هه‌ر مرۆڤه‌ك ل پێتڤى ب ده‌مه‌كێ هه‌یه تاكۆ هه‌ست ب ده‌روون پاكیێ بكه‌ت وكه‌سانێن پتر پێویستى بڤى ده‌مى هه‌یى ئه‌وه یێ كۆ چێژا تالیا نه‌خوشیا ده‌روونى دیتى، یان ژى هێرشێن ده‌روونى تۆشى بویى ، هه‌لبه‌ت به‌لگه‌هو ڤه‌كولینا سه‌لماندى یه، كو خه‌سله‌تێن پێدڤى كۆ مرۆڤ بگه‌هینته لوتكا پاكژكرنێ دڤان خالێت ل خارێ دیار تێنه به‌رجه‌سته كرن: پێدڤى یه ئایینێ وى ئیسلام بیت و ژبه‌ر كۆ ئه‌ڤه ئایینێ خودێ یێ مه‌زنه . فه‌ره پێغه‌مبه‌رێ خودێ بڤێت و خوشته‌ڤیا محه‌مه‌دى (صلى الله عليه و سلم) ددلى دا بیت وپه‌یره‌وێ رێبازا وى بیت ئه‌گه‌ر موسلمان بیت . دڤێت پاكانا دایك و بابا ده‌ڤ هه‌بیت و هه‌روه‌توڤ یێ باش بیت دگه‌ل وان . دڤێت خودانێ ره‌وشته‌كێ باش و بلند بیت . فه‌ره دگه‌ل خودێ یێ راستگو بیت و به‌رده‌وام محاسبا خۆ بكه‌ت . ئه‌ڤه و ئه‌گه‌ر هات و دڤان ئاستاندا بیت دێ شێت ئه‌ڤێ ئه‌زمونا زانستى ل خارێ بكاربینیت تاكو داخباریا وى لسه‌ر بمینیت . ئه‌زمونا زانستى كو ئه‌و ژى ب شه‌ڤ رابه تاره‌ت و ده‌ست نڤێژا خۆ بگره و ده‌ست ب نڤێژا بكه به‌لێ ب دل نڤێژا بكه و ب ده‌ست نڤێژڤه بنڤه ، به‌رى بنڤى سوره‌تا ( الفاتحة والمعوذتین )و ب لاڤه‌ڤه دناڤ ده‌ستێت خودا و ده‌ستیت خۆ ب سه‌ر گیانێ خودا بینه و دوعایا خه‌وێ بكه و لسه‌ر ده‌ستێ راستێ بنڤه، دیسان یێ ئاگادار به به‌رى بنڤى كو د دلێ ته‌دا چ كه‌رب وكین نینه به‌رامبه‌ر هیچ كه‌سه‌كێ یان كۆ دلێ چ كه‌سه‌كێ نه‌هێلایه . بۆ نڤێژا سپێدێ رابه و چه‌ند شیایى ناڤێ خودێ بینه لسه‌ر زارێ خۆ ، لدویڤدا قورئانا پیرۆز بخوینه ، ڤێجا به‌رێ خۆ بده خودێ خۆ و ده‌روونێ خۆ دبینى كو چه‌ند روحاته یا ئاسوده و ئارامه و ده‌رونێ ته یێ پاك و ژاراڤتى یه و هه‌ستێ ب ته‌نیایه‌كێ دكه‌ى ، په‌سنا وى ب چ په‌یڤان ناهێت كرن ، ئه‌ڤه و ئه‌گه‌ر ته هه‌ست بۆ جارا ئێكێ ب وێ ئارامیێ نه‌كر ڤێ ئه‌زمونێ دووباره بكه‌ڤه دگه‌ل به‌رچاڤگرتنا گه‌هاندنا ته‌ڤایا مه‌رج و ئه‌ركێن به‌رێ ، دیسان ناخێ ته پاك و ژارافتى نه‌بو بزانه دێ هه‌ر گه‌هى یه ئه‌وێ ئارامیێ ژبه‌ركۆً ده‌گمه‌ن ده‌ربازبوون یانكۆ رزگار بون ژ نه رحه‌تى و دلته‌نگیێ . ته‌ڤایا ڤه‌كولین و خوێندنێن زانستى دووپات دكه‌ن و دسه‌لمینن كو عاجزى ئێك ژوان ئه‌گه‌رایه بۆ دروست بوونا دوو دلیێ ل جه‌م مرۆڤى و هه‌ر ئه‌ڤ دوو دلى یه دبیته ده‌ست پێكا راسته‌قینه بۆ ته‌ڤایا نه‌خوشیێن ده‌روونى ، ژبه‌ركۆ ئه‌و داتایا گشتى یا نه‌خوشییان بڤێ ئیشاره‌تێ ده‌ست پێ دكه‌ت ، نه‌خوشیا ده‌روونى ئه‌و دل یێ كو هێزا به‌رگرى كرنا وى كه‌سێ توش بوى ب چاره‌سه‌رییه‌كا واقعیانه هه‌ڤركى نه‌كه‌ت و كه‌سه‌كه دبیته تویش بوویێ ئه‌وێ نه‌خوشیا ده‌روونى ومه‌ژى بۆ گه‌هاندن ب پله‌یه‌كا زۆر ژ خوشیێ و كه‌یفخوشیێ ڤه‌كولینه‌كا نوى دبێژیت : كه‌سێ تووش بووى ب دل نه‌رحه‌تیێ و عاجزیێ دڤێت ئه‌ڤا پێنگاڤێن ل خارێ جێ به‌جێ بكه‌ت : رابه ده‌ست و چاڤێن خۆ ب جوان بشۆ و جوانترین جلكێت ته هه‌یى بكه به‌رخۆ . هه‌ر چ بێهنه‌كا خوشه ب وان جلكان داكه . دڤێ رۆژێ دا رابه نڤێژێن خۆ بكه و ته‌ڤایا ئه‌ركێت كومه‌لایه‌تى ئه‌وێن دكارى بكه‌یى وه‌كو پێتڤى بكه . بۆ رۆژا لدویڤدا ب نیه‌تا رۆژه‌كا خوبه‌خش رۆژى به بۆ خودێ . هه‌ر دڤێ رۆژێ دا ب نیه‌تا نڤێژێن ب جماعه‌ت قه‌ستا مزگه‌فتێ بكه . لێبورده‌یى و داخازا لێ پارانه‌ڤێ بۆ سه‌د جاران دووباره بكه‌ڤه ل خودێ . چه‌ند ئایه‌ته‌كا ژ قورئانا پیرۆز بخوینه . د ئێڤاره‌یا ئه‌ڤێ رۆژى روینه‌خارێ و ناز و نیعمه‌تێن خودێ ئه‌وێن ناهێنه هژمارتن ڤه‌گێره . ل بیرا خۆ بینه كو ته چ ده‌ستهه‌لاتێن خۆ نینه ب باشى و نه‌باشى . نه‌ترسه ژ پاشه رۆژى ماده‌م تۆ رابووى ب هه‌مى كاروئه‌ركێن ته لبه‌ربوو بكه‌ى بۆ راستڤكرنا ره‌فتارێن خۆ ل ژیانێ دا . خۆ د ته‌ناییه‌كێ دا دویر ژ چاڤێت خه‌لكى ڤه‌ده‌ركه بۆ ناڤ دیمه‌نه‌كێ سروشتى یانكو چاڤه‌رێ یێ ( ئیحجازه‌كا ) خودایى ببه تا لدویماهیكى دگه‌ل خۆ بێژى ( سبحان الله ). دده‌مێ رۆژ ئاڤا بۆ ده‌مێ سپێدێ دێ كه‌یف خوشیه‌كاك جوان بینى . ئه‌گه‌ر هات و ته خۆ دیت هێشتا شێوازێن عاجزى و دل نه‌ره‌حه‌تیێ ددلێ ته یێن مایى ، هه‌ر ل پشتى نڤێژا (عه‌یشا ) چه‌ند ئاییه‌ته‌كا ژ قورئانا پیرۆز بخوینه، ب چریسه‌ت بۆ ده‌مه‌كێ خۆ رزگاركه ژهزرێن نیگه‌تیڤ ئه‌وێن كونترول لسه‌ر ته كرى بیر ل هه‌ر هزره‌كا پوزه‌تیڤه دژیانێ دا بكه ، ب ده‌ست نڤێژى بنڤه و دووباره ل دویماهیكا شه‌ڤێ رابه دوو ركعه‌تێت خۆ بكه . تۆ دشێى ئه‌ڤ كارێن مه گۆتى دووباره بكه‌یه‌ڤه زێده‌تر ژ رۆژه‌كێ بۆ هنده‌ك جاران خوشه و جوانه رابى ب كاره‌كێ خوشڤیانه‌كا راسته‌قینه د دووباره‌كرنا وێ دا هه‌بیت . وهنده‌ك جاران كه‌سانێن توشى بووى چه‌ند رێكێن پاشڤه ماى و نه‌خوینده‌وارى و ده‌ركه‌فتن ژ باوه‌ریێ . په‌نایێ دبه‌نه كه‌سه‌كێ خاپینوك و سیحربه‌ند ، هنده‌ك ژوانا رێكا چاره‌سه‌ریا ده‌روونى هه‌لدبژێرن كو چ لاریێ بۆ نینه ، ئه‌گه‌ر بۆ ئه‌ڤان كارو كرده‌وا وكه‌سێ تووش بووى چێنه بۆ ته سێ جاران ، بزانه ئه‌ڤه ته پێتڤى ب یارمه‌تى و هاریكاریێ هه‌یه ، هه‌روه‌توف پێتڤى ب بسپوره‌كێ ده‌ست نیشانكه‌رێ چاره‌سه‌ریا ده‌روونى هه‌یه تاكو هاریكاریا ته بكه‌ت ژ ڤێ قه‌یرانێ ده‌رباز ببى . لدویماهیكێ ره‌وایه بۆ مرۆڤێ عاقلدار هه‌ر نوكه بشێت رێكا راست ودروست هه‌لبژێریت و به‌رده‌وامیێ پێ بده‌ت و بگه‌هیته ئه‌وێ دل رحه‌تى و ته‌ناهى و ئێمناهیێ و پله‌یه‌كا هه‌ره باش ژ لایێ ساخله‌مى و جه‌سته‌یى و ده‌روون پاكیێ ب ده‌ست خو بینیت ، و یێ ئاماده‌یه ب جوانترین شێوه كار و راسپاردێن خۆ جێ به‌جێ بكه‌ت و دێ ل دوو دلیێ رزگار بیت ، ئه‌ڤه و دێ سه‌رێ خۆ رحه‌ت كه‌تن و ده‌روونێ وى دێ یێ ژاراڤتى بیت . رزگار بوون یانكو ده‌رباز بوون ژ نه‌ڤیانا به‌رامبه‌ر هه‌لبه‌ت نه‌ڤیان ژ دلدا ئێك ژ وان هه‌لچوونایه كۆ زیانێ دگه‌هینته خودێ مرۆڤى ودلێ وى ، هه‌ر لدویڤدا مروڤ پاككرنا خۆ یا ده‌روونى ژ ده‌ست دده‌ت ئه‌وا دبیته نامۆ ئه‌وه كو ئه‌و نه ژ ڤیانا مرۆڤه‌كێ بۆ یێ دیتر دبینى ب ئه‌گه‌ره‌كا نه ژ به‌رهه‌ڤتى یه یان كو هه‌لویسته‌كێ ناهێته دبیردانكا وى دا یان كۆ سوعبه‌ته‌كا ئاسایى و ساكار . به‌لێ ئه‌وا هه‌ژى وێ چه‌ندێ یه كو خوشڤیانێ و كه‌ربا ب راستى یه ئه‌وه ده‌مێ زێده‌گاڤى لسه‌ر حه‌لال و مه‌حروماتێن خودێ یێ مه‌زن تێته كرن . له‌وما پێتڤى یه چه‌وا خوشڤیان ژبه‌ر خودێ مه‌زن بیت هه‌روه‌سا به‌روڤاژى نه خوشڤیان ژى ژبه‌ر ترسا خودێ بیت ، ئه‌ڤه‌ژى بۆ وێ چه‌ندێ یه كۆ دلێ ته ب خودێ ڤه یێ گرێدایى بیت تاكو نه‌خوش نه‌كه‌ڤیت و خودێ ته یێ پاك بیت و توشى نه‌خوشیێ نه‌بیت . خۆ ژڤێ نه‌خوشڤیانا به‌رامبه‌ر رزگار بكه ، ئه‌گه‌ر فه‌رمان گه‌هشته خۆ لێك راكێشانێ و شه‌ر دروست دبیت و تویێ ده‌ست پێشخه‌ربه بۆ نه دروست بوونا شه‌رى و ل وى ده‌مى دێ دلێ ته ته‌ناهیه‌كێ ده‌ته ته، ئه‌گه‌ر هات و لایه‌نێ به‌رامبه‌ر سته‌مه‌ك ل ته كربیت لێ ببوره و بزانه خۆدێ دێ پاداشتێ ده‌ته ته ب رازى بوونا خوشیێ وكه‌یفێ . ئه‌ڤه و نه‌خوشڤیان دبیته دوژمندارێ كه‌یفێ و دلخوشیێ ، هه‌ر وه‌توف دبنه ئه‌و كوسپ و ته‌گه‌ره ئه‌وێن مرۆڤ دئینیته پێشیا خۆ و داكوكیێ لسه‌ر دكه‌ت و د راوه‌ستیت و رێكا خوشیێ و سه‌ركه‌فتنێ به‌رزه دكه‌ت . ده‌ربازبوون ژ توره‌بوون و هه‌لچونێن دژوار : ئه‌گه‌ر تو كه‌سه‌كێ ل خۆ بایى بى كو به‌رده‌وام كه‌سه‌كێ ب كه‌رب و هه‌لچوویى بزانه بۆ هه‌ر جاره‌كا ئه‌ڤ حاله‌ته بوته دروست دبیت ئه‌ڤه تۆ یێ دویر دكه‌ڤى ژ دل رحه‌تیى و ته‌ناهیێ و خوشیا راسته‌قینه ، ژبه‌ر تووره‌بونا ته ده‌لیڤه بۆ شه‌یتانى هه‌لدكه‌ڤیت بهێته دناڤ ژیانا ته‌دا و خۆ ل ره‌فتارێن ته‌دا دبینیت و شه‌یتان یا خێر تێدا بوته نه‌ڤێت و ئاگادار توره‌بوونێ ببه و خۆ لێ رزگار بكه بڤان رێكێت ل خارێ دیار : ده‌ست نڤێژا خۆ بگره و ده‌ست ب نڤێژا بكه‌ت و نه‌مازه ژ ده‌ست پێكا دروست بوونا توره‌یێ . ل خودێ ب پارێڤه و لاڤ لاڤیا بۆ ببه . ئه‌گه‌ر هاتوو حاله‌تێ توره‌بوونه‌كا ئێك جار زۆر تویش بووى ل جهێ تۆ لێ رابه وهنده‌ك پێنگاڤان بهاڤێژه ، یان كۆ تۆ یێ راوه‌ستایى روینه‌خار یان كۆ بنڤه ئه‌گه‌ر تۆ یێ روینشتى بى داكو نه‌بى یه نێچیره‌كێ ب ساناهى بۆ هه‌ر نه‌فه‌سه‌كێ و شه‌یتانى . هه‌ولا وێ چه‌ندێ بده كو هزرا خۆ مژویلى بابه‌ته‌كێ دیتر بكه بۆ ده‌مه‌كێ و سێ جاران ( ئیستیغفارى) دووباره بكه‌ڤه . ب چریسه‌ت چه‌ند چركه‌كا هزرێ ژ پاشماڤه‌یێن توره‌بوونێ و ده‌ره‌نجامێن وێ بكه‌ڤه . بزانه توڕه‌بوون وهه‌لچوون چ ئاریشه‌یان چاره‌سه‌ر ناكه‌ت به‌لكۆ ل گه‌له‌ك جاران دا كێشه‌یان ئالوزتر دكه‌ت . بزانه دلێ ته یێ گریدایى و نیشته‌جێ یێ خودێ یه ، ڤێجا یێ په‌روش به بۆ نێزیك بوونێ ل خودێ یێ مه‌زن . بزانه كو توره‌بوون و هه‌لچوون ده‌ستپێكا هه‌ر تاوانه‌ك و خرابكارییه‌ك و به‌لایه‌كێ یه بۆ خۆدانى ، ڤێجا خۆ په‌راوێز بكه و خۆ نه‌هاڤێژه دناڤ كاره‌كێ خراپتر ل توره‌بوونێ . دهه‌ولێ دا به بۆ دیتنه‌ڤا پاسه‌وا و لێبورێن زور بۆ ئه‌وان كه‌سانێن كو ره‌فتارێن وان ل دژى كه‌سایه‌تیا ته‌نه . خۆ نه‌سه‌پینه و بزانه شیانێن ته چه‌ند بهێزن داكو بگه‌هیه ئاستێ باوه‌رى بوونێ دویر ژ غرورێ و ل خۆ بایى بوونێ داكو كه‌ساتیا خۆ ب پارێزى ژ وێ هه‌ستا كێم ئه‌وا هه‌لچوونێ بۆ مرۆڤى دروست دكه‌ت. فێرى رێكه‌كا نوى ببه بۆ دایه‌لوك و گه‌نگه‌شه كرنێ داكو دویر بى ژ توره‌بوون و هه‌لچوونێن دیتر بڤێ چه‌ندێ دێ (حجه‌ت ) یانكو پاسه‌وا هه‌بن بۆ گوهرینا هه‌ر ره‌ئیه‌كا چه‌وت و نه دروست . | 
