له به‌رنامه‌یه‌كی تایبه‌تی كه‌ناڵی (إقرأ)دا، رۆژی 21/2/2011 كه له گه‌ڵ كه‌سایه‌تی دیارو زانای به‌ناوبانگی ئه‌مریكی شێخ سوهه‌یب ئه‌مریكی سازیدابوو، ناوبراو تیشكی خسته سه‌ر چه‌ندین لایه‌نه پڕ حیكمه‌ته‌كانی ئیسلام‌و هه‌ڵوێستی جوانی زانا پایه به‌رزه‌كانی سه‌رده‌مه یه‌ك له دوای یه‌كه‌كانی موسڵمانان.
دواتر زۆر به په‌رۆشه‌وه، ره‌خنه‌یه‌كی هێمنانه‌ی ئاراسته‌ی زانایانی عاله‌می ئیسلامی كرد، به‌وه‌ی خوێندنه‌وه‌یان كه‌مه‌‌و وه‌ك پێویست نه‌یانتوانیوه له ژیان‌و مێژوو دڵسۆزی‌و به‌رهه‌می زانایان كه‌ڵك وه‌ربگرن، ئه‌و پێی وابوو مادام ئه‌و كه‌ره‌سته زۆرو مێژوه پڕ له زانایه هه‌یه، ده‌بوا ئێستا زێتر له وڵاته ئه‌وروپی‌و ئه‌مریكیه‌كان، وڵاتانی موسڵمانان پێشكه‌وتووتر بوان.
ئه‌و زانایایه داواشی كرد، كه زانایانی ئایینی له هه‌ر كوێ هه‌ن، بایه‌خی زیاتر به خوێنه‌وه‌‌و فه‌لسه‌فه‌ی ئیسلام‌و هه‌ڵكه‌وتوویی زانایانی پێشوو بده‌ن، بۆ ئه‌وه‌ی فه‌رهه‌نگ‌و كاری بانگخوازی ئێستای پێ ده‌وڵه‌مه‌ندتر بكرێ.
جێی ئاماژه‌یه شێخ سوهه‌یبی ئه‌مریكی له دایك‌و باوكێكی به‌ڕه‌گه‌ز ئه‌مریكی‌و نه‌سڕانیه‌‌و، هه‌ر له گه‌نجیه‌وه موسڵمان بووه‌‌و، بۆ خوێندن ڕووی كردۆته زانكۆی ئه‌زهه‌رو، به‌رگی ئه‌زهه‌ریه‌كان ده‌پۆشێ، له شاره‌زایی‌و كاری نوسین‌و بانگخوازیشدا رۆڵی گه‌وره‌‌و دیاری هه‌یه، به هه‌ردوو زمانی ئینگلیزی‌و عه‌ره‌بی قسه‌ده‌كات‌و ئێستاش سه‌رقاڵی خوێندنی زیاتره له وڵاتی میسڕدا.
| 
گۆڤاری ئەلیکترۆنی تایبەت بە چالاکیەکانی مەکتەبی تەنفیزی یەکێتی زانایانی ئایینی ئیسلامی کوردستان لە ساڵی 2024 دا
شاندێکی زانایانی تورکیاو یەمەن و مەغریب لە ئەکادیمیای جیهانی زانایانی تەسەوف سەردانی مەکتەبی تەنفیزی یەکێتی زانایان دەکات
