یه‌کێتی زانایانی ئاینی ئیسلامی کوردستان
كوردى | العربية ئێمە لە فەیسبوک په‌یوه‌ندی  |  لقه‌کان  |  ستافی کار  |  لینکی پێویست
*****    *****   یەکێتی زانایان نیگەرانی خۆی لەهەمبەر کوشتنی ئەندامانی خێزانێکی کورد لە تورکیا دەردەبڕێت    *****    *****   سەرۆکی یەکێتی زانایان پرسەنامەیەک ئاراستەی مامۆستا سەلاحەددین محمد بەهائەدین دەکات    *****    *****   لقی سۆرانی یەکێتی زانایان پێشوازی لە قایمقامی قەزای سۆران دەکات    *****    *****   ئەنجومەنی باڵای فەتوا لە باری وەرگرتنی ژەمە ڤاکسین روونکردنەوەیەک رادەگەیەنێت    *****    *****   مامۆستا مەلا عبدالحمید رێکانی کۆچی دوایی کردو یەکێتی زانایان پرسەنامەیەک ئاراستەی خانەوادەکەی دەکات    *****    *****   ئەنجومەنی باڵای فەتوا حوکمی نەشتەرگەری جوانکاری روون دەکاتەوە    *****    *****   شاندێکی لێژنەی ئەوقاف و کاروباری ئایینی لە پەرلەمانی کوردستان سەردانی یەکێتی زانایان دەکات    *****    *****   پەیامی پیرۆزبایی یەکێتی زانایانی ئایینی ئیسلامی کوردستان بە بۆنەی هاتنەوەی جەژنی قوربانی پیرۆزەوە    *****    *****   لقی شەقڵاوەی یەکێتی زانایان دیداری زانستی هەفتانەی زانایانی ئایینی ئەنجام دەدات    *****    *****   لقی رانیەی یەکێتی زانایان کۆبوونەوەیەکی فراوان ئەنجام دەدات و چەند پرسێک تاوتوێ دەکات    *****    *****    بە هەماهەنگی لقی سلێمانی یەکێتی زانایان سیمینارێک بەرێوە دەچێت    *****    *****   لقی گەرمیانی یەکێتی زانایان کۆبوونەوەی ئاسایی خۆی ئەنجام دا   
قورئانی پیرۆز
به‌رواری دابه‌زاندن: 2012-09-08 12:16:22
قه‌باره‌ی فۆنت
  پرسیار :
سه‌لامی خوای گه‌وره‌تان لێ بێت بێ زه‌حمه‌ت زانیاریم دوێت له‌سه‌ر نوێژی استیخاره‌و دوعاكه‌ی ئه‌و نوێژه‌ خوا پاداشتان بداته‌وه‌
   وەلام :

سڵاوی خوای گەورە لە جەنابیشت بێت‌و خوا پاداشتت بداتەوە

نوێژی ئیستیخارە چۆن دەكرێت؟

زانایان كۆدەنگن لەسەر ئەوەی نوێژی ئیستیخارە سووننەتە، چونكە ئیمامی بوخاری لە جابیر ریوایەتی دەكات، كە ئەم دوعایەكەی دەگێڕایەوە.

شێوازی نوێژی ئیستیخارە بەم شێوەی خوارەوەیە:

یەكەم:: دەستنوێژێكی جوان دەشۆیت وەك ئەوەی بۆ نوێژ دەیشۆیت.

دووەم: نیەتی نوێژی ئیستیخارەت هەبێت.

سێیەم: دو ركات نوێژ دەكەیت، ئەگەر بتوانیت باشترە لە ركاتی یەكەم سورەتی (قُلْ يَا أَيُّهَا الْكَافِرُونَ) وە لە رەكاتی دووەم سورەتی (قُلْ هُوَ اللَّهُ أَحَدٌ) بخوێنیت.

چوارەم: دوای دوو ركاتەكان، سەلامی نوێژ دەدەیتەوە.

پێنجەم: پاشان دەستەكانت بەرز دەكەیتەوە، بە شێوازێك هەست‌و بیرت لەلای دوعا‌و پاڕانەوەكەت بێت.

شەشەم: لە دوعایەكەتدا یەكەمجار حەمدو سوپاسی خوا دەكەیت‌و، سڵاوات لەسەر پێغەمبەر لێدەدەیت، ئینجا دوعاى  ئیستیخارە بكە، كە ئەمە دەقی دوعایەكەیە:

(اللَّهُمَّ إنِّي أَسْتَخِيرُكَ بِعِلْمِكَ , وَأَسْتَقْدِرُكَ بِقُدْرَتِكَ , وَأَسْأَلُكَ مِنْ فَضْلِكَ الْعَظِيمِ فَإِنَّكَ تَقْدِرُ وَلا أَقْدِرُ , وَتَعْلَمُ وَلا أَعْلَمُ , وَأَنْتَ عَلامُ الْغُيُوبِ , اللَّهُمَّ إنْ كُنْتَ تَعْلَمُ أَنَّ هَذَا الأَمْرَ (لێرەدا ناوی كارەكەت بڵێ‌) خَيْرٌ لِي فِي دِينِي وَمَعَاشِي وَعَاقِبَةِ أَمْرِي, فَاقْدُرْهُ لِي وَيَسِّرْهُ لِي ثُمَّ بَارِكْ لِي فِيهِ , اللَّهُمَّ وَإِنْ كُنْتَ تَعْلَمُ أَنَّ هَذَا الأَمْرَ (لێرەدا ناوی كارەكەت بڵێ‌) شَرٌّ لِي فِي دِينِي وَمَعَاشِي وَعَاقِبَةِ أَمْرِي, فَاصْرِفْهُ عَنِّي وَاصْرِفْنِي عَنْهُ وَاقْدُرْ لِي الْخَيْرَ حَيْثُ كَانَ ثُمَّ ارْضِنِي بِهِ).

حەوتەم: پاشان دووبارە سڵاوات لەسەر پێغەمبەر درودی خوای لەسەر بێت لێبدە‌و كۆتایی بە نوێژەكەت بێنە.

 

تێبینی: ئەوەی لە ناو كەوانەكە هەیە، ناوی كارەكەتە، بۆ نموونە دەتەوێت گەشت بكەیت، یان بخوێنیت، یان ژیانی هاوسەری پێك بهێنیت، لەو كاتی ناوی كارەكەت دەهێنیت، بۆ نموونە لەو كاتی دەڵێیت:(شراء هذه السيارة، يان سفري إلى هذا البلد...).

ئەگەر بە عەرەبیش نەت زانی، دوعایەكەت بە كوردی بكە‌و، بڵێ‌: خوایە پەنات بۆ دەهێنم بە عيلم‌و زانیاریت، بە قودرەت و تواناكەت، خوایە داوای رێنماییت لێ دەكەم، خوایە داوای بەخششی مەزنت دەكەم، بێگومان تۆ خاوەن توانایی‌و من بێ‌ توانام، زانایی‌و من نازانم، خوایە ئاگاداری بە هەموو پەنهانێك، خوایە ئەو كارەی من (ناوی كارەكت دەهێنیت- بۆ نموونە كڕینی ئەم خانووەم) بۆ دین‌و ژیان‌و داهاتووم باشە، خوایە بۆمی رێك خەیت‌و بۆمی ئاسان كەیت‌و پیرۆزی بكە، ئەگەر كارەكەم (ناوی كارەكە دەهێنیتەوە) زیانی تێدایە بۆ ئایین‌و ژیان‌و داهاتووم، خوایە لێمی لابدەیت‌و منیش لە ئەو لابدە‌و، چاكە‌و خێرم بۆ دابنێ‌‌و لێشم رازی بە.