یه‌کێتی زانایانی ئاینی ئیسلامی کوردستان
كوردى | العربية ئێمە لە فەیسبوک په‌یوه‌ندی  |  لقه‌کان  |  ستافی کار  |  لینکی پێویست
*****    *****   گەورە زاناو کەسایەتی دیاری عیراق دکتۆر شێخ عبدالرزاق ئەلسەعدی سەردانی مەکتەبی تەنفیزی یەکێتی زانایان دەکات    *****    *****   سەرۆکی یەکێتی زانایان: وەفاتی زانای ناوداری کوردستانی رۆژهەڵات (مامۆستا مەلا سەید نورەدین واژی) کەلێنێکی گەورەیە بۆ هەموو زانایان    *****    *****   بە ئامادەبوونی سەرۆکی یەکێتی زانایان مەراسیمی بەخشینی بڕوانامەی زانستی لە سنوری ئیدارەی سەربەخۆی سۆران بەرێوە دەچێت    *****    *****   مامۆستا مەلا عبدالله  مصطفى حەمە کۆچی دوایی کرد یەکێتی زانایان پرسەنامەیەک ئاراستەی خانەوادەکەی دەکات    *****    *****   بە بەشداری نوێنەری یەکێتی زانایان و دانانی ئاڵای کوردستان کۆنفرانسی جیهانی ئەکادیمیای زانایانی تەسەوف لە ئەستەنبۆڵ بەڕێوە دەچێت    *****    *****   سەرۆکی یەکێتی زانایان لە قەتەر بەشداری پازدەهەمین کۆنگرەی دیالۆکی نێوان ئايینەکان دەکات    *****    *****   مامۆستا مەلا خەیری ئەحمەد رەشید وەک بەرپرسی نوێی لقی شێخانی یەکێتی زانایان هەڵبژێردرا    *****    *****   مامۆستا مەلا عەلی سیامێوەیی کۆچی دوایی کرد یەکێتی زانایان پرسەنامەیەک ئاراستەی خانەوادەکەی دەکات    *****    *****   مامۆستا مەلا جەلال مەلا سالح هەڵەبجەیی کۆچی دوایی کرد یەکێتی زانایان پرسەنامەیەک ئاراستەی خانەوادەکەی دەکات    *****    *****   مامۆستا مەلا عبدالرحمن قادر ڕوستایی کۆچی دوایی کرد یەکێتی زانایان پرسەنامەیەک ئاراستەی خانەوادەکەی دەکات    *****    *****   مامۆستا مەلا فەتاحی شارستێنی کۆچی دوایی کرد یەکێتی زانایان پرسەنامەیەک ئاراستەی خانەوادەکەی دەکات    *****    *****   مەکتەبی تەنفیزی یەکێتی زانایان پێشوازی لە سەرۆکی بۆردی باڵای وتاری هەینی و شاندێکی یاوەری دەکات   
به‌لاغی كۆتایی یه‌كه‌مین كۆبوونه‌وه‌ی مه‌كته‌بی ته‌نفیزی یه‌كێتی زانایان
به‌رواری دابه‌زاندن: 23/06/2010 : 16:35:18
قه‌باره‌ی فۆنت
به‌ناوی خوای گه‌وره‌ میهره‌بان
[واعْتَصِمُوا بِحَبْلِ اللَّهِ جَمِيعًا ولَا تَفَرَّقُوا]
رۆژی (8/5/2010 زایینی) به‌رامبه‌ر (25/5/1430كۆچی) ده‌سته‌ی (ئه‌نجومه‌نی ناوه‌ندی) هه‌ڵبژێردراوی كۆنگره‌ی پێنجه‌می یه‌كگرتنه‌وه‌ی یه‌كێتی زانایانی ئایینی ئیسلامی كوردستان، به‌ ئاماده‌بوونی هه‌ردوو به‌ڕێزان نوێنه‌ری سه‌رۆك كۆماری عێراق‌و سه‌رۆكی هه‌رێمی كوردستان، له‌ مه‌كته‌بی ته‌نفیزی یه‌كێتی زانایان له‌ هه‌ولێر، یه‌كه‌مین كۆبوونه‌وه‌ی خۆیان ئه‌نجامدا، له‌ كۆبوونه‌وه‌كه‌دا باس له‌ هۆكاره‌كانی دواكه‌وتنی ئه‌م كۆبوونه‌وه‌یه‌ كرا، كه‌ خۆی له‌ بارودۆخی تایبه‌تی عێراق ده‌بینیه‌وه‌، به‌تایبه‌تی هه‌ڵبژاردنی په‌رله‌مانی عێراق‌و، سه‌رقاڵبوونی هه‌موو لایه‌ك به‌م پڕۆسه‌یه‌وه‌.
له‌ كۆبوونه‌وه‌ی ئه‌مڕۆكه‌دا گفتوگۆیه‌كی تێر‌و ته‌سه‌ل ده‌رباره‌ی قۆناغی ئێستای یه‌كێتی زانایان كرا، له‌ خزمه‌تكردن به‌ ئایینی پیرۆزی ئیسلام‌و، مه‌سه‌له‌ نه‌ته‌وایه‌تییه‌كان‌و داكۆكیكردن له‌ مافه‌كانی زانایانی ئایینی، به‌شێوه‌یه‌ك كه‌ یه‌كێتی زانایان ماڵی یه‌كه‌می زانایانی ئایینی بێت‌و، تا سه‌ر ئێسقانیش پارێزه‌ری ئایینی پیرۆزی ئیسلام‌و ماف‌و ئه‌ركه‌ نه‌ته‌وایه‌تیه‌كانمان ده‌بین.
له‌ دوماهی دانیشتنه‌كه‌دا، به‌ ئاماده‌بوونی (30) كه‌س له‌ (31) ئه‌ندامی هه‌ڵبژێردراو، له‌ ده‌نگدانێكی ئاشكرا‌و ئازاددا (11) زانای ئایینی متمانه‌ی زۆرینه‌یان پێدرا، كه‌ (24) ده‌نگیان پێدرا، له‌ به‌رامبه‌ر ته‌نها (6) ده‌نگ، كه‌ ده‌نگیان نه‌دا.
دوای ئه‌وه‌ش به‌ كۆده‌نگی ئه‌ندامانی مه‌كته‌بی ته‌نفیزی، سه‌رۆكی یه‌كێتی زانایان‌و جێگره‌كه‌ی هه‌ڵبژێردران، كه‌ به‌م شێوه‌یه‌ی خواره‌وه‌ بوو:
1/ مامۆستا مه‌لا عه‌بدوڵا مه‌لا سه‌عید گرتكی. سه‌رۆكی یه‌كێتی زانایان.
2/ مامۆستا مه‌لا جه‌لال خه‌یلانی. جێگری سه‌رۆك.
3/ مامۆستا مه‌لا محه‌مه‌ وه‌رتی. ئه‌ندامی مه‌كته‌بی ته‌نفیزی.
4/ مامۆستا مه‌لا ئه‌حمه‌د شافیعی. ئه‌ندامی مه‌كته‌بی ته‌نفیزی.
5/ مامۆستا مه‌لا عومه‌ر سوێری. ئه‌ندامی مه‌كته‌بی ته‌نفیزی.
6/ مامۆستا مه‌لا عه‌بدوڵای ئاكرێ‌. ئه‌ندامی مه‌كته‌بی ته‌نفیزی.
7/ مامۆستا شێخ عه‌بدولباسیت بالیسانی. ئه‌ندامی مه‌كته‌بی ته‌نفیزی.
8/ مامۆستا مه‌لا محه‌مه‌ده‌مین كه‌لاری. ئه‌ندامی مه‌كته‌بی ته‌نفیزی.
9/ مامۆستا شێخ به‌هائه‌ددین نه‌قشبه‌ندی. ئه‌ندامی مه‌كته‌بی ته‌نفیزی.
10/ مامۆستا مه‌لا نه‌جمه‌دین وادی. ئه‌ندامی مه‌كته‌بی ته‌نفیزی.
11/ مامۆستا مه‌لا جه‌عفه‌ر گوانی. ئه‌ندامی مه‌كته‌بی ته‌نفیزی.
له‌ كۆتاییشدا له‌ زانایانی ئایینی ده‌خوازین، كه‌ ئێمه‌ خۆمان به‌ خزمه‌تكاری ئه‌وان ده‌زانین‌و، پێویستیمان به‌ پشتیوانی به‌ڕێزیان هه‌یه‌‌و، هه‌موو باره‌گاكانی یه‌كێتی زانایانیش ماڵی یه‌كه‌می ئه‌وانن، ئه‌وانیش خاوه‌ن ماڵن‌و، بۆ هه‌ر گرفت‌و كێشه‌یه‌كیش ئێمه‌ به‌ نزیكترین كه‌سی خۆتان بزانن.
داواش له‌ حكومه‌تی هه‌رێمی كوردستان‌و، هه‌موو لایه‌نه‌ په‌یوه‌ندیداره‌كان ده‌كه‌ین، پشتیوانمان بن بۆ به‌رگریكردن له‌ ئایینی پیرۆزی ئیسلام‌و مافه‌ نه‌ته‌وه‌یی‌و نیشتیمانیه‌نمان‌و، داكۆكیكردن له‌ مافه‌كانی زانایانی ئایینی.
ئه‌وپه‌ڕی په‌یوه‌ندی دۆستایه‌تیش له‌گه‌ڵا سه‌رجه‌م رێكخراوه‌ مه‌ده‌نی‌و پیشه‌یی‌و جه‌ماوه‌رییه‌كان ده‌به‌ستین، بۆ ئه‌وه‌ی بتوانین هه‌موومان به‌ جیاوازی توێژ‌و بیروبۆچوونه‌وه‌ خزمه‌ت به‌ گه‌ل‌و نیشتیمان‌و نه‌ته‌وه‌كه‌مان بكه‌ین.

مه‌كته‌بی ته‌نفیزی
یه‌كێتی زانایانی ئایینی ئیسلامی كوردستان
‏25‏/05‏/1431 كۆچی
18/ گوڵانی/ 2711 كوردی
‏08‏/05‏/2010 زایینی