یه‌کێتی زانایانی ئاینی ئیسلامی کوردستان
كوردى | العربية ئێمە لە فەیسبوک په‌یوه‌ندی  |  لقه‌کان  |  ستافی کار  |  لینکی پێویست
*****    *****   پێکەوەژیانی ئایینی لە سۆران    *****    *****   مامۆستا مەلا محمد ئیبراهیم رەزگەیی کۆچی دوایی کرد یەکێتی زانایان پرسەنامەیەک ئاراستەی خانەوادەکەی دەکات    *****    *****   بە ئامادەبوونی سەرۆکی یەکێتی زانایان مەراسیمی بەخشینی بڕوانامەی زانستی لە شاری هەولێر بەرێوە دەچێت    *****    *****   سەرۆکی یەکێتی زانایان بەشداری پانێڵی کۆلێژی پەروەردەی ئاکرێ لەبارەی پێکەوەژیانی ئایینی دەکات    *****    *****   سەرۆکی یەکێتی زانایان لە هەردوو قەزای ئاکرێو بەردەڕەش ژمارەیەک مامۆستای ئایینی بەسەر دەکاتەوە    *****    *****   سەرۆکی یەکێتی زانایان بەرێوەبەرایەتی ئەوقافی ئاکرێ و لقی ئاکرێی یەکێتی زانایان بەسەر دەکاتەوە    *****    *****   یەکێتی زانایان پانێڵێکی تایبەت بە گرنگیدان بە تەوزیفکردنی زانستی تەجویدو پاراستنی مۆرکی رەسەنی مەقامی جوان خوێندنەوەی قوڕئان بەرێوە ساز دەکات    *****    *****   بە ئامادەبوونی سەرۆکی یەکێتی زانایان مەراسیمی بەخشینی بڕوانامەی زانستی لە شاری هەولێر بەرێوە دەچێت    *****    *****   بە ئامادەبوونی سەرۆکی یەکێتی زانایان مەراسیمی بەخشینی بڕوانامەی زانستی لە گوندی بێراوە بەرێوە دەچێت    *****    *****   شاندێکی باڵای مەکتەبی تەنفیزی دەڤەری گەرمیان بەسەر دەکاتەوە و چەند پرسێکی گرنگ تاوتوێ دەکات    *****    *****   د.عبدالله شێرکاوەیی بۆ ماڵپەڕی روداو: لە ئیسلامدا هیچ سنوورێک بۆ مارەیی دیاری نەکراوە    *****    *****   کۆبوونەوەی ئاسایی مەکتەبی تەنفیزی یەکێتی زانایان بەرێوە دەچێت چەند پرسێکی گرنگ و تایبەت تاوتوێ دەکات   
 هەواڵ 

هه‌ڵاڵه‌ محه‌مه‌د ئه‌ڵماس
به‌رواری دابه‌زاندن: 09/01/2011 : 11:24:06
قه‌باره‌ی فۆنت
له‌سه‌ری ساڵی زاینیدا، ژن داهێنه‌ری ڕه‌وشته‌ به‌رزه‌كانه‌
سات به‌سات و ده‌قه‌به‌ده‌قه‌ نزیك ده‌بێته‌وه‌ له‌ كۆتا چركه‌كانی ساڵی 2010 و ماڵئاوایی لێ ده‌كه‌ین... هێدی هێدی هه‌نگاو به‌ره‌و ساڵێكی تری ته‌مه‌ن و ژیانمان ده‌نێین و پێشوازی لێ ده‌كه‌ین. پێشوازی كردن له‌ هه‌ر شت و بۆنه‌یه‌ك، ڕێوڕه‌سمی تایبه‌تی خۆی ده‌وێت، ناكرێت هه‌موو بۆنه‌كان تێكه‌ڵ بكه‌ین و وه‌ك یه‌ك به‌رێیان بكه‌ین و پێشوازیان لێ بكه‌ین، به‌ڵكو پێویسته‌ سه‌ره‌تا هۆكاری دروست بونی بۆنه‌كه‌و كاره‌كته‌ره‌ ده‌ور گێڕه‌كانی بزانین و بناسین و وانه‌و په‌ندیان لێ وه‌رگرین، بزانین ئه‌م بۆنه‌یه‌ بۆچی هاتۆته‌ ئاراوه‌؟ وبۆچی بۆته‌ ڕۆژێكی گه‌وره‌ له‌ مێژوودا یا ؟؟ هتد.. یا ته‌نها بۆ ئه‌وه‌یه‌ ئێمه‌ ئاهه‌نگ و شادی بگێڕین به‌بێ گوێدانه‌ هۆكاره‌ سه‌ره‌كیه‌كانی یا به‌ ماته‌م و پرسه‌... به‌ڕێی بكه‌ین.

لای هه‌موان ئاشكرایه‌، سه‌ری ساڵی زاینی له‌دایك بونی حه‌زره‌تی مه‌سیح عیسای كوری مه‌ریه‌م(سه‌لامی خوا له‌ هه‌ردوكیان)، له‌دایك بونی یه‌كێكه‌ له‌ پێغه‌مبه‌رانی(اولوالعزم) ی پایه‌دار.. له‌م بۆنه‌ پڕ شكۆو به‌رزه‌دا ڕۆڵی دایكی(عیسی) زۆر به‌ ڕوونی ده‌رده‌كه‌وێت..
خاتو مه‌ریه‌م(سه‌لامی خوای لێ بێت)، ئه‌م كه‌ڵه‌ ئافره‌ته‌ خاوه‌ن پله‌و پایه‌ به‌رزه‌، ڕۆڵی كاریگه‌ری هه‌بوو له‌ پێناسه‌ كردن بۆ به‌ندایه‌تی له‌ په‌رستگاكاندا، بۆ خوای تاك و ته‌نها و به‌ندایه‌تی ته‌واو ڕاسته‌قینه‌ی ئه‌نجام ده‌دا، به‌جۆرێك په‌روه‌ردگار ڕێزو پله‌و پایه‌ی به‌رز كردبویه‌وه‌، تا ئه‌و ڕاده‌ی خۆراكی بۆ بنێرێت و میوانداری بكات، به‌هۆی پاكێتی و زۆر په‌یوه‌ندی به‌تینی له‌گه‌ڵ په‌روه‌ردگار، جارێكی تر په‌روه‌ردگار پله‌ی به‌رز كرده‌وه‌و كردیه‌ گه‌وره‌ی ژنانی دونیا، وه‌ك له‌ قورئانی پیرۆزدا ئاماژه‌ی پێدراوه‌و ده‌فه‌رموێت: یا مریم ان الله اصگفاك و گهرك و اصگفاك علی نیساْ العالمین. ئه‌م هه‌ڵبژاردنه‌ ئه‌وپه‌ڕی پاكیزه‌گی ژنێك ده‌رده‌خات كه‌ له‌لایه‌ن خوای باڵاده‌سته‌وه‌ پێشكه‌شی كراوه‌، بیرمان نه‌چێت هه‌روا ئه‌م پله‌یه‌ به‌ده‌ست نه‌هاتووه‌، به‌ڵكومریم زۆر گرنگی به‌ خزمه‌ت كردنی په‌رستگاكان و خه‌مخواردنی بۆنه‌خۆش و لێقه‌وماوان و په‌یوه‌ندی به‌تینی له‌گه‌ڵ په‌روه‌ردگاردا، كردیه‌ نمونه‌ و ڕه‌مزی پاكیزه‌گی و گه‌وره‌یی ژنانی جیهان، له‌ ویست و نیه‌تی دایكیدا كه‌ ناوی مه‌ریه‌م مه‌به‌ست پێی پاكێتی و پاكیزه‌یی بوو، نهێنیه‌كه‌ش پێشكه‌ش كردنی كۆرپه‌كه‌ی بوو به‌خزمه‌تكاری په‌رستگاكان و... به‌ندایه‌تی ته‌واو بۆ خوا..ئه‌مرۆ ئێمه‌ له‌ هه‌ركات زیاتر پێویستیمانه‌ به‌ كچی وه‌ك خاتوو مه‌ریه‌م(سه‌لامی خوای لێبێت) ، چونكه‌ مه‌ریه‌م هه‌ربه‌ ناوه‌كه‌ی بانگی ژنان ده‌كات بۆ پاكێتی و پاكیزه‌گی بون، ئه‌مڕۆ جیهان پێویستی به‌ كۆبه‌ندی مریه‌مه‌كانه‌، كه‌ جارێكی تر بتوانن مرۆڤایه‌تی له‌نه‌فامی و سه‌رگه‌ردانی و به‌زاندنی سنوره‌كان بپارێزن. مریم به‌ هه‌ڵوێست و به‌ندایه‌تی كردن بۆ خوای گه‌وره‌، خوای گه‌وره‌ كردیه‌ دایكی پێغه‌مبه‌ر(عیسی) سه‌لامی خوای لێبێت. ئه‌م هه‌ڵبژاردنه‌ی مه‌ریه‌م بۆ ئه‌م ئه‌ركه‌ قورس و گرانه‌ له‌لایه‌ن خوای په‌روه‌ردگاره‌و سه‌نگینی‌و ڕێزی مه‌ریه‌م ده‌رده‌خات لای په‌روه‌ردگار، چونكه‌ رێچكه‌ی له‌دایك بونی كۆرپه‌ لای مه‌ریه‌م چارێكی تر گۆڕاو به‌ جارێك دونیای هه‌ژاند... مه‌ریه‌می هه‌ست ناسك و عابده‌، زۆر خۆی پاراستبوو، خاوه‌ن ناوو نازناوێكی جوان بوو له‌ناو هۆزو خه‌ڵكدا، به‌ڵام له‌م كاره‌، له‌م ئه‌رك و باره‌ زۆر ده‌ترسا و توشی دوودڵی هات، په‌روه‌ردگار دامه‌زراوی كردو یارمه‌تی دا بۆئه‌وه‌ی سه‌ركه‌وێت به‌سه‌ر ئاسته‌نگه‌كاندا..

جێگی ئاماژه‌ پێدانه‌، ژن و پیاو لای په‌روه‌ردگار له‌ پێدانی امتیازات و نیعمه‌ته‌كان یه‌كسانن، ڕێزو پله‌كه‌ بدرێت به‌ مرۆڤه‌كان ته‌نها ئه‌و ڕێزه‌ به‌پارێزكاره‌كان دراوه‌، ئه‌وانه‌ بۆ خوای گه‌وره‌ ژیاون و سات و كاته‌كانی خۆیانیان ته‌نها بۆ ئاوه‌دانی و دڵخۆشی كردووه‌ و دورخستنه‌وه‌ی ئازار له‌ كۆمه‌ڵگه‌ به‌خشیوه‌و ساڵه‌كانی ته‌مه‌نیان خستۆته‌ خزمه‌ت خه‌ڵك، ئه‌وكاته‌ ئاسوده‌ بون كه‌ ته‌ماشای ئه‌لبومی ساڵی ڕابردویان كردووه‌ خزمه‌تكاریان بۆ خواو خه‌ڵكی خوا تیادا به‌دی كردوه‌. پێویسته‌ له‌سه‌ری ساڵدا، له‌بری گێڕانی ئاهه‌نگی له‌سنور ده‌رده‌چوون و نه‌پاراستنی به‌ها باڵاكان و به‌كارهێنانی جۆره‌كانی خۆ مه‌ست كردن‌و، چوونه‌ ده‌ره‌وه‌ی بێ به‌رنامه‌و پلان.!!
هه‌ریه‌كه‌مان ماڵ ئاوای له‌ساڵی ڕابردووی ته‌مه‌نمان بكه‌ین و سوپاسی خوای گه‌وره‌ له‌سه‌ر چاكه‌كاریه‌كان بكه‌ین و خۆشی و شادی ده‌رببڕین‌و لۆمه‌ی خۆمان له‌سه‌ر ئاكاره‌ نا به‌جێكان بكه‌ین... په‌یمانی باشتركردن و جوانكردنی ساڵی 2011 به‌ خۆمان و كوردستانه‌كه‌مان بده‌ین.. مه‌ریه‌م ئاسا ڕۆڵ بگێڕین له‌ به‌گه‌وره‌ ناساندنی ژنان و ده‌رخستنی ڕه‌وشته‌ جوانه‌كان.