یه‌کێتی زانایانی ئاینی ئیسلامی کوردستان
كوردى | العربية ئێمە لە فەیسبوک په‌یوه‌ندی  |  لقه‌کان  |  ستافی کار  |  لینکی پێویست
*****    *****   شێخ جمال كورێمەیی کۆچی دوایی کردو یەکێتی زانایان پرسەنامەیەک ئاراستەی خانەوادەکەی دەکات    *****    *****   لقی هەڵەبجەی یەکێتی زانایان دانیشتنی ئاسایی خۆی ئەنجام دەدات    *****    *****   سەرۆکی یەکێتی زانایان لقی هەولێری یەکێتی زانایان بەسەر دەکاتەوە    *****    *****   لقی سۆرانی یەکێتی زانایان دانیشتنی هەفتانەی خۆی سازدەکات    *****    *****   یەکێتی زانایان لەساڵیادی شەهیدبوونی مامۆستا مەلا عبدالله پەلپیتانی مەراسیمێکی یادەوەری ساز دەکات    *****    *****   ماددە هۆشبەرەکان چەکێکی تر بۆ لەناو بردنی مرۆڤایەتی    *****    *****   بۆ کۆچی دوایی مامۆستا شێخ ئەحمەد باب رسول یەکێتی زانایان پرسەنامەیەک ئاراستەی خانەوادەکەی دەکات    *****    *****   وەزیری گواستنەوەو گەیاندن سەردانی مەکتەبی تەنفیزی یەکێتی زانایان دەکات و کۆمەڵێک قورئان  بەدیاری پێشکەش دەکات    *****    *****   شاندی باڵای یەکێتی زانایان سەردانی دیوانی وەقفی شیعە لە شاری بەغدا دەکات    *****    *****   شاندی باڵای یەکێتی زانایان سەردانی سەماحەتی ئایەتوڵڵا سەید حسین سەید اسماعیل سەدر گەورە مەرجەعی شیعە لە شاری بەغدا دەکات    *****    *****   شاندی باڵای یەکێتی زانایان سەردانی جێگری سەرۆکی پەرلەمانی عیراق دەکات    *****    *****   سەرۆکی یەکێتی زانایان و شاندی یاوەری سەردانی سەرۆکایەتی دیوانی وەفقی سووننی عیراق دەکات   
یەکێتی زانایان: سوکایەتی بەرامبەر ئیسلام و پیرۆزیەکان قابیلی قبوڵ نیەو دەبێ دەزگا ئەمنیەکان رێکاری پێویست بگرنە بەر
به‌رواری دابه‌زاندن: 26/08/2019 : 00:09:50
قه‌باره‌ی فۆنت

دوای ئەوەی گرتەیەکی ڤیدۆیی لە تۆڕە کۆمەڵایەتیەکان بڵاو بوویەوە، کە لە لایەن دوو کەس سوکایەتی بە تابلۆی دانراوی سەر شەقامەکان دەکرێ، کە زیکرو ناوی خوای لەسەرەو، دواتر دەیخەنە ژێر پێ و بە قسەو رەفتار سوکایەتی بە پیرۆزیەکان دەکەن، یەکێتی زانایان بەیاننامەیەک بڵاودەکاتەوە، ئەمەی خوارەوە دەقەکەیەتی:

 

بەناوی خوای گەروە

دوای بڵاوبوونەوەی ئەو گرتە ڤیدیۆیە لە تۆڕە کۆمەڵایەتیەکان، کە پڕە لە سوکایەتی کردن بە ناو و سیفاتی پیرۆزی خواو و قسە گوتن بە ئیسلام و پیرۆزیەکانی، کە نیگەرانی زۆری بەدوای خۆیدا هێناو دیاریشە کە هیچ پاساو و بیانوێک هەڵناگرێ.

ئێمە لە یەکێتی زانایانەوە وێڕای نیگەرانیمان بە توندی ئیدانەی ئەو جۆرە کارانە دەکەین و پێمان وایە وێڕای ئەوەی لەگەڵ کۆمەڵگەو رەوشتی کوردەواری ئێمە ناگونجێ، لەهەمان کات پێچەوانەی هەموو رێساو بەها بەخلاقیەکانەو هەوڵی نەزۆک و تێکدەرانەن بۆ شێواندنی سیمای جوانی کۆمەڵگەو پێکەوەژیانی ئایینی و بریندارکردنی هەستی موسڵمانان و نانەوەی پشێوی و تێکدانی ئاشتی کۆمەڵایەتیە، کە بەهیچ شێوەیەک قابیلی قبوڵ نیەو پێویستە رێی لێ بگیرێت.

بۆیە لێرەوە داوا لە لایەنی پەیوەندارو دەزگا ئەمنیەکان و بەتایبەت پۆلیس و ئاسایش دەکەین، هەرچی زووە بەدواداچوون بکەن و رێکاری پێویست و پەیوەست بگرنە بەر بۆ دۆزینەوەی ئەنجامدەرانی ئەو کارو سوکایەتیە، بۆ ئەوەی بەپێی یاسا مامەڵەیان لەگەڵ بکرێت، چونکە ئەو هەنگاوە پێچەوانەی یاساو شەریعەتی ئیسلامەو ناکرێ بە شتێکی عەفەوی و سادە سەیر بکرێت.

یەکێتی زانایانی ئایینی ئیسلامی کوردستان

25ی8ی2019