یه‌کێتی زانایانی ئاینی ئیسلامی کوردستان
كوردى | العربية ئێمە لە فەیسبوک په‌یوه‌ندی  |  لقه‌کان  |  ستافی کار  |  لینکی پێویست
*****    *****   مامۆستا مەلا شەمسەدین خرابەدراوی کۆچی دوایی کرد یەکێتی زانایان پرسەنامەیەک ئاراستەی خانەوادەکەی دەکات    *****    *****   لقی سۆرانی یەکێتی زانایان سیمیناری هەفتانەی خۆی سازدەکات    *****    *****   لقی ئاکرێی یەکێتی زانایان کۆبوونەوەی مانگانەی ئاسایی خۆی ئەنجامدا    *****    *****   لقی هەڵەبجەی یەکێتی زانایان کۆبوونەوەی ئاسایی خۆی ئەنجام دەدات    *****    *****   لقا شێخان یا زانایان پێشوازی ل قایمقامێ قەزا شێخان دكەت    *****    *****   د.ئەنەس دۆسکی وەک نوێنەری مەکتەبی تەنفیزی یەکێتی زانایان بەشداری وۆرکشۆپی ئاشتبوونەوەی نیشتمانی دەکات    *****    *****   لقا شێخان یا ئێكەتیا زانایان كۆمبونا خۆیا مانگانە گرێدا    *****    *****   زاخو: بەرپرسێ لقا زانایان بەشداری د رێوڕەسما وەرگرتنا ئیجازەكا زانستی دكەت    *****    *****   هەڵەبجە: لقی شارەزووری زانایان بەشداری لە دیدارێكی زانستیدا دەكات و لە رێوڕەسمی كردنەوەی مزگەوتێكدا ئامادە دەبێت    *****    *****   مامۆستا مەلا عمر حسین حەمە ئەمین کۆچی دوایی کرد یەکێتی زانایان پرسەنامەیەک ئاراستەی خانەوادەکەی دەکات    *****    *****   زاخو: لقا زاخو یا ئێكەتیا زانایان بەشداری د سەمپۆزیۆما پاراستنا خیًزانی دا دكەت    *****    *****   مامۆستا مەلا ئەحمەدی سیروان کۆچی دوایی کرد یەکێتی زانایان پرسەنامەیەک ئاراستەی خانەوادەکەی دەکات   
مه‌لاعومه‌ری چنگنیانی
به‌رواری دابه‌زاندن: 13/07/2010 : 19:36:44
قه‌باره‌ی فۆنت
سه‌رنجێك له‌سه‌ر فه‌توای لێژنه‌ی فه‌توا ده‌رباره‌ی خه‌ته‌نه‌كردن
ته‌نها به‌ناوی خوا

مامۆستایان و هاوڕێ وبرایانم له‌ یه‌كێتی زانایانی ئیسلامی كوردستان، سڵاو وحورمه‌ت

به‌ڕێزان: دوای ئه‌وه‌ی به‌وردی ده‌قی ئه‌و فه‌توایه‌م خوێنده‌وه‌ كه‌ لێژنه‌ی باڵای فه‌توای به‌رێز، ده‌ری كردبوو له‌ باره‌ی سوننه‌ت كردنی مێینه‌، به‌ڕاستی له‌گه‌ڵ ئه‌وه‌ی به‌ر له‌جه‌نابتان من له‌و باره‌وه‌ زۆر به‌رنامه‌م كردووه‌ و زۆرشتیشم له‌سه‌ر نووسیوه‌، واده‌زانم دوای فه‌زڵی خوا فه‌زڵی ئێوه‌ زۆرتره‌ به‌سه‌رتاكی كورده‌وه‌، چونكه‌ كاره‌ پیرۆزه‌كه‌ی ئێوه‌، ده‌سته‌ جه‌معییه‌.

لێره‌وه‌ داواده‌كه‌م له‌ ده‌سه‌ڵاتی سیاسی كوردستان، له‌ لایه‌ك بایه‌خی ته‌واو به‌ فه‌تواكانتان بدرێت و له‌لایه‌كی دیكه‌وه‌ كار بۆئه‌وه‌ بكه‌ن هه‌ر هه‌نگاوێك كه‌ له‌ نێو كوردستان كه‌س و لایه‌نێك له‌ ژێر هه‌رپه‌رده‌یه‌كدا بینێت بۆ هه‌ڵ وه‌شاندنه‌وه‌ی فه‌توای به‌ڕێزتان به‌گومانه‌وه‌ سه‌یربكرێت و ئیجرائاتی یاساییشی له‌گه‌ڵدا بكرێت. بگره‌ ته‌نانه‌ت ده‌رفه‌ت نه‌درێت بۆ هیچ هاوبه‌شی كردنێكی هیچ مامۆستایه‌كی ئایینی له‌ چالاكییه‌كدا كه‌ له‌ ده‌ره‌وه‌، یان له‌ ناوه‌وه‌ی كوردستان بێت به‌ بێ گه‌ڕانه‌وه‌ بۆیه‌كێتییه‌ به‌ڕێزه‌كه‌ تان، كه‌ ستافێكن ئێستا زۆر وورد و واقیع بینانه‌ هه‌نگاو ده‌نێن، له‌لایه‌كی دیكه‌یشه‌وه‌، داوامه‌ له‌ خوشك و برا هاوكاره‌كانم له‌ بواری راگه‌یاندن، ئاوڕێك له‌واقیعی ئێستای ئه‌و یه‌كێتییه‌ بده‌نه‌وه‌، كه‌ چۆن خۆی له‌ په‌راوێز خستن ده‌ربازكردووه‌ و له‌ زۆربه‌ی كێشه‌ و ئاریشه‌كاندا، دێنه‌پێش و ئێستا چۆن له‌ نێو ڕوو داوه‌كاندان، ده‌كرێ ئه‌م هه‌نگاوانه‌ی ئێستایان بكرێته‌ پێوه‌رێك بۆ داهاتوویان و هه‌ماهه‌نگییان له‌گه‌ڵدا بكرێت و به‌ووردی و زانستییانه‌ له‌ كاره‌كانیان بگه‌ین، هه‌ربۆیه‌كا له‌ زنجیره‌ نووسینه‌كه‌ی خۆمدا له‌ رۆژنامه‌ی خه‌بات به‌ناونیشانی (سوننه‌ته‌ سرووشتیه‌كان)له‌ نێوان شه‌رع و غه‌ریزه‌ ورووژاندندا!) كه‌ پێش ده‌ركردنی ئه‌و فه‌توایه‌یش ده‌ستم پێكردووه‌، به‌ڕێزه‌وه‌ له‌ به‌شی دووه‌میدا(10/7/2010) ده‌قی فه‌تواكه‌یانم بڵاو كرده‌وه‌.

من جارێكی دیكه‌ روو به‌ومامۆستا به‌ڕێزانه‌ده‌ڵێم: ده‌ستتان ده‌گوشم و ده‌ستی مامۆستایان ماچ ده‌كه‌م و پشتیوان به‌خوا یه‌كێتی زانایان به‌ره‌و ئه‌و لوتكه‌ و ئامانجانه‌ی ده‌ڕواته‌وه‌، كه‌ جه‌نابی (مه‌لاموسته‌فابارزانی) ره‌چاوی كردن بۆ دامه‌زراندنی ئه‌و یه‌كێتیه‌، كه‌ ئه‌و كات به‌ڕێزیان پێش بینی ئه‌وه‌یان كردبوو، كه‌ دوور نییه‌ به‌ناوی ئیسلامه‌وه‌ چه‌ندین كۆلكه‌ مه‌لا و خوێنده‌وار بێنه‌ پێش و چه‌واشه‌كاری بكه‌ن بۆ ئایینی خه‌ڵكی كوردستان، له‌ كۆتاییدا ئه‌وه‌ به‌ بیری خۆم و ئێوه‌ی مامۆستا و هاوڕێ و برای خۆشه‌ویستم دینمه‌وه‌ كه‌ خوای گه‌وره‌ ده‌فه‌رموێت: (وقل اعملوا فسيري الله عملكم ورسوله والمؤمنون)105التوبه‌).