یه‌کێتی زانایانی ئاینی ئیسلامی کوردستان
كوردى | العربية ئێمە لە فەیسبوک په‌یوه‌ندی  |  لقه‌کان  |  ستافی کار  |  لینکی پێویست
*****    *****   سەرۆکی یەکێتی زانایان کۆمەڵێک نامەی پیرۆزبایی بە بۆنەی جەژنەوە پێ دەگات    *****    *****   یەکێتی زانایانی ئایینی ئیسلامی کوردستان پەیامێکی پیرۆزبایی بە بۆنەی جەژنی رەمەزانی پیرۆز بڵاو دەکاتەوە    *****    *****   مامۆستا مەلا صلاح أحمد تەرخانی کۆچی دوایی کرد یەکێتی زانایان پرسەنامەیەک ئاراستەی خانەوادەکەی دەکات    *****    *****   سەرۆکی یەکێتی زانایان بە پێشکەشکردنی پانیڵێک بەشداری کۆنفرانسی گفتوگۆی بازنەیی تایبەت بە پرسی بەشداری ئافرەت لە کایەی سیاسیدا دەکات    *****    *****   سەرۆکی یەکێتی زانایان: پێکەوەژیان خواستێکی ئایینیەو پێویستە هەمووان رێزی لێ بگرین    *****    *****   سەرۆکی یەکێتی زانایان: هەڕەشەو بێڕێزیکردن بەرامبەر مامۆستایانی ئایینی قابیلی قبوڵ نیە    *****    *****   لقی سۆرانی یەکێتی زانایان کۆدەبێتەوە چەند پرسێک گەنگەشە دەکات    *****    *****   لقی رانیەی یەکێتی زانایان کۆبوونەوەی ئاسایی خۆی ئەنجام دەدات و چەند پرسێک تاوتوێ دەکات    *****    *****   کونسوڵی گشتی فەرەنسا لەهەرێمی کوردستان سەردانی مەکتەبی تەنفیزی یەکێتی زانایان دەکات    *****    *****   دكتۆر شێخ تەها ئەحمەد ئەلزەیدی  ئەندامی كۆڕبەندی فیقهی عێراق: زانایانی كورد پێشەنگ بوون لە گۆڕەپانی زانستی و فەتوادان؛ به نووسین و پۆلێنبەندییەكانیان كتێبخانەی ئیسلامی و مرۆڤدۆستییان دەوڵەمەند كردووە    *****    *****   دكتۆر شێخ تەها ئەحمەد ئەلزەیدی ئەندامی كۆڕبەندی فیقهی عێراق: زانایانی كورد پێشەنگ بوون لە گۆڕەپانی زانستی و فەتوادان؛ به نووسین و پۆلێنبەندییەكانیان كتێبخانەی ئیسلامی و مرۆڤدۆستییان دەوڵەمەند كردووە    *****    *****   ئەنجومەنی باڵای فەتوا: ڕێژه‌ی زه‌كات و سه‌رفیتره‌و فیدیه‌ی ساڵی 1445هـ = 2024م دیاری دەکات   
به‌یانامه‌ی یه‌كێتی زانایان له‌سه‌ر خۆپیشاندنه‌كانی كوردستان
به‌رواری دابه‌زاندن: 21/12/2017 : 12:23:06
قه‌باره‌ی فۆنت

به‌ناوی خوای به‌خشنده‌ی میهره‌بان

هاوڵاتیانی به‌ڕێز

ماوه‌ی چه‌ند رۆژێكه‌ چه‌ند خۆپیشاندانێك به‌شێكی هه‌رێمی كوردستانی گرتۆته‌وه‌، كه‌ به‌داخه‌وه‌ تووندو تیژی به‌خۆیه‌وه‌ دیت و دواجار قوربانی و برینداری لێكه‌وته‌وه‌، بێگومان خۆپیشاندان مافێكی سروشتی تاكه‌كانی كۆمه‌ڵگه‌یه‌ وه‌ك گوزارشتكردن له‌ داخوازییه‌كان، به‌ڵام گرنگه‌ ئه‌م مافه‌ به‌شێوازێكی شارستانیانه‌ی دوور له‌ تووندو تیژی به‌ڕێوه‌بچێت، به‌پێچه‌وانه‌وه‌ هه‌ر هه‌نگاوێكی تووندوتیژی رووی جوانی داواكارییه‌كان ده‌شێوێنێت و به‌پیروه‌هاتنی خواسته‌كانیش سست و لاواز ده‌كات، لێره‌وه‌ داوا له‌ هه‌موو لایه‌ك ده‌كه‌ین له‌م دۆخه‌ ناسكه‌ی هه‌رێمی كوردستان، دان به‌خۆدابگرن، به‌هیچ شێوه‌یه‌ك ده‌ست بۆ خوێنی رۆڵه‌كانی ئه‌م كوردستانه‌ نه‌به‌ن، هه‌روه‌ك داوا له‌ هاوڵاتیان ده‌كه‌ین هه‌نگاوه‌كانیان دووربن له‌ ده‌ستبردن بۆ شوێنه‌ پیرۆزه‌كان و قوتابخانه‌و نه‌خۆشخانه‌و كتێبخانه‌ گشتییه‌كان و سه‌رجه‌م دام و ده‌زگا میرییه‌كان و موڵكی تایبه‌تی هاونیشتیمانیان و بنكه‌و باره‌گاكان، كه‌ ئه‌مه‌ وێڕای ناشارستانی، به‌ هیچ شێوه‌یه‌كیش له‌گه‌ڵ ره‌وشت و به‌ها جوانه‌كانی میلله‌تی كوردو مرۆڤی مسوڵمان یه‌كناگرنه‌وه‌.

وێڕای ئه‌وه‌ی ئه‌مڕۆ كوردستان به‌ قۆناخێكی سه‌خت تێپه‌ڕ ده‌بێت به‌تایبه‌تی ژیان و گوزه‌رانی هاووڵاتیان له‌وپه‌ڕی ته‌نگه‌به‌ری و ناخۆشی دایه‌، به‌ڵام دووریش نییه‌ ده‌ستێكی ده‌ره‌كی دوژمنكارانه‌ به‌جۆرێك له‌ جۆره‌كان خۆی بخزێنێته‌ ناو رووداوه‌كان بۆ جێبه‌جێكردنی پیلانه‌كانیان بۆ تێكدانی باری سیاسی و كۆمه‌ڵایه‌تی كوردستان، بۆیه‌ ده‌بێ هه‌ستیاربین له‌ هه‌نگاوه‌كان و ئه‌م لایه‌نه‌مان هه‌میشه‌ له‌به‌ر چاو بێت.

له‌ كۆتاییدا داوا له‌ مامۆستایانی ئایینی به‌ڕێز ده‌كه‌ین جه‌خت له‌سه‌ر ئه‌م به‌ها جوانانه‌ بكه‌نه‌وه‌، هه‌روه‌ك داوا له‌ حكومه‌تی هه‌رێمی كوردستان ده‌كه‌ین كاری جددی بكات بۆ چاككردنی باری گوزه‌رانی هاووڵاتیان و پێدانی مووچه‌ی فه‌رمانبه‌ران، كه‌ ئه‌مه‌ زه‌قترین داخوازی هاووڵاتیانه‌. چیدی ئه‌م دۆخه‌ چه‌قبه‌ستووه‌ وه‌كو خۆی نه‌مێنێته‌وه‌. هه‌روه‌ك ئه‌ركی لایه‌نه‌ سیاسیه‌كانه‌ ره‌چاوی یه‌كڕیزی نیشتیمانی بكه‌ن.

 

یه‌كێتی زانایانی ئایینی ئیسلامی كوردستان

21/12/2017