یه‌کێتی زانایانی ئاینی ئیسلامی کوردستان
كوردى | العربية ئێمە لە فەیسبوک په‌یوه‌ندی  |  لقه‌کان  |  ستافی کار  |  لینکی پێویست
*****    *****   مەکتەبی تەنفیزی یەکێتی زانایان پێشوازی لە بەڕێوەبەری گشتی سامانی ئاژەڵ و ڤێتێرنەری دەکات    *****    *****   بە ئامادەبوونی سەرۆکی یەکێتی زانایان دیدارێکی تایبەت بە رۆژی جیهانی رووبەڕوو بوونەوەی وتاری رقەبەری بەڕێوە دەچێت    *****    *****   مامۆستا مەلا زبێر شێخە لاسەیی کۆچی دوایی کرد یەکێتی زانایان پرسەنامەیەک ئاراستەی خانەوادەکەی دەکات    *****    *****   یەکێتی زانایان: داوا لە حاجیان دەکەین قوربانیەکانیان لە کوردستان ئەنجام بدەن    *****    *****   مامۆستا مەلا عەلی حەمە ڕەسول گێڵدەرەیی کۆچی دوایی کرد یەکێتی زانایان پرسەنامەیەک ئاراستەی خانەوادەکەی دەکات    *****    *****   دکتۆر عرفان رەشید سەرۆکی ئەنجومەنی باڵای فەتوای حەج: رۆژانە لە خزمەتی حاجیان داین و کارەکانمان بە رێکو پێکی بەرێوە دەچێت    *****    *****   یەکێتی زانایان سیمینارێکی تایبەت بە ناونیشانی (نەفامی لە نێوان پیرۆزکردن و بە دامەزراوەیی کردندا) بەرێوە دەبات    *****    *****   سەرۆکی یەکێتی زانایان بە یاوەری شاندێک لە شاری سلێمانی چەند دیدارو سەردانێک ئەنجام دەدات    *****    *****   مەکتەبی تەنفیزی یەكێـتی زانایان پێشوازی لە بەڕێوەبەری گشتی چاكسازی كۆمەڵایەتی دەکات    *****    *****   بە ئامادەبوونی سەرۆکی یەکێتی زانایان مەراسیمی بەخشینی بڕوانامەی زانستی لە پیرمام بەرێوە دەچێت    *****    *****   مامۆستا مەلا ئەحمەد خاروکی تەرمەکەی دۆزرایەوەو یەکێتی زانایان پرسەو هاوخەمی خۆی بۆ خانەوادەکەی رادەگەینێت    *****    *****   شاندێکی مەکتەبی تەنفیزی یەکێتی زانایان سەردانی بەڕێوەبەرایەتی گشتی چاكسازی كۆمەڵایەتی دەکات   
د. عبدالله ملا سعيد گرتكی*
به‌رواری دابه‌زاندن: 05/06/2013 : 16:49:48
قه‌باره‌ی فۆنت
رێزگرتنی زانایان‌و.. ئاماژەیەك

ماوەیەك بەر لە ئێستا داوایەكمان پێشكەشی شێخی ئەزهەر كرد، سەبارەت بە زانایی‌و خزمەت‌و بەرهەمەكانی زانای ناوداری گەلەكەمان دكتۆر مستەفا زەڵمی، بۆ ئەوەی وەك نمونەیەكی جێدەست دیاری ئەمڕۆی كورد لەبەردەم گەورەترین‌و كاریگەرترین ناوەندی زانستی، كە زانكۆی ئەزهەرە پیشان بدەین.

بەسوپاسەوە هەر زوو شێخی ئەزهەر وڵامی بەوە داینەوە، كە ئەوان وەك رێزگرتن لە كەسایەتی زەڵمی‌و خزمەتەكانی خەڵاتی رێزلێنانی پێ‌ دەبەخشن.

بۆ ئەو مەبەستە رۆژی 11/5/2013 لە هۆڵی مەشیەخەی ئەزهەر لە قاهیرەی پایتەختی میسر بە ئامادەبوونی دكتۆر ئەحمەد تەیب  شێخی ئەزهەری شەریف‌و سەرۆكی رابیتەی جیهانی دەرچووانی ئەزهەری شەریف‌و ژمارەیەك لە گەورە زانایان‌و كەسایەتییەكانی ئەزهەر مەراسیمێكی تایبەت بە رێزلێنانی زانای كورد دكتۆر مستەفا زەڵمی ساز كرا.

ئەوەی مەبەستە لێرەدا ئاماژە كردنە بە دەرهاوێشتە‌و كاریگەری‌و گرنگی هەنگاوێكی لەو شێوەیەیە بۆ ئێستای كاری پیشەیی زانایان‌و، هەڵكشانی ئاستی پەیوەندیەكانی زانایان بەرووی دەرەوەدا.

راستە پەیوەندی كورد بە میسڕو زانایان بە ئەزهەری شەریفەوە پەیوەندیەكی دێرینە، جۆری پەیوەندیەكەش لەدوو جەمسەرەوە خۆی دەبینێتەوە، یەكەمیان: بەو ئیعتیبارە كە زانكۆی ئەزهەر مەرجەعێكی كاریگەرە بۆ تێكڕای پەیرەوانی ئەهلی سوننە‌و جەماعە، دووەمیان: لە روانگەی مێژووی پرشنگداری سەركردەی كورد سەڵاحەددینی ئەیوبیەوە، كە ئەزهەر خۆیشی شانازی پێوە دەكات.

بەڵام رەنگە لە مێژووی كۆن‌و نوێی كوردو ئەزهەر دەگمەن بێ‌ بەو قەبارە‌و ئاستە باڵایە، مەراسیمی رێزلێنان بۆ زانایانی كورد لە مەشیخەی ئەزهەر رێكخرا بێت!! بۆیە پێم وایە ئەو هەنگاوە ئاماژەیەكی گرنگە بۆ تێكڕای زانایانی كورد، لە سێ‌ لاوە:

یەكەمیان: ئەو رێزگرتنە لە زانایەكی كورد، تەنها رێز گرتن نیە لە كەسایەتی زەڵمی، بەڵكو رێزنانە لە تەواوی زانایانی ئایینی لە كوردستانەوە، بەو پێیەی زانایانی كورد هەمیشە لە پێشەوە، یان هاوشانی زانا هەڵكەوتووەكانی جیهانی ئیسلامی بوونە، لە گەیاندنی خزمەت بە ئیسلام‌و بڵاوكردنەوەی هۆشیاری فكری‌و رۆشنبیری‌و زانستیەوە.

دوومیان: جۆری ئەو پەیوەندیە هاوچەرخ‌و نوێیە، كورد لەگەڵ ئەزهەر دەباتە قۆناغێكی گرنگتری مێژووییەوە، لەبەر ئەوەی تێكڕای ئەزهەریەكان دەرك بەو راستیە دەكەن، كە پێگەی زانایانی ئایینی لە كوردستان‌و نەتەوەیی كورد لەناو مەرجەعی یەكەمی مەشیخەی ئەزهەر یەكجار زۆرو لە پێشە.

سێیەمیان: ئەو هەنگاوانە وا دەكات ئێمەی زانایانی ئایینی لەو هەرێمە، زیاتر سوود لە ئەزموونی ئەزهەر وەربگرین، بە تایبەتی لە رووی فكری وەستیەت‌و هۆشیاری زانستی‌و ئاستی كاری پیشەیی‌و بەستنەوەی پەیوەندیەكانەوە.

بۆیە وێڕای سوپاسی دووبارە بۆ شێخی ئەزهەر، هیوام وایە زانایانمان ئەو رێزگرتنەی زانایەكی كورد بە رێزگرتنی خۆیان بزانن‌و، بە چاوی ئومێد‌و پیشوەچوونی پتر لە ئایندەی كوردستان‌و یەكێتی زانایانەوە بڕوانن.

 

ئەم بابەتە لە ژمارە (93)ی گۆڤاری پەیامی زانایان بڵاوەكراوەتەوە.