ددوای ئه‌وه‌ی رۆژی هه‌ینی مامۆستایه‌كی ئایینی له وتاری هه‌ینی به‌ر ده‌ركی سه‌رای سلێمانی كۆمه‌ڵێك رای خۆی بڵاوكرده‌وه، مامۆستا خۆی ئازاده، به‌ڵام به پێویستمانزانی به‌رچاویه‌ك له‌سه‌ر ئه‌وه بده‌ینه هاووڵاتیانمان.
ئه‌و مامۆستایه ته‌نها ته‌عبیر له رای شه‌خصی خۆی ده‌كات‌و، نوێنه‌ری هیچ كه‌سێك نییه‌‌و، ئێمه‌ش وه‌ك یه‌كێتی زانایان تێبینیمان له‌سه‌ر به‌شێك له قسه‌كانی هه‌یه‌‌و، پێمان وایه به‌كارهێنانی هه‌ندێك چه‌مكی وه‌ك جیهاد‌و بێ رۆحی‌و رۆحداری نوێژی خه‌ڵك له‌و حاڵه‌ته‌دا له شوێنی خۆی نه‌بوو، چونكه له‌م قۆناغه‌دا ئه‌و رۆڵه‌ی تا ئێستا مامۆستایانی ئایینی نواندوویانه جوانترین رۆلی نه‌ته‌وه‌یی‌و نیشتیمانی‌و ئاینییه، ئه‌ویش به‌وه‌ی ئه‌لقه‌ی گه‌یاندنی جه‌ماوه‌ر‌و لایه‌نه جوداكانن، به‌وه‌ی پشتیوانی له خواستی جه‌ماوه‌ر ده‌كه‌ن‌و، داوا ده‌كه‌ن حكومه‌ت به پیر خواسته‌كانیانه‌وه بچێت‌و، چاكسازی بكات، ئه‌وه‌شمان له چه‌ندین به‌یاننامه‌‌و روونكردنه‌وه بڵاوكردۆته‌وه، به‌ڵام داخوازییه‌كان به هێمنی‌و ئارامی‌و دوور له هێرشكردنه سه‌ر باره‌گاكان‌و به‌ردبارانكردن‌و ته‌قه‌كردن بێت، بۆ ئه‌وه‌ی له‌لایه‌كه‌وه خواسته‌كانی خۆپیشانده‌ران بێنه دی‌و، له‌لایه‌كی دیكه‌ش ئه‌م دۆخه‌ی سلێمانی‌و ده‌ور‌و به‌ری هێور بێته‌وه، ده‌ره‌نجامیش هیچ رق‌و كینه بڵاونه‌بێته‌وه، چونكه ئه‌ركی هه‌موو لایێكه، دوور له زبری، هه‌میشه زمانی خۆشه‌ویستی به‌كار بێنن.
هه‌ر لێره‌وه به پێویستی ده‌زانین بۆ ئه‌وه‌ی ده‌نگی زانایانی ئایینی به یه‌كریزی بمێنێته‌وه، داوا له مامۆستایانی به‌رێز ده‌كه‌ین، پابه‌ندی رێنماییه‌كانی یه‌كێتی زانایان بن.
| 
گۆڤاری ئەلیکترۆنی تایبەت بە چالاکیەکانی مەکتەبی تەنفیزی یەکێتی زانایانی ئایینی ئیسلامی کوردستان لە ساڵی 2024 دا
شاندێکی زانایانی تورکیاو یەمەن و مەغریب لە ئەکادیمیای جیهانی زانایانی تەسەوف سەردانی مەکتەبی تەنفیزی یەکێتی زانایان دەکات
