یه‌کێتی زانایانی ئاینی ئیسلامی کوردستان
كوردى | العربية ئێمە لە فەیسبوک په‌یوه‌ندی  |  لقه‌کان  |  ستافی کار  |  لینکی پێویست
*****    *****   یەکێتی زانایان سیمینارێکی تایبەت بەناونیشانی پێگەی ژینگەو پێویستی ژینگەپارێزی لە دیدی ئیسلامدا ساز دەکات    *****    *****   مامۆستا مەلا عبدالله سەرگەتی کۆچی دوایی کردو یەکێتی زانایان پرسەنامەیەک ئاراستەی خانەوادەکەی دەکات    *****    *****   بە ئامادەبوونی سەرۆکی یەکێتی زانایان مەراسیمی بەخشینی بڕوانامەی زانستی لە قەزای شەقڵاوە بەڕێوە دەچێت    *****    *****   مامۆستا مەلا رێدیر مجید مزوری کۆچی دوایی کردو یەکێتی زانایان پرسەنامەیەک ئاراستەی خانەوادەکەی دەکات    *****    *****   یەکێتی زانایان: "داواکارین بارسووکی و کارئاسانی لە پرۆسەی هاوسەرگیری و مارەیی بکرێت"    *****    *****   كتێبخانه‌ی زانای ئایينی سەرۆکی لیژنەی فەتوا (مامۆستا عومه‌ری جه‌له‌ولا) پێشكه‌شی زانكۆ کرا    *****    *****   ئەنجومەنی باڵأی فەتوا: حوكمی ئه‌نجام نه‌دانی نوێژی هه‌ینی له‌ كاتی گه‌شت و سه‌یراندا روون دەکاتەوە    *****    *****   ئەمینداری ئەنجومەنی باڵای فەتوا بە نوێنەری یەکێتی زانایان بەشداری دوازدەهەمین کۆنگرەی تەسەوفی جیهانی لە تورکیا دەکات    *****    *****   یەکێتی زانایان سیمینارێک بەناونیشانی (ئازادی بیرو ڕاو پرسی هەڵگەڕانەوە لە دین) ساز دەکات    *****    *****   سەرۆکی یەکێتی زانایان سمینارێک بەناونیشانی (بنەماکانی پێکەوەژیان لە شەریعەتی ئیسلامدا) پێشکەش دەکات    *****    *****   بە بۆنەی بە پارێزگا بوونی شاری هەڵەبجە یەکێتی زانایان پەیامێک بڵاو دەکاتەوە    *****    *****   سەرۆکی یەکێتی زانایان بە یاوەری شاندێک؛ لقی سۆرانی یەکێتی زانایان بەسەر دەکاتەوەو دیدارێک لەگەڵ ستافی لق ساز دەکات   
 هەواڵ 

سه‌رۆكی هه‌رێمی كوردستان پیرۆزبایی ئاراسته‌ی یه‌كێتی زانایانی ئایینی ئیسلامی ‌ كوردستان كرد
به‌رواری دابه‌زاندن: 20/09/2010 : 20:20:30
قه‌باره‌ی فۆنت
بە ناوی خوای مەزن و دلۆڤان

بەرێزان سەرۆك و ئەندامانی مەكتەبی تەنفیزی یەكێتی زانایانی ئایینی ئیسلامی كوردستان

سڵاوی خواتان لێ‌ بێت

بە بۆنەی 40 ساڵەی دامەزراندنی یەكێتییەكەتان ، گەرمترین پیرۆزبایی لە ئێوە و لە ڕێگەی ئێوەشەوە لە سەرجەم زانایانی ئایینی پیرۆزی ئیسلام لە تەواوی كوردستان دەكەم.

زانایانی ئایینی لە كۆمەڵگەی كوردستانیدا هەمیشە رۆڵێكی نەتەوەیی كاریگەریان هەبووە ، بە تایبەتی لە كات و رۆژە تەنگەكان و پاڵپشتێكی پتەو بووینە لە بزوتنەوەی رزگاریخوازی گەلی كوردستاندا بە رابەرایەتی بارزانیی نەمر كە یەكەم كەس بوو دڕكی بە بایەخی ئەو توێژە كاریگەرە كرد، بۆیە هەر لە دوای مۆركردنی بەیاننامەی 11ی ئاداری مێژوویی بە چەند مانگێك بە پێویستی زانی گشت زانایانی ئایینی لە كوردستاندا لەو یەكێتییەدا كۆبكاتەوە بۆ ئەوەی بە رۆڵی مێژوویی خۆیان لە بوارەكانی پەروەردەو ئامۆژگاری و ئاشتەوایی و هاندانی میللەتەكەمان لە داكۆكیكردن لە مافەكانی هەڵبستن.

هیوادارم لەم یادە مێژووییەدا ، یەكێتی زانایانی ئایینی ئیسلامی كوردستان لەسەر ئەو رێبازەی خۆی بەردەوام بێت و هەمیشە دروشمی كاركردنەكەی پاراستنی یەكریزی و پێكەوە ژیان و تەبایی میللەتەكەمان و خزمەتكردن بە ئایینی ئیسلام و گەلی كوردستان و وەستان دژ بە دیاردەی تیرۆر و پشتگیریكردن بێت لە ئەزموونی هەرێمی كوردستان كە بەرهەمی خوێنی شەهیدان و تێكۆشانی گشت پێكهاتەكانی گەلی كوردستانە.

سڵاو بۆ گیانی دامەزرێنەری یەكێتی زانایان و سەرجەم شەهیدانی كوردستان ، بە تایبەتی شەهیدانی یەكێتی زانایان.

خوای مەزن پشت و پەنای هەموولایەكمان بێت

مسعود بارزانی
سەرۆكی هەرێمی كوردستان
20/9/2010