یه‌کێتی زانایانی ئاینی ئیسلامی کوردستان
كوردى | العربية ئێمە لە فەیسبوک په‌یوه‌ندی  |  لقه‌کان  |  ستافی کار  |  لینکی پێویست
*****    *****   پێکەوەژیانی ئایینی لە سۆران    *****    *****   مامۆستا مەلا محمد ئیبراهیم رەزگەیی کۆچی دوایی کرد یەکێتی زانایان پرسەنامەیەک ئاراستەی خانەوادەکەی دەکات    *****    *****   بە ئامادەبوونی سەرۆکی یەکێتی زانایان مەراسیمی بەخشینی بڕوانامەی زانستی لە شاری هەولێر بەرێوە دەچێت    *****    *****   سەرۆکی یەکێتی زانایان بەشداری پانێڵی کۆلێژی پەروەردەی ئاکرێ لەبارەی پێکەوەژیانی ئایینی دەکات    *****    *****   سەرۆکی یەکێتی زانایان لە هەردوو قەزای ئاکرێو بەردەڕەش ژمارەیەک مامۆستای ئایینی بەسەر دەکاتەوە    *****    *****   سەرۆکی یەکێتی زانایان بەرێوەبەرایەتی ئەوقافی ئاکرێ و لقی ئاکرێی یەکێتی زانایان بەسەر دەکاتەوە    *****    *****   یەکێتی زانایان پانێڵێکی تایبەت بە گرنگیدان بە تەوزیفکردنی زانستی تەجویدو پاراستنی مۆرکی رەسەنی مەقامی جوان خوێندنەوەی قوڕئان بەرێوە ساز دەکات    *****    *****   بە ئامادەبوونی سەرۆکی یەکێتی زانایان مەراسیمی بەخشینی بڕوانامەی زانستی لە شاری هەولێر بەرێوە دەچێت    *****    *****   بە ئامادەبوونی سەرۆکی یەکێتی زانایان مەراسیمی بەخشینی بڕوانامەی زانستی لە گوندی بێراوە بەرێوە دەچێت    *****    *****   شاندێکی باڵای مەکتەبی تەنفیزی دەڤەری گەرمیان بەسەر دەکاتەوە و چەند پرسێکی گرنگ تاوتوێ دەکات    *****    *****   د.عبدالله شێرکاوەیی بۆ ماڵپەڕی روداو: لە ئیسلامدا هیچ سنوورێک بۆ مارەیی دیاری نەکراوە    *****    *****   کۆبوونەوەی ئاسایی مەکتەبی تەنفیزی یەکێتی زانایان بەرێوە دەچێت چەند پرسێکی گرنگ و تایبەت تاوتوێ دەکات   
 هەواڵ 

دانا مه‌لا حه‌مه‌ئه‌مین كه‌لاری*
به‌رواری دابه‌زاندن: 06/02/2012 : 12:06:26
قه‌باره‌ی فۆنت
بایادی له‌ دایك بوونی پێغه‌مبه‌ر(د.خ) بكه‌ینه‌ هه‌وێنی پاراستنی ڕیزه‌كانمان*
dkalary@gmail.com

/>
سه‌ره‌تا له‌یادی له‌دایك بوونی پێشه‌وای مرۆڤایه‌تیدا پڕ به‌ دڵ پیرۆزبایی له‌ ته‌واوی موسوڵمانانی جیهان به‌گشتی و موسوڵمانانی كورد زمان به‌تایبه‌تی ده‌كه‌م ، داواكارم له‌ یه‌زدان ئه‌م یاده‌مان بۆ بكات به‌یادی به‌ ئاگاهاتنه‌وه‌و گه‌ڕانه‌وه‌ بۆسه‌ر ڕه‌وشت و ئاكاری ئه‌و پێغه‌مبه‌ره‌ ئازیزه‌ (د.خ)، یادكردنه‌وه‌ی هه‌ر شتێك به‌مانای په‌یمان تازه‌كردنه‌وه‌ دێت به‌رامبه‌ری ، بۆیه‌ ئێمه‌ش به‌ماف و پێویستی خۆمانی ده‌زانین وه‌كو خوێندكاری ئه‌و مامۆستا پایه‌ بڵنده‌ كه‌ڕۆژی له‌ دایكبوونی ئه‌و سه‌رداره‌ شكۆداره‌ بكه‌ینه‌ ڕۆژی په‌یمان نوێكردنه‌وه‌ و به‌ڵێن دان به‌ به‌ په‌یڕه‌و كردنی به‌رنامه‌كه‌ی خوا كه‌ قورئان و سوننه‌ته‌ ، یادكردنه‌وه‌ی ئه‌و سه‌رداره‌ بكه‌ینه‌ ڕۆژی به‌گژاچونه‌وه‌ی هه‌موو ناڕاستی و ناپاكییه‌ك كه‌به‌رامبه‌ر به‌م دینه‌ پیرۆزه‌ ده‌كرێت . با له‌م یاده‌ پیرۆزه‌دا په‌یمان بده‌ین كه‌ گوێ‌ بۆ هیچ ناحه‌زێكی ئه‌م ئیسلامه‌ نه‌گرین و نه‌هێڵین هیچ كه‌س بۆ به‌رژه‌وه‌ندی تایبه‌تی خۆی ، خۆی بكات به‌ خاوه‌نی ئه‌م دینه‌و دین بۆ به‌رژه‌وه‌ندی تایبه‌تی خۆی به‌كاربێنێ‌ ، چونكه‌ به‌ڕاستی ئه‌و په‌یامه‌ی له‌ لایه‌ن خواو له‌ ڕێگه‌ی پێغه‌مبه‌ره‌وه‌ (د.خ) به‌ ئێمه‌ گه‌یشتووه‌ هه‌رگیز داوای خۆپه‌رستی و خۆویستی و ڕقایه‌تیو كینه‌و دوبه‌ره‌كیمان لێ‌ناكات ، به‌ڵكو ئیسلام له‌م چه‌ند ڕۆژه‌ی ژیان و له‌ چوارچێوه‌ی دونیادا فێری ژیان ویستی و مرۆڤ دۆستی و ژیانی به‌كۆمه‌ڵ و خۆنه‌ویستی و دڵسۆزیمان ده‌كات له‌گه‌ڵ ده‌ورو به‌رو له‌ ئاست نیشتماندا ، ئیسلام هاتووه‌ داوامان لێ‌ ده‌كات كه‌ هاوكارو یارمه‌تی ده‌ری یه‌كتربین له‌ هه‌ر كارێكی چاك و به‌نرخ كه‌سودی مرۆڤایه‌تی دین و دونیامانی تێدا بێت وه‌كو خوای گه‌وره‌ له‌ قورئانی پیرۆزدا ده‌فه‌رموێت [ وتعاونوا على البر والتقوى ولا تعاونوا على الاثم والعدوان ] یاخود خوای گه‌وره‌ داوامان لێ‌ده‌كات كه‌ناكۆكی و دوبه‌ره‌كی وه‌لاوه‌نێین و هه‌موومان كۆببینه‌وه‌ له‌سه‌ر ئه‌و په‌یمانه‌ی كه‌ به‌ خۆمان داوه‌ كه‌په‌یڕه‌وی كردنی قورئانی پیرۆز و فه‌رموده‌كانی پێغه‌مبه‌ره‌ كه‌ ئیسلام پێكده‌هێنن... وه‌كو خوای گه‌وره‌ ده‌فه‌رموێت [ واعتصموا بحبل الله جمیعا ولا تفرقوا ] ئیسلام نمونه‌ی یه‌ك ڕیزی و برایه‌تی موسوڵمانانی به‌ وێنه‌ی یه‌ك لاشه‌ دێنێته‌و كه‌چۆن لاشه‌ی مرۆڤ هه‌ر ئه‌ندامێكی ئازاری هه‌بێت ته‌واوی لاشه‌ی ئه‌و مرۆڤه‌ له‌ ئه‌ندێشه‌و ناڕه‌حه‌تیدا ده‌بێت ... ئه‌مه‌و هه‌روه‌ها ئاینی پیرۆزی ئیسلام زۆر به‌ تۆكمه‌یی جه‌ختی له‌ ئاشتی و ئاشته‌وایی و یه‌كتری خوێندنه‌وه‌ كردۆته‌وه‌ و داوامان لێ‌ ده‌كات ئاشتی و ته‌بایی و برایه‌تی نێوانمان ڕاگرین و پارێزگاری لێ‌ بكه‌ین، خوای گه‌وره‌ داوامان لێ‌ ده‌كات گه‌ر یه‌كێك داوای ئاشتی و ئاشته‌وایی و دۆستایه‌تی لێ‌كردین به‌ په‌رۆشه‌وه‌ به‌ره‌و پیری بچین وه‌كو ده‌فه‌رموێت [ فان جنحوا للسلم فاجنح لها ] ...

ئێمه‌ كه‌خاوه‌نی ئه‌م یاساو ڕێسا جوانانه‌بین بۆ نه‌یكه‌ین به‌به‌رنامه‌و بۆبهێڵین خه‌ڵكی دی نان و پیازمان پێوه‌ بخوات ، باچیتر هه‌ست به‌و ڕاستی یه‌ بكه‌ین كه‌باوی شه‌ڕو زۆرداری نه‌ماوه‌و سه‌رده‌می ئاشتی و لێكنزیكبونه‌وه‌و لێبوردنه‌ . باچیتر به‌شه‌ڕ قسه‌ نه‌كه‌ین زمانی دایه‌لۆگمان هه‌بێت باكێشه‌كانمان له‌ ڕێگه‌ی گفتو گۆوه‌ چاره‌سه‌ر بكه‌ین [ ادع الى سبيل ربك بالحكمة والموعظة الحسنة وجادلهم بالتى هى احسن ] ئیسلام و سه‌ركرده‌ شه‌ره‌ف مه‌نده‌كه‌ی هێنده‌یان جه‌خت له‌ سه‌ر ئاشتی و خۆشه‌ویستی و برایه‌تی كردۆته‌وه‌ به‌ به‌راورد هه‌رگیز شه‌ڕو زمانی رق و كینه‌یان به‌كارنه‌هێناوه‌ .

له‌كاتێكدا ئیسلام خاوه‌نی ئه‌و هه‌موو بنه‌ماو به‌رنامه‌ جوانانه‌یه‌ زۆر به‌داخه‌وه‌ كه‌سانێكی تێنه‌گه‌یشتوو ئه‌توانم بڵێم دور له‌دین هاتوون خۆیان كردووه‌ به‌خاوه‌نی ئه‌م دینه‌و ڕوپۆشێێكی ئیسلامیانه‌یان پۆشیوه‌و به‌ خه‌یاڵی خاوی خۆیان ئه‌یانه‌وێ‌ خۆڵ له‌ چاوی خه‌ڵكی بكه‌ن كه‌له‌ ناوه‌ڕۆكی یاندا سه‌رله‌به‌ری دژی بنه‌ماكانی ئیسلامن ،

بۆیه‌ جێگه‌ی خۆیه‌تی كه‌ هه‌موومان هه‌وڵی خۆمان به‌گه‌ڕ بخه‌ین و برابین و یه‌ك هه‌ڵوێست بین به‌رامبه‌ریان و پێیان بسه‌لمێنین كه‌به‌ری خۆر به‌بێژنگ ناگیرێت ... كاتی ئه‌وه‌ هاتووه‌ كه‌ڕیزه‌كانمان یه‌كخه‌ین بۆ به‌گژاچونه‌وه‌ی ئه‌و هه‌موو زوڵم و به‌ناوی ئیسلام و دادپه‌روه‌ری یه‌وه‌ به‌ ئیسلام و موسوڵمانان ده‌كرێت ... ئه‌وانه‌ی به‌ناوی ئیسلامه‌وه‌ بنه‌ماكانی ئیسلام ده‌شێوێنن زۆر بێ‌ ئاگان له‌وه‌ی كه‌ ئیسلام بۆچی هاتووه‌ و ڕۆڵ و ئه‌ركی موسوڵمان چی یه‌..

ده‌بینین ئه‌وڕۆ ئه‌و هه‌موو كوشتن وبڕینه‌ به‌ ناوی ئیسلامه‌وه‌ ده‌كرێت له‌ كاتێكدا ئیسلام لێیان به‌ری یه‌ چونكه‌ هه‌ر كه‌سێك زه‌ڕه‌یه‌ك ئیمانی به‌ ئیسلام هه‌بێت ناتوانێت خوێنی مرۆڤێك به‌ ناحه‌ق حه‌ڵاڵ بكات كه‌چی كاكی به‌ناو موسوڵمان دێت و به‌جارێك نه‌ته‌وه‌یه‌كت بۆ ته‌كفیر ده‌كات له‌ كاتێكدا كه‌ ئیسلام داوای برایه‌تی و یه‌كترقبوڵكردنمان لێ‌ ده‌كات به‌ڵام هێشتا زۆرن له‌ده‌ورو به‌رماندا كه‌به‌رده‌وام هاوكارو یارمه‌تی ده‌ری سته‌م و وێرانكاری و كوشتن و بڕینن .

كاكی موسوڵمان له‌كاتێكدا تۆ باس له‌ سه‌روه‌ری ئیسلام ده‌كه‌یت چۆن ڕێگه‌ به‌خۆت ده‌ده‌یت فه‌رمانی كوشتنی خه‌ڵكی بێتاوان بده‌یت ؟ ئایا ئه‌زانیت كوشتنی مرۆڤێكی بێ‌ تاوان لای خوای گه‌وره‌ گرانتره‌ له‌ وێرانبونی هه‌موو دونیا به‌ هه‌موو شته‌ پیرۆزییه‌كانیشه‌وه‌ ؟ ئه‌وه‌تا پێغه‌مبه‌ر (د.خ) ئه‌فه‌رموێت :[ لزوال الدنیا أهون عندالله من قتل رجل مۆمن ] ..


له‌ كۆتایدا هیوادارم هه‌موو چین و توێژه‌كانی گه‌له‌كه‌مان یه‌كگرتو و یه‌ك ئامانج و یه‌ك هه‌ڵوێست و چاوكراوه‌ بین له‌ ئاست ئه‌و پیلان و نیازه‌ گڵاوانه‌ی كه‌ ئه‌یانه‌وێت یه‌ك ڕیزی و یه‌ك هه‌ڵوێستی ئیسلام و موسوڵمانان تێكبده‌ن و به‌ره‌و تاریكی و نه‌زانی بمانگێڕنه‌وه‌ ..
وه‌ پێویسته‌ ئه‌وه‌ بزانین كه‌ هه‌موومان له‌ پاراستنی یه‌ك ڕیزی موسوڵمانان و یه‌ك پارچه‌یی گه‌ل و نه‌ته‌وه‌كه‌ماندا به‌رپرسیارین وه‌كو پێغه‌مبه‌ری ئازیزمان (د.خ) ده‌فه‌روێت
[كلكم راع وكلكم مسۆول عن رعیته ].

*ئه‌م ووتاره‌ به‌نده‌ له‌ هۆڵی راپه‌رینی زانكۆی سلێمانی پیشكه‌شم كردووه‌
**به‌كالۆریوس له‌ دیراساتی ئیسلامیدا .