راگه‌یاندنی لقی چه‌مچه‌ماڵ سه‌رله‌به‌یانی رۆژی چوارشه‌مه‌ 28/7/2010 هه‌ریه‌ك له‌ مامۆستا نجم الدین وادی ئه‌ندامی مه‌كته‌بی ته‌نفیزی یه‌كێتی زانایان و مامۆستا وه‌هاب شێخ عمر سه‌نگاوی لێپرسراوی لقی چه‌مچه‌ماڵ سه‌ردانی به‌رێوه‌به‌ری ئاسایشی روژئاوای سلێمانی (عه‌قید جه‌وده‌ت) یان كردو به‌رێزیان زۆر به‌گه‌رمی پێشوازیان له‌وه‌فده‌كه‌ی زانایان كردو له‌و دیداره‌دا ته‌ئكیدكرایه‌وه‌ له‌سه‌ر رێزگرتنی زانایانی ئاینی و كاریگه‌ری ئایین له‌سه‌رتاكه‌كانی كۆمه‌ڵ و له‌دانیشتنه‌كه‌دا باس له‌ ئازادی وتاربێژان و پاراستنی ئاسایشی نه‌ته‌وه‌یی و چۆنیه‌تی به‌ ڕێوه‌چونی بۆنه‌ كۆمه‌ڵاییه‌تییه‌كان كراو هه‌ر دو‌ولا هاوڕابو‌ون له‌بیروبۆچونه‌كاندا شایه‌نی باسه‌ (فۆاد ئه‌حمه‌د كرێكار) لێپرسراوی ئیداره‌ی ئاسایشی چه‌مچه‌ماڵ ئاماده‌ی ئه‌و سه‌ردانیه‌ بو‌و . هه‌مان ڕۆژ زانایان سه‌ردانی كه‌سایه‌تی ناودار (كه‌ریم ئاغای هه‌مه‌وه‌ند)ـیان كرد له‌ قه‌زای چه‌مچه‌ماڵ و له‌ نزیكه‌وه‌ زانایان چه‌ند پرس و بابه‌تێكی كۆمه‌ڵایه‌تیان له‌گه‌ل ناوبراو باس كردو به‌ڕێزیشیان جه‌ختیان كرده‌وه‌ كه‌ كۆمه‌ڵَگه‌ی كوردی زۆر پێویستی به‌ زانایانی ئایینی هه‌یه‌ و پێویسته‌ زانایانیش پێشه‌نگ بن له‌هه‌مو‌و بواره‌كانداو ئێمه‌ش به‌شوێن ئه‌واندا بڕوین وگوێ‌ بۆ ئامۆژگاریه‌كانیان بگرین و جێبه‌جێیان بكه‌ین پاشتر (كه‌ریم ئاغای هه‌مه‌وه‌ند ستایشی سه‌ردانه‌كه‌ی زانایانی كردو به‌ڵێنی دا هاوكارێكی باش بێت بۆ یه‌كێتی زانایان و به‌وپه‌ڕی ڕێزه‌وه‌ میوانه‌كانی به‌ڕێكرد .