راگه‌هاندن:
ل رۆژا 15/2/2011 سێشه‌ممه‌ لقێ‌ زاخۆیا ئێكه‌تیا زانایان پشكداری كر د رێ‌ وره‌سمێن ئاهه‌نگا مه‌زنا زاخۆ، كو ب هه‌لكه‌فتا هاتنا رۆژا بوونا پێغه‌مبه‌رێ‌ مه‌ (محمد) سلاڤێن خودێ‌ مه‌زن لێ‌ بن، ل مزگه‌فتا (شه‌هید مه‌لا ئه‌مین) پشتی نڤێژا ئێڤاری ب رێڤه‌به‌ریا ئه‌وقافا زاخو هاتبو گێڕان.

هه‌ژی گوتنێ‌ یه‌: لقامه‌ ب هه‌می ئه‌ندامێن خو ئاماده‌بی، وه‌ ژماره‌كێ‌ زۆرێن مامۆستایێن ئاینی ئاماده‌بین، هه‌روه‌سا به‌ڕێز قائیمه‌قامێ‌ زاخۆو به‌رپرسێن هه‌می دام و ده‌زگایێن حكومی و ئه‌حزابێن سیاسی و جه‌ماوه‌ره‌كێ‌ زور ێ‌ زاخۆ ئاماده‌بوون.

ده‌سپێكا ئاهه‌نگی ب خاندنا چه‌ند ئایه‌تان ل قورئانا پیروز ده‌پێكر، پاشی مامۆستا سه‌ید عه‌لی شیلانی وتاربێژ وپێشنڤێژێ‌ مزگه‌فتا شه‌هید ئه‌مین ب خێرهاتنا ئاماده‌بووان كر، پاشی بروسكا جه‌نابێ‌ وه‌زیرێ‌ ئه‌وقافێ‌ هاته‌ خاندن، هه‌روه‌سا په‌یڤا ئێكه‌تیا زانایان ژلایێ‌ مامۆستا مه‌لا ئه‌حمه‌د شرنه‌خی هاته‌ خاندن، پاشی په‌یڤا به‌رێز قائیمه‌قامێ‌ زاخۆ هاته‌ پێشكێشكرن‌و، مه‌ولید‌و دوعا ژلایێ‌ مامۆستا مه‌لا عیمادی هاته‌ خاندن، د گه‌لدا چه‌ند سرودێن ئاینی هاتنه‌ گوتن، وه‌ ل دوماهیێ‌ شرینی هاته‌ به‌لاڤه‌كرن ل سه‌ر ئاماده‌بوان.