به‌ناوی خوای به‌خشنده‌ی میهره‌بان
[الَّذِي أَطْعَمَهُمْ مِنْ جُوعٍ وَآمَنَهُمْ مِنْ خَوْفٍ]
تا ئێستا له‌هه‌رێمی كوردستان ئاسایشێك به‌رقه‌راربووه كه‌هه‌موان له‌ژێر سایه‌یدا هه‌م به‌ئارامی ژیاوین و سه‌روماڵ و شه‌ره‌ف و كه‌رامه‌تمان پارێزراو بووه، هه‌م له‌لایه‌كی تریشه‌وه مایه‌ی شانازی هه‌موو لایه‌كمان بووه، كه‌له‌ناوچه‌كه‌دا ئه‌م هه‌رێمه له هه‌موو شوێنه‌كانی تری عێراق و ناوچه‌كه زیاتر ئاسایشی تێدا به‌رقه‌رار بووه، به‌ڵام ئه‌وه چه‌ند ڕۆژێكه دیارده‌ی ته‌قه‌كردن له پارێزگای سلێمانی له‌چه‌ند مامۆستایه‌كی ئایینی و خه‌ڵكانی ترو هه‌ره‌شه‌لێكردنیان رویداوه، بێگومان ئه‌م دیارده‌یه زیانی بۆ گه‌ل و نیشتمان و ئه‌زموونی كورد و ده‌سه‌ڵاته‌كه‌ی هه‌یه، بۆیه ئێمه وه‌ك یه‌كێتی زانایان ئه‌م دیاردانه به ناشارستانی له‌قه‌ڵه‌م ده‌ده‌ین و، ئیدانه‌ی ده‌كه‌ین و، ڕه‌تی ده‌كه‌ینه‌وه، دڵنیاین ئه‌م جۆره دیاردانه خزمه‌ت به‌دۆزی گه‌ل و وڵات ناكات، هه‌ر لێره‌شه‌وه رایده‌گه‌یه‌نین ئێمه وه‌ك یه‌كێتی زانايان وه‌ك ئه‌ركێكی ئایینی‌و نیشتیمانی هه‌موو جۆره تووند‌و تیژییه‌ك ئیدانه ده‌كه‌ین، جا له هه‌ر لایێكه‌وه بێت، چونكه تووند‌و تیژی له بری خۆشه‌ویستی رق‌و كینه به‌رهه‌م ده‌هێنێت. داواشمان له لایه‌نه په‌یوه‌ندیه‌داره‌كانه، كه رێگه نه‌ده‌ن هیچ ده‌ستێك ده‌رفه‌تی ئه‌وه وه‌ربگرێت له‌و كاته ناسكه‌ی كوردستان ترس‌و دڵه‌راوكێ دروست بكات‌و، ئه‌من‌و ئاسایشی كوردستان بشێوێنێت.
مه‌كته‌بی ته‌نفیزی
یه‌كێتی زانایانی ئایینی ئیسلامی كوردستان
28 / 2 / 2011 | 
یەکێتی زانایان بە هاوبەشی سەنتەری روح ئەلحەیات دیدارێکی زانستی (چارەسەری تەندروستی لە نێوان شەریعەت و زانستی پزیشکیدا) بەرێوە دەبات
یەکێتی زانایان مەراسیمێکی رێزلێنان بۆ 130 مامۆستای ئایینی و هاوکارانی راگەیاندنی مەکتەبی تەنفیزی یەکێتی زانایان ساز دەکات
