دیاره یه‌كێتی زانایان له 21 /9 هه‌مووساڵێك، یادی دامه‌زراندنی خۆی ده‌كاته‌وه، كه له ژێرچاودێری وسه‌رپه‌رشتی رابه‌ری كورد ملامصگفی بارزانی دامه‌زراوه، كه له‌سالی 1970 له گه‌ڵاله‌ی باڵه‌كایه‌تی یه‌كه‌م كۆنگره‌ی خۆی به‌ست، ئه‌مه‌شیان بۆ یه‌كه‌م جاربوو هه‌ر له‌زاخۆوه تاكو خانه‌قین ومه‌نده‌لی وبگره چه‌ندین زانای به‌ناوبانگ له هه‌ر چوارپارچه‌ی كوردستان له ژێرچه‌تری یه‌كێتی زانایان له‌ده‌وری یه‌كتر كۆببنه‌وه، ئه‌مه‌شیان زه‌روره‌تێكی مێژووی بوو بۆ گرێدانی چه‌كی زانست و شۆرشگێری به‌یه‌كه‌وه، بۆیه به‌ده‌ستێك قه‌له‌م و به‌ده‌ستێك چه‌كی به‌رگری له خاك وناسنامه‌ی نه‌ته‌وه‌ی ویه‌كخستنی فه‌تواو پالپشتی كردنی هێزی پێشمه‌رگه‌و ته‌وعیه‌و وشیاركردنه‌وه‌ی جه‌ماوه‌رو هاندانیان بۆ به‌رگری كردن له خاك ونه‌ته‌وه‌كه‌یان، بۆیه به سه‌دان داناو زاناومه‌لای مێزه‌ر به‌سه‌ر له‌به‌ره‌كانی جه‌نگ پێشه‌واو پله‌دارو پێشمه‌رگه و رابه‌ر بوون و سه‌دان شه‌هیدیان به‌خاك و گه‌ل به‌خشین، ئه‌وه بوو له‌دوای نسكۆی شۆرشی مه‌زنی ئه‌یلول له‌سالی 1975 زانایانی ئاینیش به‌شێك بوون له‌وچین وتوێژانه‌ی زێدی باب و باپیرانیان جێهێشت و سه‌ریان بۆ دوژمن دانه‌نه‌واندو ژیانی ئاواره‌ییان هه‌ڵبژارد، ئه‌وانی تریش كه‌وتنه ژێرفشارو ڕاگواستن و زیندانی كردن و ده‌یان زانای كورد په‌روه‌ر له‌لایه‌ن رژێمی به‌عسه‌وه بێ سه‌روشوێن كران. به‌ڵام زۆری نه‌برد دوای هه‌ڵگیرسانی شۆرشی گه‌لانی ئێران و ڕووخانی سه‌ڵته‌نه‌تی سه‌دان ساڵه‌ی شاهنشاهی له‌ئێران، دیسان زانایانی ئاینی به‌گوروتینه‌وه،هاتنه‌وه كۆری خه‌بات و كۆڵنه‌دان و خه‌باتی شارو شاخیان به‌یه‌كه‌وه گرێداو به‌شێكیان چه‌كی شه‌رفپارێزیان كرده‌شان، هه‌روه‌ها حوجره‌ی فه‌قێیان ببووه مه‌دره‌سه‌ی پێگه‌یاندنی كادیری شۆرشگیر، هه‌ربۆیه‌ش سالی 1979، جارێكی تر یه‌كێتی زانایانی ئاینی بنكه‌و باره‌گاكانی خۆی له‌ئاواره‌یی دامه‌زرانده‌وه‌و له كۆنفراسێكدا لێژنه‌ی (ته‌حزیری) هه‌ڵبژاردو زانایانی شۆرشگێری له‌ده‌وره‌ی خۆی كۆكرده‌وه‌و له‌خه‌بات و تێكۆشانی پێشمه‌رگایه‌تی به‌رده‌وام بوون، ئۆردگای (زێوه) كه باره‌گای سه‌ره‌كی یه‌كیتی زانایانی تێدابوو ببوه لانه‌ی زانایانی شۆرشگێر كه له ژێر زه‌برو زه‌نگی به‌عسیه‌كان ژیانی شاخیان هه‌لبژاردبو وسه‌ریان بۆ رژێمی به‌عس شۆڕ نه‌كرد، كه‌سانێك له رۆژه سه‌خته‌كاندا ماندوو بوون و برینداربوون و شه‌هید بوون، حه‌ق وایه ئه‌مرۆ رێزیان لێ بگیرێت و میدالیای وڵاتپارێزی له‌به‌رۆكیان بدرێت، بۆیه پیشنیاز ده‌كه‌م كه له‌لایه‌ن سه‌رۆك بارزانی یان له‌لایه‌ن سه‌رۆكی هه‌رێم میدالیای رێزلێنان له‌به‌رۆكی ئه‌وزانایانه بدرێت كه له‌شۆرشی ئه‌یلول و گولان چه‌ك له‌شان بوون ، بۆئه‌وه‌ی نه‌وه‌كانیان شانازی به ڕابردووی باب و باپیرانیانه‌وه بكه‌ن . له یادی دامه‌زراندنی یه‌كێتی زانایان سلاو له شه‌هیدانی كوردو كوردستان به‌ره‌و سه‌ربه‌خۆیی كوردستان | 
