راگە یاندنی لقی شە قلاوە :
شه‌وی سێ شه‌ممە 14 له‌سه‌ر 15/2/2011 شاندێكی لقی شه‌قڵاوە ی یه‌كیَتی زانایان به‌ژداریان كرد لە یادی له‌دایكبوونی پێغه‌مبه‌ر(دروودی خوای له‌سه‌ر بێت) لە مزگه‌وتی خێرخوازان، كه به‌رێز مامۆستا مه‌لا عه‌بدولهادی كارگێڕی لقی شه‌قڵاوەی زانایان سازیدابوو.
شایه‌نی وتنە به‌ڕێز مامۆستا مه‌لا ته‌حسین خۆشناو به‌رپرسی لق بە ناوی لقی شه‌قڵاوه‌ی یه‌كێتی زانایان وتارێكی پێشكه‌ش كردو، باسی لە گە ورە یی زیندوكردنه‌وه‌ی یادی لە دایكبوونی پێغەمبەر كردو، جه‌ند رێنماییه‌كی پێویستی خسته‌روو بۆ ئه‌و كە س‌و لایه‌نانه‌ی كە هه‌ڵده‌ستن بە زیندوكردنه‌وە ی ئه‌م یادە.
پاشان به‌ڕێز كاك حاجی زرار به‌ڕێوه‌به‌ری ئەوقافی شه‌قڵاوە وته‌یه‌كی پێشكه‌شی ئاماده‌بوان كرد، دواتر مامۆستا مه‌لا عه‌بدولباری پێشنوێژو وتارخوێنی مزگه‌وتی حاجی حه‌یدر وتارێكی بە سوودی پێشكە ش بە ئاماده‌بوان كرد، لە بارە ی خوره‌وشتە به‌رزو پیرۆزه‌كانی پێغه‌مبه‌ر .
| 
