بۆ پشتیوانیكردن هێزی پێشمه‌رگه‌ی كوردستان‌و به‌مه‌به‌ستی رێگریكردن له هه‌ر ئاژاوه‌‌و هه‌وڵێك، كه مه‌ترسی بێت بۆ سه‌ر شاری كه‌ركوك‌و پێكه‌وه‌ژیانی پێكهاته نه‌ته‌وه‌یی و ئاینیه‌كانی ئه‌م شاره، زانایانی ئاینی ئیسلامی كوردستان پشتیوانی خۆیان دووپات ده‌كه‌نه‌وه .
ئیمرۆ پێنج شه‌ممه 3 /3/2011 شاندێكی مه‌كته‌بی ته‌نفیزی یه‌كێتی زانایانی ئاینی ئیسلامی كوردستان سه‌ردانی هێزی پێشمه‌رگه‌ی زێره‌ڤانی كوردستانیان كرد له پارێزگای كركوك‌و، له دانیشتنێكدا له گه‌ڵا ئه‌فسه‌ر و پله‌داره‌كانی زێره‌ڤانی دا ، مه‌لا عه‌بدوڵا مه‌لا سه‌عید گرتكی سه‌رۆكی یه‌كێتی زانایانی ئاینی ئیسلامی كوردستان پشتگیری زانایانی ئاینی كوردستانی بۆ هێزی زێره‌ڤانی كوردستان دوو پاتكرده‌وه، كه له‌م رۆژگاره ناسكه‌دا‌و، به‌مه‌به‌ستی پاراستنی ئه‌من و ئاسایشی شاری كه‌ركوك و پاراستنی برایه‌تی و پێكه‌وه ژیان له‌م شاره كوردستانیه له ده‌ستی ناحه‌زان و شۆفینیه‌كان.
له‌لای خۆشیانه‌وه عه‌قید نه‌جات عه‌لی به ناوی ته‌واوی پێشمه‌رگه‌كانی زێره‌ڤانی سوپاسی ئه‌م هه‌ڵویسته‌و پشتگیری زانایانی ئاینیان كرد.
دواتر شانده‌كه سه‌ردانی هه‌ر یه‌ك له مه‌ڵبه‌ندی دووی یه‌كێتی نیشتمانی كوردستان و لقی سێی پارتی دیموكراتی كوردستان و مه‌ڵبه‌ندی یه‌كگرتووی ئیسلامی كوردستان و مه‌لبه‌ندی كۆمه‌لی ئیسلامی كوردستانیان له شاری كركوك كرد ، له تێكرای ئه‌م سه‌ردانه‌دا تأكید له سه‌ر كوردستانیه‌تی كه‌ركوك و به‌رگری له‌خاكی كوردستان كرایه‌وه، هه‌روها هاتنی هێزی پێشمه‌رگه‌ی كوردستان بۆ به‌رگریكردن له شاری كه‌ركوك به خالێكی ئیجابیانه وه‌سف كرا‌و، جێی به‌جێكردنی ماده‌ی 140ی ده‌ستوری عیراق به چاره‌سه‌رێكی واقیعی و بنه‌ره‌تیانه باسی لێوه‌كرا بۆ كۆتایهێنان به بارگرژی ناوچه‌كه.
له‌لای خۆشیانه‌وه هه‌ر یه‌ك له حزب و لایه‌نه سیاسیه‌كانی كوردستانی له شاری كركوك ئه‌م هه‌ڵوێسته‌وه و سه‌ردانه‌ی یه‌كێتی زانایانیان به خالێكی ئیجابیانه‌‌و هه‌ڵوێستێكی نیشتیمانی‌و نه‌ته‌وه‌ییانه وه‌سف كرد.
گۆڤاری ئەلیکترۆنی تایبەت بە چالاکیەکانی مەکتەبی تەنفیزی یەکێتی زانایانی ئایینی ئیسلامی کوردستان لە ساڵی 2024 دا
شاندێکی زانایانی تورکیاو یەمەن و مەغریب لە ئەکادیمیای جیهانی زانایانی تەسەوف سەردانی مەکتەبی تەنفیزی یەکێتی زانایان دەکات
