یه‌کێتی زانایانی ئاینی ئیسلامی کوردستان
كوردى | العربية ئێمە لە فەیسبوک په‌یوه‌ندی  |  لقه‌کان  |  ستافی کار  |  لینکی پێویست
*****    *****   لقی ئاکرێی یەکێتی زانایان بەشداری کۆڕبەندی زانستی کۆلێژی پەروەردە دەکات    *****    *****   لقی سۆرانی یەکێتی زانایان سیمیناری زانستی هەفتانەی خۆی سازدەکات    *****    *****   لقی هەڵەبجەی یەکێتی زانایان بەشداری وۆرکشۆپێک بەناونیشانی (ڕۆڵی زانای ئاینی لەپاراستنی ئاشتی کۆمەڵگەو ڕێگری کردن لەتوندڕەوی و توندوتیژی)    *****    *****   مەکتەبی تەنفیزی یەکێتی زانایان کۆبوونەوەی ئاسایی خۆی ساز دەکات و چەند پرسێکی گرنگ و تایبەت تاوتوێ دەکات    *****    *****   لقی هەولێری یەکێتی زانایان سیمینارێک لەسەر مەترسی و هەستیاری بابەتی فەتوا ساز دەکات    *****    *****   شاندێکی بەرێوەبەرایەتی بەرەنگاربوونەوەی توندوتیژی دژی ئافرەتان و خێزان سەردانی مەکتەبی تەنفیزی یەکێتی زانایان دەکات    *****    *****   بە ئامادەبوونی سەرۆکی یەکێتی زانایان مەراسیمی بەخشینی بڕوانامەی زانستی لە شاری هەولێر بەڕێوە دەچێت    *****    *****   دکتۆر مورشید شێخ مەعشوق خەزنەوی سەردانی مەکتەبی تەنفیزی یەکێتی زانایان دەکات    *****    *****   مەکتەبی تەنفیزی یەکێتی زانایان پێشوازی لە دکتۆر شێخ مادیح شێخ عوسمان سیراجەدین نەقشبەندی دەکات    *****    *****   مامۆستا مەلا ناصح رۆستایی کۆچی دوایی کردو یەکێتی زانایان پرسەنامەیەک ئاراستەی خانەوادەکەی دەکات    *****    *****   شاندێکی باڵای مەکتەبی تەنفیزی یەکێتی زانایان سەردانی سەنتەری هۆشیاری بۆ راوێژو پەرەپێدانی تواناکان دەکات    *****    *****   مەکتەبی تەنفیزی یەکێتی زانایان پێشوازی لە شاندێکی باڵای کەسایەتی و نوێنەری ئایینەکانی ئەوروپا دەکات   
ئەنجومەنی باڵای فەتوا حوكمی نیوه‌تۆو و سه‌پانی- المخابرة‌ والمزارعة‌- روون دەکاتەوە
به‌رواری دابه‌زاندن: 25/02/2024 : 21:28:56
قه‌باره‌ی فۆنت

قال تعالى: {فَاسْأَلُوا أَهْلَ الذِّكْرِ إِنْ كُنْتُمْ لَا تَعْلَمُونَ} (سورة النحل: 43)

الحمد لله، والصلاة والسلام على سيدنا محمد رسول الله، وعلى آله وأصحابه ومن والاه.

وبعد:

دوای ئه‌وه‌ی ژماره‌یه‌ك له‌ هاوڵاتیان  ومامۆستایانی ئاینی پرسیاریان كرد سه‌باره‌ به‌ كاری نیوه‌تۆو(المخابرة) وسه‌پانی (المزارعة‌) كه‌ له‌دێر زمانه‌وه‌ له‌ناو جوتیارانی كوردستان كاری پێكراوه‌، ئه‌نجومه‌ن له‌ دانیشتی ئاسایی خۆی له‌ به‌رواری 3/ شعبان/ 1445ك = 13/2/ 2024ز دوای گه‌ڕانه‌وه‌ بۆ سه‌چاوه‌كانی فیقهی ئیسلامی به‌ گشتی وسه‌رچاوه‌كانی مه‌زهه‌بی ئیمامی شافیعی ڕه‌حمه‌تی خودای لێبێت به‌ تایبه‌تی به‌م شێوه‌یه‌ی خواره‌وه‌ وه‌ڵامی دایه‌وه‌:

نیوه‌تۆو (المخابرة‌) بریتییه‌ له‌: كاركردن له‌ زه‌ویه‌كدا به‌رامبه‌ر به‌به‌شێك له‌و به‌روبومه‌ی لێی دێته‌ده‌ره‌وه‌ به‌مه‌رجێك تۆوه‌كه‌ له‌لایه‌ن كاركه‌رەكه‌وه‌ دابین كرابێت نه‌ك له‌لایه‌ن خاوه‌ن زه‌ویه‌كه‌.

سه‌پانی (المزارعة‌) بریتییه‌ له‌: كاركردن له‌ زه‌ویه‌كدا به‌رامبه‌ر به‌به‌شێك له‌و به‌روبومه‌ی لێی به‌رهه‌م دێت به‌مه‌رجێك تۆوه‌كه‌ له‌لایه‌ن خاوه‌ن زه‌ویه‌كه‌ دابین كرابێت.

ئه‌گه‌رچی ئه‌م دوو مامه‌ڵه‌یه‌ له‌ ئه‌صڵی مه‌زهه‌بی خۆماندا دروست نین، به‌ڵام هه‌ندێك له‌ گه‌وره‌ زانایانی مه‌ز‌هه‌بی ئیمامی شافیعی خۆمان فه‌توایان به‌ دروستیی داوه‌ وه‌ك ئیمامی ئیبن خوزه‌یمه‌و ئیبن منذر وئیمامی خەتابی وئیمامی نه‌وه‌وی و ئه‌و فه‌رمودانه‌ش كه‌ باس له‌ ڕێگری لیێ كردنیان ده‌كات فه‌رمویانه‌ "معلل"ن وهه‌نێكیشیان ته‌ئویلیان كردوون.

هه‌روه‌ها مامۆستا مه‌لا عبدولكه‌ریمی موده‌رریسیش له‌ شه‌ریعه‌تی ئیسلامدا ده‌فه‌رموێت: " له‌به‌ر پێویستی دروستن، چونكه‌ بوونه‌ته‌ عورفێكی گشتی و دروسته‌ ئینسان بۆ خۆی ته‌قلیدی فه‌رموده‌ی ئه‌و زانایانه‌ بكات".

بۆیه‌ ئه‌نجومه‌نی باڵای فه‌توا ڕای ئه‌و زانایانه‌ی به‌ دروستیان داناوه‌ به‌ په‌سه‌ندی ده‌زانێت و جوتیارانی كوردستان ئاگادار ده‌كاته‌وه‌، كه‌ دروسته‌ له‌سه‌ر فه‌رمایشتی ئه‌و زانا به‌رزانه‌ی مه‌زهه‌بی ئیمامی شافیعی خۆمان كاری نیوه‌تۆو (المخابرة) و سه‌پانی (المزارعة) ئه‌نجام بده‌ن .

وه‌ سه‌باره‌ت به‌ زه‌كات ئایا له‌سه‌ر كامیان - كرێكار خاوه‌ن زه‌وی -

بۆ زیاتر ڕوون كردنه‌وه‌ی ئه‌م بابه‌ته‌وه‌ به‌ڵَگه‌كانی و جیاوازی زانایان له‌ باره‌یه‌وه‌ سه‌ردانی ئه‌م ماڵپەڕەی خواره‌وه بەشی فەتوا‌ بكهن: ‌ www.zanayan.org) )

 

والله تعالی أعلم

وصلی الله علی سیدنا محمد وعلی آ‌له وصحبه وسلم

 

ئه‌نجومه‌نی باڵای فه‌توا له‌ كوردستان

3/ شعبان/ 1445ك = 13/2/ 2024ز = 24 ڕێبه‌ندان 2724ك