بانگخوازی به‌ناوبانگی جیهانی ئیسلامی قه‌رزاوی رایگه‌یاند: ئه‌وه‌ی له‌ووڵاتی به‌حرێن به‌ناوی شۆرشه‌وه‌ ئه‌نجام ده‌درێت له‌دژی ده‌سه‌ڵات به‌و شێوه‌یه ‌نییه‌، به‌ڵكو مه‌به‌ست پێی ئامانج گرتنه‌به‌ری سوونه‌كانی ئه‌و ووڵاته‌یه‌و زیاتر جه‌نگێكی مه‌زهه‌بگه‌رییه‌.

(د.یوسف قه‌رزاوی) سه‌رۆكی یه‌كێتی جیهانی زانایانی موسڵمان له‌میانه‌ی لێدوانێكیدا سه‌باره‌ت به‌و بارودۆخه‌ی كه‌له‌ووڵاتی به‌حرێن هاتۆته‌ئاراوه‌رایگه‌یاند: ئه‌وه‌ی له‌و ووڵاته‌به‌ناوی شۆڕشه‌وه ‌ڕووده‌دات به‌و شێوه‌یه ‌نییه‌، به‌ڵكو مه‌به‌ست پێی لاواز كردنی پێگه‌ی سوونه ‌مه‌زهه‌به‌كانه ‌له‌و ووڵاته‌دا.

له‌به‌شێكی تری لێدوانه‌كه‌یدا قه‌رزاوی باسی ئه‌وه‌ی كرد، كه‌ئه‌و به‌لایه‌وه‌سه‌یره‌كه‌چه‌ندین هوتاف له‌دژی سوونه‌مه‌زهه‌به‌كانه‌وه‌به‌رز كراوه‌ته‌وه‌له‌گه‌ڵ هه‌ڵگرتنی چه‌ند گه‌وره‌ مه‌رجه‌عێكی شیعه‌كه‌خه‌ڵكی به‌حرێن نین.

گه‌وره‌بانگخوازی جیهانی ئیسلامی راشیگه‌یاند: ئه‌وه‌ی له‌میسر ڕوویدا له‌هه‌وڵی ڕووخاندنی ڕژێمه‌كه‌ی موباره‌ك، سه‌رجه‌م چین و لایه‌نه‌كان تێیدا به‌شداربوون، به‌ڵام ئه‌وه‌ی له‌به‌حرێن ڕووده‌دات ته‌نها شیعه‌ مه‌زهه‌به‌كانن و له‌دژی سوونه‌ مه‌زهه‌به‌كان ئه‌نجامی ده‌ده‌ن.

قه‌رزاوی ووتیشی: حكومه‌تی پێشووی میسر بۆ ماوه‌ی ده‌یان ساڵ ڕێگری كردم بۆ ئه‌وه‌ی له‌ووڵاته‌كه‌ی خۆم ژیان به‌سه‌ر نه‌به‌م و ئێستاش له‌ووڵاتی قه‌ته‌ر ژیان به‌سه‌ر ده‌به‌ن، به‌ڵام ئه‌و مه‌سه‌له‌یه ‌له‌ووڵاتی به‌حرێن به‌و شێوه‌یه‌ نییه‌.

له‌ كوردیو