور بگرن به‌ تایبه‌ت له‌  مانگی پیرۆزی ره‌مه‌زاندا.


روونیشی‌ كرده‌وه‌ كه‌ ئه‌و بڵاوكراوه‌ی باره‌گای‌ بارزانی‌ له‌باره‌ی داواكاریی راگرتنی راگه‌یاندنی دژ به‌ یه‌كتر كه‌ له‌ هه‌ندێك له‌ ده‌زگاو كادری پارته‌ سیاسییه‌كانه‌وه‌ به‌دی ده‌كرێت، هه‌روه‌ها پێویستی خۆڕاگریی و پابه‌ندبوونی ئه‌ندامانی ئه‌و پارته‌ی كه‌ سه‌رۆك بارزانی‌ سه‌ركردایه‌تی ده‌كات، كارێكی‌ جوان بوو، ده‌ركه‌وت كه‌ "كاك مه‌سعوود بارزانی‌ ئه‌ركی‌ موسڵمانییه‌تی‌ و براگه‌وره‌یی‌" جێبه‌جێ‌ كردووه‌.


وه‌ك ئاماژه‌ی‌ به‌وه‌ كرد كه‌ گه‌لی‌ كورد به‌ به‌ها پیرۆزه‌كانی رێز له‌ یه‌كترگرتن و وه‌ڵامنه‌دانه‌وه‌ی یه‌كترو یه‌كتر قبووڵكردن كه‌ له‌ ئیسلامه‌وه‌ سه‌رچاوه‌یان گرتووه‌ ناسراوه‌، به‌تایبه‌ت له‌ پێناو سه‌قامگیریی ئاشتی كۆمه‌ڵایه‌تی و مانه‌وه‌ی یه‌كڕیزی میله‌تی كورد له‌ به‌رانبه‌ر نه‌یاره‌كانی.


 سه‌رۆكی ئه‌نجوومه‌نی باڵای فه‌توا داوای‌ كرد كه‌ ته‌واوی‌ پارته‌ نیشتمانپه‌روه‌ره‌كانی كوردستان، هه‌مان گیانی خۆڕاگری و ته‌بایی و برایه‌تی بپارێزن له‌ پێناو به‌دیهێنانی ره‌زامه‌ندی خوداو له‌ گۆڕنانی پیلانی دوژمنان و گه‌یشتن به‌ ئاواتی مێژوویی كه‌ سه‌ربه‌خۆیی خاكی پاكی كوردستانه‌.


وه‌ك به‌پێویستی‌ زانی‌ كه‌ تێكڕای ده‌زگاكانی راگه‌یاندن و راگه‌یاندكاران، رێز له‌ یه‌كتر بگرن و به‌رنامه‌یه‌ك پێشكه‌ش نه‌كه‌ن كه‌ تێكده‌رانه‌ بێت، یان بێ رێزی تێدا بێت به‌ پره‌نسیپه‌كانی ئاینیی پیرۆزی ئیسلام و نه‌ریتی ره‌سه‌نی كورده‌واریی.


 


سلێمانی/ هۆشیار عه‌لی- ماڵپەڕی وشە