یه‌کێتی زانایانی ئاینی ئیسلامی کوردستان
كوردى | العربية ئێمە لە فەیسبوک په‌یوه‌ندی  |  لقه‌کان  |  ستافی کار  |  لینکی پێویست
*****    *****   مامۆستا مەلا شێخ عابد کۆچی دوایی کرد یەکێتی زانایان پرسەنامەیەک ئاراستەی خانەوادەکەی دەکات    *****    *****   مەکتەبی تەنفیزی یەکێتی زانایان پێشوازی لە بەڕێوەبەری گشتی سامانی ئاژەڵ و ڤێتێرنەری دەکات    *****    *****   بە ئامادەبوونی سەرۆکی یەکێتی زانایان دیدارێکی تایبەت بە رۆژی جیهانی رووبەڕوو بوونەوەی وتاری رقەبەری بەڕێوە دەچێت    *****    *****   مامۆستا مەلا زبێر شێخە لاسەیی کۆچی دوایی کرد یەکێتی زانایان پرسەنامەیەک ئاراستەی خانەوادەکەی دەکات    *****    *****   یەکێتی زانایان: داوا لە حاجیان دەکەین قوربانیەکانیان لە کوردستان ئەنجام بدەن    *****    *****   مامۆستا مەلا عەلی حەمە ڕەسول گێڵدەرەیی کۆچی دوایی کرد یەکێتی زانایان پرسەنامەیەک ئاراستەی خانەوادەکەی دەکات    *****    *****   دکتۆر عرفان رەشید سەرۆکی ئەنجومەنی باڵای فەتوای حەج: رۆژانە لە خزمەتی حاجیان داین و کارەکانمان بە رێکو پێکی بەرێوە دەچێت    *****    *****   یەکێتی زانایان سیمینارێکی تایبەت بە ناونیشانی (نەفامی لە نێوان پیرۆزکردن و بە دامەزراوەیی کردندا) بەرێوە دەبات    *****    *****   سەرۆکی یەکێتی زانایان بە یاوەری شاندێک لە شاری سلێمانی چەند دیدارو سەردانێک ئەنجام دەدات    *****    *****   مەکتەبی تەنفیزی یەكێـتی زانایان پێشوازی لە بەڕێوەبەری گشتی چاكسازی كۆمەڵایەتی دەکات    *****    *****   بە ئامادەبوونی سەرۆکی یەکێتی زانایان مەراسیمی بەخشینی بڕوانامەی زانستی لە پیرمام بەرێوە دەچێت    *****    *****   مامۆستا مەلا ئەحمەد خاروکی تەرمەکەی دۆزرایەوەو یەکێتی زانایان پرسەو هاوخەمی خۆی بۆ خانەوادەکەی رادەگەینێت   
مەلا حمید سیوەیلی
به‌رواری دابه‌زاندن: 24/07/2023 : 11:35:12
قه‌باره‌ی فۆنت
ئێمە موفتین یان فیتنەگێڕ

بەڕێزان زۆردەمێک بوو دەموویست ووتارێکی کورتی لەم جۆرە بخەمەخزمەتتان ، بەڵام دەمویست بزانم لەکوێوە دەست پێبکەم.

ئێستا لەم سەردێڕەوە دەستم پێ کرد، دوای ئەوەی بینیم هەندێکی بەرچاومان بێ ڕەچاوکردنی هیچ پێوەرێک حەزدەکەین گەرخەڵکیش پێمان ڕەوانەبینن بەزوبانی حاڵ وقاڵ وادەردەبڕین (ئێمە موفتین) بەڵام نەمان پرسیوە ئەرێ کێ ئەم ڕەوایەتیەی پێ داین ؟ پێوەرەکانی موفتی بوون لەکێ ولەکوێوە سەرچاوەی گرت ؟ ئەی خودی خۆمان چی ئاڕاستەمان دەکات ؟ ئەی خۆبڕیاریشە کردارەکان جێگای لێ پرسینەوەو لانی کەم پرسیاربن، دەی هەستمان چۆنە کێ لێمان دەپرسێ؟ و بۆکێ وەڵام حازر دەکەین؟

ببورن ... موفتی بوون بەحەزداری ناکرێ و بازرگانیش نییە تاپێویستی بەعەقڵی بازرگانی بێ . فرسەت هێنانیش نیە تابەدوی فرسەتی شکاندن وپرواندنی خەڵکەوەبین.

خوای موتەعال دەفەرمووێ : - (وَلَا تَقُولُوا لِمَا تَصِفُ أَلْسِنَتُكُمُ الْكَذِبَ هَذَا حَلَالٌ وَهَذَا حَرَامٌ لِتَفْتَرُوا عَلَى اللَّهِ الْكَذِبَ إِنَّ الَّذِينَ يَفْتَرُونَ عَلَى اللَّهِ الْكَذِبَ لَا يُفْلِحُونَ} [النحل: 116].

ئەم ئایەتە ئاماژەمان دەداتێ کەلەدەرەوەی چوارچێوەی زانستی فەتوادان ،مرۆڤ دەگونجێ بکەوێتە ژێر کاریگەری حەزەکانی خۆی لەبڕیاردانی (حلال ) و (حرام ) . ئاخر موفتی دەبێ (زانابێ ،لەخواترس بێ ، لەسەرخۆبێ ، کاریگەری دەوروبەری لەسەرنەبێ ، شارەزای سەرجەم زانستەکانی  پەیوەست بەم ئەرکەپیرۆزەبێ ، جێگامتمانەی گشتی بێ ....هتد ) بەڵام خۆباش دەزانین ئێمەلەوئاستەدانین ،کەوابوو واجبە ئەرکەکەبەجێ بهێڵین بۆ پیاوانی مەیدانی خۆی و شەرم نەکەین وبەئاشکرا بڵێین (من ئەهلی فەتوانیم ) . ئیتر گەرئۆقرەمان نەگرت ئەوسادەبین بە (موفەتیین) ئەرکی شەمچەی فیتنە دەگێڕین .

مەخابن فیتنەگێڕی کارێکی قێزەونە ، شەیتان شاباشی دەکات و بێ عیلمی ڕێگای بۆخۆش دەکا ،بەتایبەت لەم سەردەمەی کەزۆرشت لەبەرژەوەندی موسوڵمانان وئایینی بێ گەردی ئیسلام نیە . ئاخر لەبەرژەوەندی کێ مینبەرومیحرابی پێغەمبەر(دروودی خوای لەسەربێ) دەکەنە پێگەی دەربڕینی ڕق وحەزەکان ، چۆن جورئەت دەکەن ئەوبڵندگۆیەیی عەیامێکە خەڵکی بۆتیماری دتردیان گوێیان بۆدەگرت ئەمڕۆ جەنابت دەیکەیتە هۆکاری دەردەدارکردنی موسوڵمانان . بیرتان چوو(وَمَا أَرْسَلْنَاكَ إِلَّا رَحْمَةً لِلْعَالَمِينَ ) ئەرکی میراتگرانی پێغەمبەرە ونابێ نەگونجاوە ببینە جێگای زەحمەت وبارگرانی بۆموسوڵمانان وغەیری ئەوانیش .  بۆیە هیوادارم ئەم دیاردەنەشازە کۆتایی پێ بێ ولایەنی پەیوەندیداریش (وەزارەتی ئەوقاف )و (سەرکردایەتی زانایان )بەهەماهەنگ لەگەڵ دڵسۆزان لەهەوڵی بنبڕ کردنیدابن .

 ئێمە کە موفتی نین با فیتنەگێڕیش نەبین.