یه‌کێتی زانایانی ئاینی ئیسلامی کوردستان
كوردى | العربية ئێمە لە فەیسبوک په‌یوه‌ندی  |  لقه‌کان  |  ستافی کار  |  لینکی پێویست
*****    *****   یەکێتی زانایان پێشوازی لە کۆمەڵێک مامۆستاو قوتابی کۆلێژی زانستە ئیسلامییەکانی زانکۆی سەلاحەددین دەکات    *****    *****   مەکتەبی تەنفیزی یەکێتی زانایان کۆدەبێتەوەو چەند پرسێکی گرنگ و هەنوکەیی تاوتوێ دەکات    *****    *****   سەرۆکی یەکێتی زانایان بەشداری وۆرکشۆپێکی زانستی تایبەت بە پێکەوەژیان لە زانکۆی نۆڵج دەکات    *****    *****   سەرۆکی یەکێتی زانایان پێشوازی لە بەڕێوەبەری گشتی ئەوقافی پارێزگای هەولێر دەکات    *****    *****   لقی گەرمیانی یەکێتی زانایان سیمینارێک بۆ ژمارەیەک مامۆستای ئایینی ساز دەکات    *****    *****   یەکێتی زانایان لەسەر رووداوەکانی حەلەب پەیامێک بڵاو دەکاتەوەو ئیدانەی هێڕشی سەر گەڕەکە کوردنشینەکان دەکات    *****    *****   یەکێتی زانایانی ئایینی ئیسلامی کوردستان ئاماری گرنگترین چالاکیەکانی ساڵی 2025 بڵاودەکاتەوە    *****    *****   گۆڤاری ئەلیکترۆنی تایبەت بە چالاکیەکانی مەکتەبی تەنفیزی یەکێتی زانایانی ئایینی ئیسلامی کوردستان لە ساڵی 2025دا    *****    *****   ساڵی 2025 لە هەرێمی کوردستان (46) زاناو مامۆستای ئایینی کۆچی دواییان کردووە..       *****    *****   کۆتا کۆبونەوەی لقی چەمچەماڵی یەکێتی زانایان    *****    *****   مامۆستا مەلا محمد زێباری کۆچی دوایی کردو یەکێتی زانایان پرسەنامەیەک ئاراستەی خانەوادەکەی دەکات    *****    *****   سەرۆکی یەکێتی زانایان: بۆ دوورکەوتنەوە لە توندڕەوی پێویستیمان بە تێگەیشتنی دروست و زانستی هەیە لە ئایینی پیرۆزی ئیسلام   
 هەواڵ 

مه‌لا عومه‌ر سوێری
به‌رواری دابه‌زاندن: 29/07/2010 : 16:22:15
قه‌باره‌ی فۆنت
به‌ جێگه‌یاندنی سوننه‌تێكی پێغه‌مبه‌ر درودی خوای له‌سه‌ر بێت
پێغه‌مبه‌ر (د.خ) فه‌رمانی داوه‌و فه‌رمویه‌تی: (( وسطوا الإمام و سدوا الخلل)) رواه أبوداود. واته‌: ئیمام بخه‌نه‌ ناوه‌ندی ریزه‌كانتانه‌وه‌ وه‌ كه‌لێنه‌كانی ریز بگرن، كه‌واته‌: فه‌رمانی پێغه‌مبه‌ر صلی الله علیه‌وسلم وایه‌ هه‌ردوولای راسته‌و لای چه‌په‌ی ریزی نوێژ وه‌كو یه‌ك یه‌كسان بێت‌و هیچ لایه‌كیان له‌وه‌ی دیكه‌ درێژتر نه‌بێت، بۆیه‌:

1- وه‌ستانی زۆربه‌ی نوێژخوێنان له‌لای راسته‌ی ئیمام پێچه‌وانه‌ی سوننه‌ته‌، چونكه‌ ئه‌مه‌ ریز ناشرین ده‌كاو سیسته‌می جوانی نوێژی جه‌ماعه‌ت ده‌شێوێنێ.

2- ده‌بێ‌ ریزی دووه‌م‌و سێیه‌م‌و...هتد. له‌لای راسته‌ی پشت ئیمامه‌وه‌ ده‌ست پێ بكات‌و له‌ناوه‌ندی ریزه‌وه‌ دابمه‌زرێت، نه‌ك له‌لای راسته‌ی ئه‌و سه‌ری مزگه‌وته‌وه‌، هه‌روه‌كو خه‌ڵكانێك واده‌كه‌ن‌و به‌هه‌ڵه‌ حاڵی بوونه‌.

3- پێچه‌وانه‌ی سوننه‌ته‌ كه‌سێك بچێته‌ ناو مزگه‌وت‌و له‌ نزیكترین شوێن له‌ ریز بوه‌ستێ‌‌و به‌ په‌له‌ نوێژ دابه‌ستێ‌، به‌ڵكو پێویسته‌ ته‌ماشای هه‌ردوولای ریز بكات، وه‌ كامه‌ لای كورتربێت له‌وێ‌ بوه‌ستێ‌‌و له‌گه‌ڵ لایه‌كه‌ی دیكه‌ یه‌كسانی بكات، پێغه‌مبه‌ر(د.خ) ده‌فه‌رموێ‌: ((أحسنوا إقامه‌ الصفوف فی الصلاه‌)) رواه أحمد ورواته رواه‌الصحیح. واته‌: دامه‌زراندنی ریزه‌كانی نوێژی جه‌ماعه‌ت جوان‌و رێك بخه‌ن.

* خێری وه‌ستان له‌لای راسته‌ له‌م فه‌رموده‌یه‌دا: ((إن الله وملائكته یصلون علی تیامن الصفوف)) رواه أبوداود و إبن كاجه‌ بإسناد حسن. واته‌: ره‌حمه‌تی خواو نزای فریشته‌كان بۆ ئه‌وانه‌یه‌ كه‌ له‌لای راسته‌ی ریز نوێژ ده‌كه‌ن، ئه‌مه‌ بۆ ئه‌و حاڵه‌ته‌یه‌ ئه‌گه‌ر لای راسته‌و لای چه‌په‌ وه‌كو یه‌ك یه‌كسان بێت، پێشه‌وایانی فه‌رموده‌و شه‌ریعه‌ت فه‌رمویانه‌: ( ئه‌وكه‌سه‌ی بچێته‌ ناو مزگه‌وته‌وه‌ واچاكه‌ روو بكاته‌ لای راسته‌، به‌و مه‌رجه‌ی لای چه‌په‌ په‌كی نه‌كه‌وێ‌و كه‌متری لێ‌ نه‌بێت) فیض القدیر 2/270.، وه‌ پێشه‌وای فه‌رموده‌ (إبن حجر) ده‌ڵێت: ( ئه‌م فه‌رموده‌یه‌ بۆ ئه‌وه‌ هاتوه‌ ئه‌گه‌ر مه‌ئموم ته‌نها یه‌ك كه‌س بێت ده‌بێ لای راسته‌ی ئیمامه‌وه‌ بوه‌ستێ، به‌ڵام ئه‌گه‌ر مه‌ئموكه‌كان له‌ یه‌ك كه‌س زیاتر بوون هیچ به‌ڵگه‌ له‌م فه‌رمووده‌یه‌دا نیه‌ له‌سه‌ر خێری زیاتری لای راسته‌ی مزگه‌وت) فتح الباری 2/276.

* هاوه‌ڵه‌ به‌ رێزه‌كان ره‌زای خوایان له‌سه‌ر بێت به‌ پێغه‌مبه‌ر (د.خ) یان وت: زۆربه‌ی نوێژ خوێنان لای راسته‌ وه‌ستاون‌و لای چه‌په‌ی ریز په‌كی كه‌وتوه‌؟ پێغه‌مبه‌ر (د.خ) فه‌رموی: (( هه‌ركه‌سێ لای چه‌په‌ی مزگه‌وت ئاوه‌دان بكاته‌وه‌و له‌گه‌ڵ لای راسته‌ یه‌كسانی بكات دوو خێری بۆ ده‌نوسرێ)) رواه المنذري وغيره، واته‌ خێری لای راسته‌ی بۆ ده‌نوسرێ به‌ گوێره‌ی نیه‌تی خۆی، هه‌روا خێری جوانكردن‌و رێكخستنی ریزیشی بۆ ده‌نوسرێت.