مه‌لا سه‌ید صدیق كه‌پرانی، سه‌رپه‌رشتیاری ڕاگه‌یاندنی ناوچه‌كان:
له دوای دروستبوونی كێشه‌و هه‌ڵه‌یه‌ك له نێوان قائیمقامی قه‌زای مه‌خمورو، مامۆستایێكی ئاینی ناو قه‌زای مه‌خمور، له سه‌ر له‌یه‌ك تێنه‌گه‌یشتن‌و، حاڵی نه‌بوون له‌یه‌كتر، سه‌ر له‌به‌یانی 2/12/2010 مامۆستا سه‌ید موسی به‌رپرسی ناوچه‌ی مه‌خموری یه‌كێتی زانایان، له‌گه‌ڵ شاندێكی یاوه‌ری، كه پێكهاتبوو له كارگێڕو ئه‌ندامانی ناوچه، سه‌ردانی بارزان سید كاكه قائیمقامی قه‌زای مه‌خموریان كرد، بۆ كۆتایی هێنان‌و بنبڕكردنی كێشه‌ی نێوان مامۆستای ئاماژه‌پێكراو و قائیمقام.
سه‌ره‌تا به‌رپرسی ناوچه، ئاماژه‌ی به مێژووی كۆنی په‌یوه‌ندی ئیجابی نێوان مامۆستایانی ئاینی‌و، سه‌رجه‌م دام‌و ده‌زگاكانی حكومی كرد‌و، گوتیشی: كه هه‌موو كاتێك حكومه‌ت به شێوازی ڕێزو قه‌دره‌وه، سه‌یری مامۆستایانی ئاینی كردووه‌‌و، مامۆستایانی ئاینیش هه‌موو كاتێك هاوكاربوونه بۆ حكومه‌ت بۆ سه‌ركه‌تنی پڕۆسه‌ی ئیداری‌و حكومی، به تایبه‌تی له هه‌رێمی كوردستان، بۆیه سه‌ر هه‌ڵدان‌و په‌یدابوونی ئه‌م كێشه‌یه بۆ له یه‌كتر حاڵی نه‌بوون ده‌گه‌ڕێنمه‌وه.
له‌لایه‌ن خۆشیه‌وه بارزان سه‌ید كاكه، وێڕای به خێرهاتنێكی گه‌رمی شاندی میوان، ته‌ئكیدی له سه‌ر هه‌ماهه‌نگی نێوان خۆیان‌و، به‌ڕێزیان كرده‌وه‌‌و، ئه‌ویش به هه‌مان شێًوه كێشه‌كه‌ی بۆ له‌یه‌كتر حاڵی نه‌بوون گه‌ڕانده‌وه‌و، ئاماژه‌شی به ڕێزو قه‌دری مامۆستایانی ئاینی كرد، له‌لایه‌ن دام‌و ده‌زگاكانی حكومه‌ته‌وه، به‌ڵێنیشیدا كه بۆ هه‌ر جۆره كارێكی تایبه‌ت به مامۆستایانی ئاینی له سنووره‌كه، وه‌كو قائیمقام په‌یوه‌ندی به ناوچه‌ی یه‌كێتی زانایانی سنووره‌كه‌مان ده‌كه‌ین.
| 
شاندێکی زانایانی تورکیاو یەمەن و مەغریب لە ئەکادیمیای جیهانی زانایانی تەسەوف سەردانی مەکتەبی تەنفیزی یەکێتی زانایان دەکات
