معروف مه‌لا عولا روستایی- ڕاگه‌یاندنی لق هه‌ولێر:
سه‌ر له‌به‌یانی / 10/3/2011 شێخ نیاز راغب دێگه‌یی به‌ر پرسی لقی هه‌ولێری یه‌كێتی زانایانی ئاینی ئیسلامی كوردستان، به‌ئاماده‌بونی كارگێران‌و ئه‌ندامان‌و به‌رپرسی ناوچه‌كانی سنوری لقی هه‌ولێر پێشوازی له به‌رێز وه‌زیری ئه‌وقاف‌و شاندی یاوه‌ریان كرد، سه‌ره‌تا به‌رپرسی لق پاش به‌خێر هینانی به‌رێز وه‌زیری ئه‌وقاف‌و شاندی یاوه‌ری تیشكی خسته سه‌ر رۆلی ماموستایانی ئاینی له‌م ئان‌و ساته‌دا، جه‌ختی كرده‌وه له‌سه‌ر هه‌ماهه‌نگی نێوان وه‌زاره‌تی ئه‌وقاف‌و یه‌كێتی زانایان، هه‌روها ته‌ئكیدیشی له‌وه كرده‌وه كه یه‌كێتی زانایان هه‌میشه له‌گه‌ل خواست‌و داخوازیه‌كانی خه‌لك ده‌ژێت‌و، پشتوانی له حوكومه‌تی هه‌رێم‌و، سه‌رجه‌م دام‌و دزگا شه‌رعیه‌كانی ئه‌م هه‌رێمه ده‌كات . هه‌روها سوپاسی رۆڵی به‌رێز وه‌زیری ئه‌وقافی كرد بۆ ئه‌و دڵسۆزی‌و، له خۆبورده‌یه‌ی نیشانی ده‌دات له ئاست خزمه‌ت كردنی زانایانی ئاینی‌و، شوێنه ئاینیه‌كان .
پاشان به‌رێز وه‌زیری ئه‌وقاف له‌لای خۆیه‌وه سوپاسی گه‌رمی پێشوازی لێكردنی لقی هه‌ولێر یه‌كێتی زانایانی كرد، له‌وته‌یه‌كیدا باسی رۆڵی ماموستایانی ئاینی كرد‌و جه‌ختی كرده‌وه له‌سه‌ر پشگیریكردنی ماموستایانی ئاینی له‌لایه‌ن وه‌زاره‌تی ئه‌وقافه‌‌وه، به‌ڵینی دا بۆ به هه‌ند وه‌رگرتنی هه‌ر داخوازی‌و پێشنیارێكی ماموستایانی ئاینی بۆ زیاتر خۆش گوزه‌رانی زانایانی ئاینی له هه‌رێمی كوردستان .
| 
