یه‌کێتی زانایانی ئاینی ئیسلامی کوردستان
كوردى | العربية ئێمە لە فەیسبوک په‌یوه‌ندی  |  لقه‌کان  |  ستافی کار  |  لینکی پێویست
*****    *****   جێگری سه‌رۆكی په‌ڕله‌مانی عێراق: پیرۆزبێت ساڵیادی دامه‌زراندنی یه‌كێتی زانایان    *****    *****   جێگری سه‌رۆكی حكومه‌ت؛ پیرۆزبایینامه‌یه‌ك ئاراسته‌ی یه‌كێتی زانایان ده‌كات    *****    *****   مه‌كته‌بی ته‌نفیزی: سه‌رۆكی یه‌كێتی زانایان پێشوازی له‌ پارێزگاری هه‌ولێر ده‌كات    *****    *****   ئه‌مینداری گشتی یه‌كگرتوو پیرۆزبایی له‌ یه‌كێتی زانایانی ئایینی ئیسلامی كوردستان ده‌كات    *****    *****   پەیامی سەرۆك بارزانی بە بۆنەی پەنجاهەمین ساڵیادی دامەزراندنی یەكێتیی زانایانی ئایینی ئیسلامیی كوردستان    *****    *****   پەیامی پیرۆزبایی سەرۆکی حکومەتی هەرێمی کوردستان لە یادی پەنجا ساڵەی دامەزراندنی یەکێتی زانایانی ئایینی ئیسلامیی کوردستان    *****    *****   پەیامی سەرۆکی هەرێمی کوردستان له‌ يادى دامەزراندنی یەکێتیی زانایانی ئایینی ئیسلاميی کوردستاندا    *****    *****   پەیامی بەڕێز وەزیری ئەوقاف وکاروباری ئایینی بەبۆنەی ساڵیادی دامەزراندنی یەکێتی زانایانی ئایینی ئیسلامی کوردستان    *****    *****   جێگری سەرۆکی پەرلەمان پیرۆزبایی لە یەکێتی زانایان دەکات    *****    *****   پەیامی پیرۆزبایی لیژنەی ئەوقاف وكاروباری ئایینی بەبۆنەی (٥٠)سالەی دامەزراندنی یەكێتی زانایان    *****    *****   به‌یاننامه‌ی یه‌كێتی زانایانی ئایینی ئیسلامی كوردستان به‌ بۆنه‌ی 50 ساڵه‌ی دامه‌زراندنیه‌وه‌    *****    *****   سەرۆکی یەکێتی زانایان لقی سۆرانی یەکێتی زانایان و بەڕێوەبەرایەتی ئەوقافی سۆرانی بەسەر دەکاتەوە   
به‌رواری دابه‌زاندن: 2019-10-18
ناونیشانی وتاری ئەم هەفتەیە (سته‌م و عاقیبه‌تی سته‌مكاران) )

خوای گه‌وره‌ ده‌فه‌رموێت: (لَقَدْ أَرْسَلْنَا رُسُلَنَا بِالْبَيِّنَاتِ وَأَنْزَلْنَا مَعَهُمُ الْكِتَابَ وَالْمِيزَانَ لِيَقُومَ النَّاسُ بِالْقِسْطِ)، واته:‌ ئێمه‌ پێغه‌مبه‌رانمان ناردون به‌به‌ڵگه‌و موعجیزه‌ی ئاشكراوه‌ هه‌روه‌ها كتابیشمان بۆ ناردون هه‌روه‌ك ته‌رازوشمان بۆ داناون، ئه‌مانه‌ هه‌مووی بۆ ئه‌وه‌ی به‌ دادپه‌روه‌ری و دور له‌ سته‌م خه‌ڵك ببه‌ن به‌ڕێوه‌.
واته‌ ئامانجی سه‌ره‌كی له‌ناردنی پێغه‌مبه‌ران دوای خواپه‌رستیه‌كی دوور له‌ شیرك دادپه‌روه‌ری و سته‌م نه‌كردنه‌ له‌ خه‌ڵك.
بۆیه‌ زۆر جێگه‌ی داخه‌ خه‌ڵكێك هه‌بێت و پێی وابێت موسولمانه‌ و ئیدیعای شوێن كه‌وته‌ی پێغه‌مبه‌ران بكات كه‌چی ده‌ستی بچێته‌ سته‌م كردن جا له‌ خه‌لكی خۆی بێت یان له‌ گه‌لانی تر.
ئه‌وه‌ی له‌ به‌شێك له‌ جیهانی ئیسلامی به‌ گشتی و سته‌می ولاتی توركیا به‌رامبه‌ر كوردانی ڕۆژ ئاوا به‌تایبه‌تی ده‌بینین ڕێك پێچه‌وانه‌ی فه‌رمانی خوداو په‌یامی پێغه‌مبه‌رانه‌ ، چونكه‌ ئه‌مه‌ خودایه‌ له‌ ڕێگه‌ی فه‌رموده‌ی قودسیه‌وه‌ ده‌فه‌رموێت: (يَا عِبَادِي إِنِّي حَرَّمْتُ الظُّلْمَ عَلَى نَفْسِي وَجَعَلْتُهُ بَيْنَكُمْ مُحَرَّمًا فَلَا تَظَالَمُوا)، واته‌ ئه‌ی به‌نده‌كانم من سته‌مم له‌سه‌ر خۆم حه‌رامكردوه‌ له‌ ئێوه‌شم حه‌رامكردوه‌ سته‌م له‌ یه‌كتر مه‌كه‌ن.
به‌رێزان خوای گه‌وره‌ ده‌فه‌رموێت (فمن يعمل مثقال ذرة شرا يره) واته‌ تۆزقالێك بزر نابێت ئه‌ی ئه‌گه‌ر كار بگاته‌ ئه‌وه‌ی خه‌لكی ولاتێكی تر كۆمه‌لكوژ بكه‌یت و وه‌كوباران چه‌كی قوڕسیان به‌سه‌ر داببارێنیت و خاكیان داگیر بكه‌یت ئه‌مه‌ ده‌بێت چ گوناهێكی گه‌وره‌ بێت، مه‌گه‌ر پێغه‌مبه‌ر نافه‌رموێت: (من إقتطع أرضا ظلما لقي الله وهو عليه غضبان) رواه مسلم . ئه‌بێت چ زولمێك له‌وه‌ گه‌وره‌تر بێت كه‌ توركیا ده‌یه‌وێت كوردانی ڕۆژئاوا كۆمه‌لكوژ بكات و ڕۆژئاواش دا گیر بكات ؟
ده‌یان ئایه‌ت و فه‌رموده‌مان هه‌ن هه‌ڕه‌شه‌ له‌ زالم و سته‌مكاران ده‌كه‌ن له‌وانه‌ :
خوای گه‌وره‌ ده‌فه‌رموێت:(إِنَّمَا السَّبِيلُ عَلَى الَّذِينَ يَظْلِمُونَ النَّاسَ وَيَبْغُونَ فِي الْأَرْضِ بِغَيْرِ الْحَقِّ أُولَئِكَ لَهُمْ عَذَابٌ أَلِيمٌ).
یان ده‌فه‌رموێت: (أُذِنَ لِلَّذِينَ يُقَاتَلُونَ بِأَنَّهُمْ ظُلِمُوا وَإِنَّ اللَّهَ عَلَى نَصْرِهِمْ لَقَدِيرٌ)، (هل يهلك الا القَوم الظالمون).
هه‌روه‌ك پێغه‌مبه‌ر ده‌فه‌رموێت: (صِنْفَانِ مِنْ أُمَّتِي لَا تَنَالُهُمَا شَفَاعَتِي: سُلْطَانٌ غَشُومٌ ظَالِمٌ، وَغَالٍ فِي الدِّينِ).
وه‌ ده‌فه‌رموێت: (مَا مِنْ أَمِيرِ عَشَرَةٍ إِلَّا يُؤْتَى بِهِ يَوْمَ الْقِيَامَةِ مَغْلُولًا لَا يَفُكُّهُ مِنْ ذَلِكَ الْغُلِّ إِلَّا الْعَدْلُ).
موسڵمانان: ده‌بێ‌ دڵنیا بین له‌وه‌ كه‌ سته‌م‌و ته‌مه‌نی سته‌مكاران به‌رده‌وام نابێت، به‌ڵكو ته‌نها چه‌ند زه‌مه‌نێكه‌ خوای په‌روه‌ردگار تۆڕه‌یی خۆی ده‌رده‌خات، هه‌روه‌ك پێغه‌مبه‌ری خودا ده‌فه‌رموێ‌: إِنَّ اللَّهَ لَيُمْلِي لِلظَّالِمِ حَتَّى إِذَا أَخَذَهُ لَمْ يُفْلِتْهُ» قَالَ: ثُمَّ قَرَأَ: "وَكَذَلِكَ أَخْذُ رَبِّكَ إِذَا أَخَذَ القُرَى وَهِيَ ظَالِمَةٌ إِنَّ أَخْذَهُ أَلِيمٌ شَدِيدٌ").
هه‌روه‌ها پێغه‌مبه‌ر (درودی خوای له‌سه‌ر بێت) ده‌فه‌رموێ‌: (مَنْ خَرَجَ عَلَى أُمَّتِي يَضْرِبُ بَرَّهَا وَفَاجِرَهَا لَا يَتَحَاشَى عَنْ مُؤْمِنِهَا وَلَا يَفِي لِأَهْلِ عَهْدِهَا فَلَيْسُوا مِنِّي وَلَسْتُ مِنْهُمْ).
هه‌ر بۆیه‌ خوای په‌روه‌ردگار ده‌رگای ئاسمانه‌كانی به‌رووی سته‌م لێكراو ده‌كاته‌وه‌و بۆ داواكردنی له‌ناو بردنی سته‌مكار هه‌روه‌ك له‌ فه‌رمووده‌ی پێغه‌مبه‌ر (درودی خوای له‌سه‌ر بێت) هاتووه‌: (اتَّقوا دَعْوَةَ الْمَظْلُومِ فَإِنَّهُ لَيْسَ بَيْنَهَا وَبَيْنَ اللهِ حِجَابٌ). به‌ڵام له‌ناوبردنی زاڵم ته‌نها كاتی ده‌وێت، هه‌روه‌ك پێغه‌مبه‌ر (درودی خوای له‌سه‌ر بێت) ده‌فه‌رموێ: (ثَلَاثَةٌ لَا تُرَدُّ دَعْوَتُهُمْ) یه‌كێك له‌وانه‌ (دَعْوَةُ المَظْلُومِ يَرْفَعُهَا اللَّهُ فَوْقَ الغَمَامِ وَيَفْتَحُ لَهَا أَبْوَابَ السَّمَاءِ وَيَقُولُ الرَّبُّ: " وَعِزَّتِي لَأَنْصُرَنَّكِ وَلَوْ بَعْدَ حِينٍ").
زیاد له‌مه‌ش خوای گه‌وره‌ نزای سته‌م لێكراو قه‌بول ده‌كات ئه‌گه‌ر ئه‌هلی خراپه‌ش بیت چ جای خه‌ڵكێكی موسڵمانی سته‌م دیده‌ی وه‌ك رۆژئاوای كوردستان، وه‌ك له‌ فه‌رموده‌ هاتووه‌: (دَعْوَةُ الْمَظْلُومِ مُسْتَجَابَةٌ، وَإِنْ كَانَ فَاجِرًا فَفُجُورُهُ عَلَى نَفْسِهِ).
بۆیه‌ له‌كاتی روودانی زوڵم‌و سته‌م پێویسته‌ ته‌واوی موسڵمانان له‌ جیهانی ئیسلامی‌و سه‌رجه‌م مرۆڤایه‌تیش به‌دیار شانۆی سته‌مه‌كه‌ دانه‌نیشن‌و چێژ له‌ دیمه‌نه‌ تراژیدی‌و ناڵه‌و هه‌نسكی منداڵ‌و لێقه‌وماوان وه‌رنه‌گرن، به‌ڵكو ده‌بێت رۆڵیان هه‌بێت " چ وه‌كو باوه‌ڕدار چ وه‌كو موسڵمان" له‌ سه‌رخستنی سته‌ملێكراوان و به‌گژداچوونه‌وه‌ی سته‌مكاران، هه‌روه‌ك پێغه‌مبه‌ر ده‌فه‌رموێت: (انْصُرْ أَخَاكَ ڤَالِمًا أَوْ مَڤْلُومًا»، قَالُوا: ێا رَسُوڵ اللَّهِ، هَژَا نَنْصُرُهُ مَڤْلُومًا، فَكَیْفَ نَنْصُرُهُ ڤَالِمًا؟ قَاڵ: «تَأْخُژُ فَوْقَ ێدَیْهِ).
له‌ كۆتاییدا ئیبن ته‌یمیه‌ وته‌یه‌كی جوانی هه‌یه‌ كه‌ ده‌ڵێت: " إن الله يقيم الدولة العادلة وان كانت كافرة، ولا يقيم الدولة الظالمة وان كانت مسلمة". هه‌روه‌ك گوتراوه‌ (الدنیا تدوم مع العدل والكفر ولا تدوم مع الڤلم والاسلام) بۆیه‌ ئێمه‌ دڵنیاین له‌خوای خۆمان كه‌ كۆشكی سته‌مكاران هه‌ر ده‌روخێ ئه‌مرۆ بێت یان سبه‌ی، وه‌ میلله‌تی كوردیش به‌ مافه‌ ره‌واكانی خۆی ده‌گات زوو بێ‌ یان دره‌نگ، هه‌موومان نمونه‌ی سته‌مكارانی ناوچه‌كه‌مان بینی چیان به‌سه‌رهات! سه‌دام چی نه‌ما له‌گه‌ڵ گه‌لی كورد نه‌كات و چ چه‌كێكی له‌گه‌ڵمان تاقیكرده‌وه‌، ئایا ئه‌م گه‌له‌ی پی له‌ناو چوو؟
خودایه‌ بۆ خاتری ناوه‌ جوانه‌كان هه‌رچی سته‌م لێكراوه‌ سه‌ری بخه‌یت و هه‌رچی زاڵمیشه‌ له‌ناوی ببه‌ی‌و ده‌رفه‌تی نه‌ده‌یت.