تاقیكردنه‌وه‌ی یه‌كسانكردنی بڕوانامه‌ی زانستی به بڕوانامه‌ی شه‌شه‌می دواناوه‌ندی، كه ساڵانه له‌لایه‌ن وه‌زاره‌تی ئه‌وقافه‌وه بۆ كۆمه‌ڵێك مامۆستای ئایینی ئه‌نجام ده‌درێت، به‌شێك لهو به‌ژدار بووانه‌ی نیگه‌ران كردووه، كه له تاقیكردنه‌وه‌كه ده‌رنه‌چوون.
به مه‌به‌ستی ناڕه‌زایی ده‌ربڕین له ئه‌نجامه‌كانی تاقیكردنه‌وه‌ی (یه‌كسان كردنی بڕوانامه_ تعدیل شهاده)، كۆمه‌ڵێك مامۆستای ئایینی سه‌ردانی باره‌گای یه‌كێتی زانایانیان كرد‌و له لایه‌ن سه‌رۆك‌و ئه‌ندامانی مه‌كته‌بی ته‌نفیزیه‌وه پێشوازیه‌كی گه‌رمیان لێ كرا، ئه‌مه‌‌و له دانیشتنێكدا ئه‌و كۆمه‌ڵه مامۆستایه گله‌یی ئه‌ویان گه‌یانده مه‌كته‌بی ته‌نفیزی، كه ساڵانه ئه‌و تاقیكردنه‌وه‌یه ئه‌نجام ده‌درێت، به‌ڵام به هه‌ڵسه‌نگاندنێكی ته‌واوه‌وه ئه‌نجامه‌كان ده‌رناچن، چونكه ئه‌وان پێیان وایه ڕه‌وا نیه لهو ڕێژه زۆره‌ی به‌ژدار بووان، كه‌متر له 30 قوتابی سه‌ركه‌وتن به‌ده‌ست بێنێت.
هه‌ر بۆ ئه‌و مه‌به‌سته مه‌كته‌بی ته‌نفیزی یه‌كێتی زانایان له‌گه‌ڵ وه‌زاره‌تی ئه‌وقاف به‌دوا داچوونی له‌سه‌ر كێشه‌كه كردووه‌و به‌ڵینی چاره‌سه‌ری گونجاوی پێ داون.
له‌لایه‌ن خۆیه‌وه جه‌مال خدر به‌ڕێوه‌به‌ری گشتی دیوانی وه‌زاره‌تی ئه‌وقاف ڕایگه‌یاند: له‌به‌ر داوای یه‌كێتی زانایان‌و داواكاری ئه‌و مامۆستا به‌ڕێزانه، داوامان كردووه، كه پێداچوونه‌وه‌یه‌ك بكه‌ین‌و ڕاشیده‌گه‌یه‌نین، كه هه‌ر مامۆستایه‌ك تێبینی هه‌یه، با داواكاری پێشكه‌ش بكات.
لهو باره‌وه له لێدوانێكیدا بۆ ده‌زگاكانی ڕاگه‌یاندن مامۆستا جه‌عفه‌ر گوانی به‌رپرسی ڕاگه‌یاندن له مه‌كته‌بی ته‌نفیزی یه‌كێتی زانایان رایگه‌یاند: ئێمه داواكاری ئه‌و مامۆستا به‌ڕێزانه‌م پێگه‌یشت‌و له‌لای خۆشمانه‌وه تا سه‌ر ئێسقان پارێزگاری له مافی مامۆستایان ده‌كه‌ین، هه‌وڵمان داوه له‌گه‌ڵ وه‌زاره‌تی ئه‌وقاف چاره‌سه‌ری ئه‌و مه‌سه‌له‌یه‌ش بكه‌ن.
| 
شاندێکی زانایانی تورکیاو یەمەن و مەغریب لە ئەکادیمیای جیهانی زانایانی تەسەوف سەردانی مەکتەبی تەنفیزی یەکێتی زانایان دەکات
