ئێواره‌ی 9/10/2010شه‌ممه لقی سۆرانی یه‌كێتی زانایان به‌هه‌ماهه‌نگی له‌گه‌ل به‌ڕێوه‌به‌رایه‌تی ئه‌وقافی سۆران وبه‌ئاماده‌بوونی (م.مه‌لاعبدالله مه‌لاسعیدگرتكی)سه‌رۆكی یه‌كێتی زانایان وبه‌ڕێوه‌به‌ری ئه‌وقافی سۆران ومامۆستایانی ئاینی ونوێنه‌رانی حیزبی وحكومی وكه‌سایه‌تی وجه‌ماوه‌رێكی زۆری ناوچه‌كه ,به‌مه‌به‌ستی رێزلێنان له ته‌مه‌نی پڕعیلم وزانست ومه‌لایه‌تی (م.مه‌لاشریف باله‌كی )له‌سێیه‌مین رۆژی پرسه‌كه‌داله هۆلی بۆنه ئاینیه‌كانی گوندی بێلنگری سه‌ربه قه‌زای سۆران مه‌راسیمێكی شایسته‌ی ئه‌نجامدا .كه‌تیایداسه‌رۆكی یه‌كێتی زانایان له‌ووته‌یه‌كداوێڕای ده‌ربڕینی هاوخه‌می وسه‌ره‌خۆشی خۆی بۆكۆچی دوای مامۆستا.
باسی كاریگه‌ری وڕۆلی مامۆستایانی ئاینی كردوبه‌پێویستی زانی كه‌خه‌بات وماندوبونیان له‌پێناوخزمه‌تكردنی ئاین ونیشتمانه‌كه‌یان هه‌میشه به‌به‌رزی ڕابگیرێ.هه‌روه‌هاده‌ستخۆشانه‌شی له‌لقی سۆرانی یه‌كێتی زانایان كردبۆئه‌نجامدانی ئه‌وجۆره مه‌راسیمانه كه‌هێمایه‌كه بۆپه‌رۆشی وخه‌مخۆری نێوان زانایان و هیوای خواست كه‌زانایانی ئاینی هه‌میشه به‌وجۆره رۆحیه‌ته‌ی هه‌یانه بمێننه‌وه‌وبه‌باشترین شێوه‌خزمه‌ت به‌یه‌كتروئاین وولاته‌كه‌یان بكه‌ن .پاشان هه‌ریه‌ك له(م.مه‌لاعبدالواحیدباله‌كی و.م .مه‌لاعبدالله باله‌كی)به‌ناوی بنه‌ماله‌ی خوالێخۆشبووسوپاسی سه‌رۆكی یه‌كێتی زانایان ولقی سۆران وبه‌رێوه‌به‌رایه‌تی ئه‌وقافی سۆرانیان كردبۆئه‌وخه مخۆری وپه‌رۆشیه‌ی كه‌هه‌یان بوه‌وئاماده‌بونیان له‌به‌خاك سپاردن وئاماده‌بونیان له‌هه‌رسێ رۆژی پرسه‌كه‌دا.
شایه‌نی وه‌بیرهێنانه‌وه‌یه كه‌شه‌وی 6/10/2010 چوارشه‌ممه (م.مه‌لاشریف احمد حسێن باله‌كی)به‌هۆی نه‌خۆشیه‌كی له‌ناكاوكۆچی دوای كرد.
|
