یه‌کێتی زانایانی ئاینی ئیسلامی کوردستان
كوردى | العربية ئێمە لە فەیسبوک په‌یوه‌ندی  |  لقه‌کان  |  ستافی کار  |  لینکی پێویست
*****    *****   مەکتەبی تەنفیزی یەکێتی زانایان پێشوازی لە بەڕێوەبەری گشتی سامانی ئاژەڵ و ڤێتێرنەری دەکات    *****    *****   بە ئامادەبوونی سەرۆکی یەکێتی زانایان دیدارێکی تایبەت بە رۆژی جیهانی رووبەڕوو بوونەوەی وتاری رقەبەری بەڕێوە دەچێت    *****    *****   مامۆستا مەلا زبێر شێخە لاسەیی کۆچی دوایی کرد یەکێتی زانایان پرسەنامەیەک ئاراستەی خانەوادەکەی دەکات    *****    *****   یەکێتی زانایان: داوا لە حاجیان دەکەین قوربانیەکانیان لە کوردستان ئەنجام بدەن    *****    *****   مامۆستا مەلا عەلی حەمە ڕەسول گێڵدەرەیی کۆچی دوایی کرد یەکێتی زانایان پرسەنامەیەک ئاراستەی خانەوادەکەی دەکات    *****    *****   دکتۆر عرفان رەشید سەرۆکی ئەنجومەنی باڵای فەتوای حەج: رۆژانە لە خزمەتی حاجیان داین و کارەکانمان بە رێکو پێکی بەرێوە دەچێت    *****    *****   یەکێتی زانایان سیمینارێکی تایبەت بە ناونیشانی (نەفامی لە نێوان پیرۆزکردن و بە دامەزراوەیی کردندا) بەرێوە دەبات    *****    *****   سەرۆکی یەکێتی زانایان بە یاوەری شاندێک لە شاری سلێمانی چەند دیدارو سەردانێک ئەنجام دەدات    *****    *****   مەکتەبی تەنفیزی یەكێـتی زانایان پێشوازی لە بەڕێوەبەری گشتی چاكسازی كۆمەڵایەتی دەکات    *****    *****   بە ئامادەبوونی سەرۆکی یەکێتی زانایان مەراسیمی بەخشینی بڕوانامەی زانستی لە پیرمام بەرێوە دەچێت    *****    *****   مامۆستا مەلا ئەحمەد خاروکی تەرمەکەی دۆزرایەوەو یەکێتی زانایان پرسەو هاوخەمی خۆی بۆ خانەوادەکەی رادەگەینێت    *****    *****   شاندێکی مەکتەبی تەنفیزی یەکێتی زانایان سەردانی بەڕێوەبەرایەتی گشتی چاكسازی كۆمەڵایەتی دەکات   
د. حه‌سه‌ن خالید موفتی
به‌رواری دابه‌زاندن: 21/12/2023 : 21:32:58
قه‌باره‌ی فۆنت
لە (سەلەفییزمەوە) بۆ (سۆشیال دیموکراتی و عەلمانییزم و دەروێشییزم) !!

 

سبحان اللە، قەدیمان گوتویانە: سەرخۆش ئەگەر پاڵیشی پێوە نەنرێت بۆخۆی دەکەوێت، بەڵێ خودا (جل جلالە) مەعدەنی تەنەکە لە زێڕ جودا دەکاتەوە بە تاقیکردنەوەکانی رۆژگار بۆ بەندەکانی، بەڵام کەمێک خۆڕاگری و سەبری دەوێت...

تا دوێنی بوو گوتاردان بەڕاست و چەپدا بە حەرامکردنی بەشداریکردن لە هەڵبژاردنەکان، لە حیزبایەتی، لە نزیکی لە دەسەڵات چونکە تاغوتە، تا دوێنێ بەرزکردنەوەی دروشمی: عەلمانیەت، دیموکراتی، سۆشیالیزم شیرک و کوفرە، تا دوێنێ چونە ناو ئەحزابی ئیسلامی شیرک و گومڕاییە!!

تەنانەت نزیکی لە سیاسەتەوە گومڕایی و شیرکەو وێناکردنی سەلەفییەت بەوەی کە دوورە لە سیاسەت و سیاسەتبازی !!

بەڵام هەمووی بە درۆی شاخدار و گەوجاندنی خەڵکی نەفام دەرچوو..

بەڵێ هەر کە ئیغراکران بە پارەی حەرام و مەنسەبی دونیایی و پێگەی سیاسی.. ئەو دروشمانەی پێشویان هەموو ژێر پێ ناو هەموو لە بیرچووەوە سەدوو هەشتا پلە گێڕیان گۆڕی و باوەشیان کرد بە عەلمانی و سوشیالدیموکراتیدا، خەڵکیان یەکسەر هاندا بۆ ئینتیخابات کە ڕابدەن بە پارتی بەهێز ئەگەرچی سوشیال دیموکراتیش بێ...!!

هەروەها تا دوێنێ دەیانگوت تەریقەت و تەصەووف گومڕایی و شیرکە، بەڵام بە مەجبوری خۆیان خزاندە کۆڕبەندی حەزرەتی شێخ مەعروفی نۆدێیەوەو لە سەلەفییەوە بەرەو دەروێشی خەباتیان گواستەوە !!

ئەمانە هیچیان جێگەی سەرسوڕمان نیین بۆ داشتمەندان و خوداناسان،

چونکە سەلەفیزم مەنهەج و مێژوویان بریتی بووە لە (سوڕانەوە بە جوغزی دەسەڵات و جوانکاریکردنی گەندەڵکار و ستەمکاران ئەگەر یەهودیش حوکمڕان بێت)،

شیعارەکەیان پێچەوانەی شیعاری ئیسلام بوو بە درێژایی مێژووی دروستکردنیان لەلایەن ئینگلێزەوە لە نیوەدورگەی عەرەبی کە تاعەت واجبە بۆ وەلی ئەمری خەڵکی تەنانەت ئەگەر بێ دین و فاجیریش بێت، بە پێچەوانەی فەرمودەو دروشمی ئیسلام: (لا طاعة لمخلوق في معصية الخالق)!

خۆتان بینیتان بە ئاشکرا پۆزش دەهێننەوە بۆ هێرشی نەگریسی دوژمنانی خوا بۆ سەر ستەملێکراوانی موسوڵمانانی کەرتی غە..ززە... !!

بەڵام عەجایب ئەوەیە تا ئێستەش دوای ئەو هەموو فەزیحەتە گومڕایی وتەکفیرو تەبدیع تەشریک کردنە ناڕەوایەی موسڵمانان، ئەو هەموو فەزیحەتە ئەخلاقی و موکابەرەی حەق و خۆ بەدرۆخستنەوە و وەرچەرخان لە دروشمەکان و گۆڕینی هەڵویستەکان و خەبات گواستنەوە لە سەلەفییەتەوە بۆ عەلمانی و پاشان بۆ دەروێشی ...هتد.. هێشتا کەسانێکی داماوی لەخشتەبرا و بە (دۆلار و ریاڵی حەرام هەڵخەڵەتێنراو) بمێننەوە لە جوغزی گەوجاندنی تەوژمی سەلەفیزمداو گیریان پێ خورابێت بە کۆمەڵێک شیعاری بریقەدار و قەوانی سوواو کە هەڵوەشاوەتەوە تێکڕای بە (بەڵگەکانی قورئان و سوننەت و ئیجماعی چواردە سەدەی موسڵمانان)..!!

هیواداریشین گۆڕانکاری راستی و ستراتیژی لە هەندێک مەوقیفدا هاتبێتە دی کە بەرەو بیری میانڕەوی دینی ئیعتیدالی فیکری و هەنگاونان بۆ گرتنەبەری رێگەی راست و دورکەوتنەوە لە تەکفیرو تەشریک و تەبدیعکردنی موسڵمانان هاتبێتە دی، پەشیمانبوونەوەش لە هەڵە هەردەم فەزیڵەت بووە.

اعوذ بالله من الشيطان الرجيم

{ قُلۡ هَـٰذِهِۦ سَبِیلِیۤ أَدۡعُوۤا۟ إِلَى ٱللَّهِۚ عَلَىٰ بَصِیرَةٍ أَنَا۠ وَمَنِ ٱتَّبَعَنِیۖ وَسُبۡحَـٰنَ ٱللَّهِ وَمَاۤ أَنَا۠ مِنَ ٱلۡمُشۡرِكِینَ }[سُورَةُ يُوسُفَ: ١٠٨].

خوای میهرەبان رێپیشاندەری دڵسۆزانەو ئاشکراکاری فێڵبازان و دووڕووەکانە..

 

پ.د. حسن موفتی

سلێمانی/ ٨ جمادی الثانية ۱٤٤٥هـ =۲۱-۱۲-۲۰۲۳