یه‌کێتی زانایانی ئاینی ئیسلامی کوردستان
كوردى | العربية ئێمە لە فەیسبوک په‌یوه‌ندی  |  لقه‌کان  |  ستافی کار  |  لینکی پێویست
*****    *****   یەکێتی زانایان نیگەرانی خۆی لەهەمبەر کوشتنی ئەندامانی خێزانێکی کورد لە تورکیا دەردەبڕێت    *****    *****   سەرۆکی یەکێتی زانایان پرسەنامەیەک ئاراستەی مامۆستا سەلاحەددین محمد بەهائەدین دەکات    *****    *****   لقی سۆرانی یەکێتی زانایان پێشوازی لە قایمقامی قەزای سۆران دەکات    *****    *****   ئەنجومەنی باڵای فەتوا لە باری وەرگرتنی ژەمە ڤاکسین روونکردنەوەیەک رادەگەیەنێت    *****    *****   مامۆستا مەلا عبدالحمید رێکانی کۆچی دوایی کردو یەکێتی زانایان پرسەنامەیەک ئاراستەی خانەوادەکەی دەکات    *****    *****   ئەنجومەنی باڵای فەتوا حوکمی نەشتەرگەری جوانکاری روون دەکاتەوە    *****    *****   شاندێکی لێژنەی ئەوقاف و کاروباری ئایینی لە پەرلەمانی کوردستان سەردانی یەکێتی زانایان دەکات    *****    *****   پەیامی پیرۆزبایی یەکێتی زانایانی ئایینی ئیسلامی کوردستان بە بۆنەی هاتنەوەی جەژنی قوربانی پیرۆزەوە    *****    *****   لقی شەقڵاوەی یەکێتی زانایان دیداری زانستی هەفتانەی زانایانی ئایینی ئەنجام دەدات    *****    *****   لقی رانیەی یەکێتی زانایان کۆبوونەوەیەکی فراوان ئەنجام دەدات و چەند پرسێک تاوتوێ دەکات    *****    *****    بە هەماهەنگی لقی سلێمانی یەکێتی زانایان سیمینارێک بەرێوە دەچێت    *****    *****   لقی گەرمیانی یەکێتی زانایان کۆبوونەوەی ئاسایی خۆی ئەنجام دا   
قورئانی پیرۆز
به‌رواری دابه‌زاندن: 2012-08-22 23:01:52
قه‌باره‌ی فۆنت
  پرسیار :
ئایا بە بێ دەست نوێژ دەتوانین قورئان بخوێنین؟ وە شەو نوێژ چ كاتێكی شەو بكرێ خێری زیاترە واتە سەعات چەند؟
   وەلام :

بەڵی دەتوانرێت بە بێ‌ دەستنوێژ قورئان ـ كە سەروەری هەموو زیكرەكانە وخوای پەروەردگار لەبارەیەوە فەرموویەتی: [ وَأَنْزَلْنَا إِلَيْكَ الذِّكْرَ ] (النحل: 44) ـ بخوێنیت، یان هەر زیكرێكی تر بكەیت، چونكە دایكە (عائشە) ـ ڕەزا و ڕەحمەتی خوای لێبێت ـ فەرموویەتی:" كَانَ النَّبِىُّ ـ صلى الله عليه وسلم ـ يَذْكُرُ اللَّهَ عَلَى كُلِّ أَحْيَانِهِ " (رواه مسلم)، واتە: پێغەمبەری خوا (صلی الله علیه وسلم) لە هەموو بار و حاڵێكیدا زیكر و یادی خوای پەروەردگاری دەكرد.
بەڵام سوننەت و باشتر وایە كە لەكاتی زیكركردندا ـ قورئان خوێندن بێت یان جگە لەو ـ دەستنوێژمان هەبێت، هەروەكو پێغەمبەری خوا (صلی الله علیه وسلم) لە كاتێكدا كە هاوەڵێكی سەلامی لێدەكات، وەڵامی ناداتەوە تاكو دەستنوێژ دەگرێت (دەشوات)، پاشان دەفەرموێت: " إني كرهت أن أذكر الله إلا على طهر ـ أو قال: ـ على طهارة "(1) واتە: من پێم خۆش نەبوو زیكر و یادی خوا بكەم جگە بە دەستنوێژەوە نەبێت، یان فەرمووی: بەبێ‌ دەستنوێژ... خوای پەروەردگاریش زاناترە.
[وە سەبارەت بە پرسیاری دووم، دەڵێم:] 
(ابن عمرو) ـ ڕەزا و ڕەحمەتی خوای لێبێت ـ بۆ مان لە پێغەمبەری خواوە (صلی الله علیه وسلم) دەگێڕێتەوە كە فەرموویەتی: "...، و أحب الصلاة إلى الله صلاة داود كان ينام نصف الليل و يقوم ثلثه و ينام سدسه "(2)، واتە: خۆشەویسترین شێوازی شەونوێژ شەونوێژی پێغەمبەر داودە ـ علیه السلام ـ نێوەی شەو دەخەوت و لە سێ‌یەكی كۆتاییدا شەونوێژی دەكرد، پاشان لە شەش یەكی كۆتایی شەو دەخەوتەوە.
دیاریكردنی شەویش لە سەرەتای خۆرئاوابوونەوە دەست پێدەكات، تاكو سەرەتای دەركەوتنی سپێدەی ڕاستگۆ (الفجر الصادق) ـە و سەرەتای كاتی نوێژی بەیانیە، بۆیە كات و ساتی شەونوێژ بەو پێیە دیاری دەكرێت، و سەعاتێكی دیاری كراوی نیە، لەبەر گۆڕانی كاتی شەو لە وەرزێكەوە بۆ وەرزێكی تر... خوای پەروەردگاریش زاناترە.
...وَآخِرُ دَعْوَانَا أَنِ الْحَمْدُ لِلَّهِ رَبِّ الْعَالَمِينَ