یه‌کێتی زانایانی ئاینی ئیسلامی کوردستان
كوردى | العربية ئێمە لە فەیسبوک په‌یوه‌ندی  |  لقه‌کان  |  ستافی کار  |  لینکی پێویست
*****    *****   مامۆستا مەلا سید عبدالرحمن کۆچی دوایی کرد یەکێتی زانایان پرسەنامەیەک ئاراستەی خانەوادەکەی دەکات    *****    *****   دكتۆر لوقمان جامیعی ئەندامی ئەنجومەنی باڵای فەتوا: شایەدی ئەوە دەدەم فتواكانی ئەنجوومەنی فتوای یەكانگیرن لەگەڵ قورئان و سوننەت و دەقە شەرعییەكان    *****    *****   لقی شەقلاوەی یەکێتی زانایانی ئاینی ئیسلامی کوردستان خولێکی زمان دەکاتەوە    *****    *****   لقی سۆرانی یەکێتی زانایان سمیناری هەفتانەی خۆی ساز دەکات    *****    *****   بەرپرسی لقی هەولێری یەکێتی زانایان بەشداری کردنەوەی دوو مزگەوت لە قەزای خەبات دەکات    *****    *****   گەورە زاناو کەسایەتی دیاری عیراق دکتۆر شێخ عبدالرزاق ئەلسەعدی سەردانی مەکتەبی تەنفیزی یەکێتی زانایان دەکات    *****    *****   سەرۆکی یەکێتی زانایان: وەفاتی زانای ناوداری کوردستانی رۆژهەڵات (مامۆستا مەلا سەید نورەدین واژی) کەلێنێکی گەورەیە بۆ هەموو زانایان    *****    *****   بە ئامادەبوونی سەرۆکی یەکێتی زانایان مەراسیمی بەخشینی بڕوانامەی زانستی لە سنوری ئیدارەی سەربەخۆی سۆران بەرێوە دەچێت    *****    *****   مامۆستا مەلا عبدالله  مصطفى حەمە کۆچی دوایی کرد یەکێتی زانایان پرسەنامەیەک ئاراستەی خانەوادەکەی دەکات    *****    *****   بە بەشداری نوێنەری یەکێتی زانایان و دانانی ئاڵای کوردستان کۆنفرانسی جیهانی ئەکادیمیای زانایانی تەسەوف لە ئەستەنبۆڵ بەڕێوە دەچێت    *****    *****   سەرۆکی یەکێتی زانایان لە قەتەر بەشداری پازدەهەمین کۆنگرەی دیالۆکی نێوان ئايینەکان دەکات    *****    *****   مامۆستا مەلا خەیری ئەحمەد رەشید وەک بەرپرسی نوێی لقی شێخانی یەکێتی زانایان هەڵبژێردرا   
سەرۆکی یەکێتی زانایان لە قەتەر بەشداری پازدەهەمین کۆنگرەی دیالۆکی نێوان ئايینەکان دەکات
به‌رواری دابه‌زاندن: 08/05/2024 : 18:39:08
قه‌باره‌ی فۆنت

رۆژانی 7و8ی5ی2024 بەرێز د.عبدالله مەلا وەیسی سەرۆکی یەکێتی زانایان لە دەوحەی پایتەختی قەتەر بەشداری پازدەهەمین کۆنگرەی دیالۆکی نێوان ئایینەکان کرد.


لەم کۆنگرەیەو لە مەراسیمی کردنەوەو دەسپێکدا بەرێز د.عبدالله مەلا وەیسی وتەیەکی پێشکەش کردو تێیدا وێڕای خۆشحاڵی سوپاس بۆ دەوڵەتی قەتەڕو ئەنجامدانی ئەم کۆنگرەیە، باسی لە پێویستی و گرنگی پێکەوەژیانی ئایینی و نەتەوەیی و رۆڵی لە بونیاتنانی کۆمەڵگەو خێزان و سەقامگیری کۆمەڵایەتی کردو تێڕوانینی ئایینی پیرۆزی ئیسلامی لەهەمبەر مامەڵەکردن لە گەڵ پرس و پێشهاتە نوێیەکان و رووبەڕوو بوونەوەی جیاکاری رەگەزی خستەڕوو، ئاماژەی بەو بەربەرست و تەحەددیانە کرد کە لەم قۆناغە هەڕەشەن بۆ سەر کیان و خێزان و کۆمەڵگەکان.


هەروەها لەبەشێکی تری وتارەکەی باسی لە تایبەتمەندی و پێگەی هەرێمی کوردستان لە بواری پێکەوەژیانی ئایینی و نەتەوەیی کردو، فەرهەنگ و کلتوری مامەڵەی گەلی کوردی لە پیشاندنی سیمای جوانی پەیڕەوکردنی ئایینی پیرۆزی ئیسلام و لێبوردەیی وەک جوانترین سیمای نێو کۆمەڵگەی کوردی وەسف کرد، هەروەک رۆڵی زانایانی کوردی لە قوڵکردنەوەی ئەم پەیامە جوانەو بڵاوکردنەوەی بیری میانڕەوی و لێبوردەیی و بایەخدان بە پەیوەندی و هەماهەنگی و تێگەیشتنی مرۆڤدۆستانە بەرز نرخاندو چەند نمونەیەکی لە خزمەتی زانایانی کورد هێنایەوە کە پێشکەشی شارستانیەتی ئیسلامی و جیهانی ئیسلامی و توراسی فکری و فیقهی و رێبازی گەورە زانایان کردووە، پاڵپشتی زانایانی کوردی بۆ هەر هەنگاوێک لە خزمەتی پێکەوەژیان و یەکتر قبوڵکردن و دیالۆک دووپاتکردەوە..


شایەنی باسە ئەم کۆنگرەیە بە بەشداری پتر لە 300 کەسایەتی لە نوخبەی بیریارو لێکۆڵەرو مامۆستای زانکۆو زانای ئایینی و سەرۆکی سەنتەرو رێکخراوو ناوەندە ئەکادیمی و پیشەییەکان لە 70 وڵاتی جیهان ماوەی دوو ساڵ جارێک بە شێوەی وەرزی لە پایتەختی قەتەڕ بەڕێوە دەچێت. ئامانجی ئەم کۆنگرەیە کارکردنە لەسەر خاڵی هاوبەشی نێوان ئایینەکان و پێکهاتەو نەتەوە جیاوازەکان، بۆ ئەوەی بتواندرێت هەموو ئەو جیاکاری و بەربەستانەی بوونەتە لەمپەر لەبەردەم پێشکەوتنەکان لابدات و تێگەیشتن و خوێندنەوەو هۆشیارەیەکی هاوچەرخ و تازە بۆ چەمک و فەرهەنگ و کلتووری نێوان وڵات و نەتەوەو ئایینەکان بێنێتە کایەوە.