به‌ناوی خوای گه‌وره‌‌و میهره‌بان
دوای بڵاوبوونه‌وه‌ی هه‌واڵی كوشتنی ئافره‌تێك به‌ناوی (دونیا) له‌لایه‌ن مێرده‌كه‌یه‌وه، هه‌ر زوو نیگه‌رانی خۆمان ده‌ربڕی‌و، پشتیوانی خۆشمان ده‌ربڕی بۆ هه‌موو هاوكاری‌و هه‌ماهه‌نگیه‌ك بۆ رێگرتن له دووباره‌بوونه‌وه‌ی كوشتن، به‌ڵام به‌داخه‌وه ئه‌وه‌ی نیگه‌رانی ئێمه‌ی زیاتر كرد، ده‌ستپێكردنی ئه‌و هه‌ڵمه‌ته بێ ویژدانه‌ی هه‌ندێك له راگه‌یاندنه‌كان‌و رێكخراوه‌كان بوو بۆ سه‌ر مامۆستایانی ئایینی‌و، زانایانی ئایینیان وه‌ك تاوانبار پیشان ده‌دا، ئه‌مه‌ش به‌بێ ئه‌وه‌ی هیچ زانیارییه‌كی دروستیان هه‌بێت.
ئه‌م كاره نامه‌سئولانه‌‌و دوور له هه‌موو به‌هاكان كارێكه به هیچ شێوه‌یه‌ك جێگه‌ی قبوڵكردن نییه‌‌و، رێگا ناده‌ین رووداوه‌كان بقۆزرێنه‌وه بۆ لێدانی مامۆستایانی ئایینی‌و بێ حورمه‌تیكردن به پێگه‌كه‌یان‌و، مامۆستایانی ئایینی كه هه‌میشه سه‌رمه‌شقی چاره‌سه‌ری گرفت‌و كێشه‌كان بوونه، وه‌ك به‌شێك له دروستكردنی كێشه پیشان بدرێن.
لێره‌وه داوا له سه‌رجه‌م راگه‌یاندن‌و رێكخراوه‌كان‌و هه‌موو ئه‌وانه ده‌كه‌ین، كه له‌م باسانه ده‌دوێن، تكایه له ئاست مه‌سئولیه‌ت دابن‌و، په‌نا بۆ ته‌شهیر‌و شێواندنی پێگه‌ی مامۆستایانی ئایینی نه‌به‌ن. به پێچه‌وانه‌وه‌ی رێكاری یاسایی به‌رامبه‌ر هه‌موو ئه‌وانه ده‌گرینه به‌ر كه هێڕشی ناڕه‌وا ده‌كه‌نه سه‌ر مامۆستایانی ئایینی‌و ته‌شهیر به پێگه‌كه‌یان ده‌كه‌ن.
مه‌كته‌بی ته‌نفیزی
یه‌كێتی زانایانی ئایینی ئیسلامی كوردستان
1/6/2014
یەکێتی زانایان بە هاوبەشی سەنتەری روح ئەلحەیات دیدارێکی زانستی (چارەسەری تەندروستی لە نێوان شەریعەت و زانستی پزیشکیدا) بەرێوە دەبات
یەکێتی زانایان مەراسیمێکی رێزلێنان بۆ 130 مامۆستای ئایینی و هاوکارانی راگەیاندنی مەکتەبی تەنفیزی یەکێتی زانایان ساز دەکات
