راگه‌یاندنی لق:
رێزدار حاجی كامل حاجی عه‌لی وه‌زیری ئه‌وقاف‌و كاروباری ئایینی له‌سه‌ردانێكدا بۆ قه‌زای شه‌قڵاوه‌، به‌ ئاماده‌یی شاندی یاوه‌ری‌و به‌رپرس‌و كارگێڕانی لقی شه‌قه‌ڵاوه‌ی یه‌كێتی زانایان، كۆبونه‌وه‌یه‌كی فراوانی له‌گه‌ڵ سه‌رجه‌م مامۆستایانی ده‌ڤه‌ره‌كه‌ سازدا.

ئه‌مه‌و كۆبوونه‌وه‌كه‌ له‌ هۆلی ئه‌حمه‌د رۆژبه‌یانی به‌ڕێوه‌چوو، تیایدا به‌رێز جه‌نابی وه‌زیری ئه‌وقاف باسی له‌ پێشهات‌و رووداوه‌كانی ئه‌م دواییه‌ی كوردستان كردو، رۆڵی مامۆستا یانی ئایینی به‌رز نرخاند له‌ هێوركردنه‌وه‌ی دۆخه‌كه‌و، پاراستنی گیانی برا یه‌تی و پێكه‌وه‌ژیان و سه‌قامگیری ئاسایشی هه‌رێم.

دواتر به‌ رێز مامۆستا مه‌لا ته‌حسین به‌رپرسی لقی شه‌قڵاوه‌ی یه‌كێتی زانایان، وته‌یه‌كی پێشكه‌شكردو، وێڕای به‌خێرهێنانی به‌ڕێز وه‌زیری ئه‌وقاف، به‌نوێنه‌را یه‌ تی مامۆستایانی ئاماده‌بوو، به‌ ناوی لق چه‌ند پێشنیازو دواكارییه‌كی خسته‌ به‌رده‌ م جه‌نابی وه‌زیر‌و، هیوای خواست به‌ شێوه‌ یه‌ كی جددی مامه‌ڵه‌ یان له‌گه‌ڵ بكرێ و جێبه‌جێ بكرێن، كه‌ بریتی بوون له‌م دواكارییانه‌ی خواره‌ وه‌:

1- دامه‌ زراندنی ئه‌و مامۆستایانه‌ی كه‌ تاوه‌كو ئێستا دانه‌مه‌زراون.

2-پێدانی زه‌وی به‌م مامۆستایانه‌ی تا ئێستا سوود مه‌ند نه‌بوون.

3- دابینكردنی بڕێك نه‌سریه‌ بۆ پێداویستییه‌ سه‌ره‌ تا ییه‌كان.

4- ماوه‌ ماوه‌ كردنه‌وه‌ی خولی به‌هێزكردن بۆ مامۆستایان له‌ هه‌موو بواره‌ زانستیه‌كان بكرێته‌وه‌.

5- هه‌وڵ بدرێ له‌ وه‌زاره‌ ت پرۆژه‌یه‌ك دابمه‌زرێ بۆ دابینكردی كتاب و سه‌رچاوه‌ زانستیه‌كان‌و كۆمپیوته‌ر ئه‌گه‌ر به‌ قستی مانگانه‌یش بێت.

6- كردنه‌وه‌ی په‌یمانگایێك له‌ شه‌قڵاوه‌ كه‌ هۆكارێكه‌ بۆ پێشڤه‌چوونی زانسته‌ شه‌رعی و ئه‌كادیمیه‌كان.