چوارشه‌ممه 6/4/2011 شاندێكی باڵای لقی شاره‌زووری یه‌كێتی زانایان، به‌سه‌رپه‌رشتی به‌ڕیز مامۆستا مه‌لا بها‌والدین به‌رپرسی لق، به‌ڕێزان ئه‌ندام‌و كارگێڕانی لقی ناوبراو، سه‌ردانی مه‌كته‌بی ته‌نفیزی یه‌كێتی زانایانی ئایینی ئیسلامی كوردستانیان كرد‌و، له لایه‌ن به‌ڕێز مامۆستا مه‌لا عه‌بدوڵڵا مه‌لا سه‌عید گرتكی سه‌رۆكی یه‌كێتی زانایان‌و، به‌ڕێزان ئه‌ندامانی مه‌كته‌بی ته‌نفیزی به‌ڕێزه‌وه پێشوازیان لێكرا.
ئه‌مه‌و له كۆبونه‌وه‌یه‌كدا، به‌رێز مامۆستا مه‌لا بها‌والدین به‌رپرسی لق، دوای ده‌ستخۆشیكردن له سه‌رۆكایه‌تی یه‌كێتی زانایان‌و مه‌كته‌بی ته‌نفیزی، له هه‌ڵوێستی پاراستنی یه‌كڕیزی‌و یه‌كده‌نگی یه‌كێتی زانایان‌و، داكۆكیكردن له ته‌واوی زانایانی كوردستان، به‌تایبه‌تیش له‌م بارودۆخه‌ی ئه‌م دواییانه‌ی هه‌رێم، دواتر به‌ڕێزیان باسی له كاروچاڵاكیه‌كانی لقی شاره‌زوور كرد‌و، دواتر هه‌ندێك داواكاری زانایانی لقی ناوبراوی ئاراسته‌ی به‌ڕێز سه‌رۆكی یه‌كێتی زانایان كرد.
له‌لایه‌ن خۆیه‌وه به‌ڕێز مامۆستا مه‌لا عه‌بدوڵڵا سه‌رۆكی یه‌كێتی زانایان، به‌ناوی خۆی‌و سه‌رجه‌م ئه‌ندامانی مه‌كته‌بی ته‌نفیزی، دوای سوپاسكردنی به‌ڕێزان په‌رپرس‌و ئه‌ندامانی لقی شاره‌زوور، له‌سه‌ر هاتنی به‌رێزیان‌و، ده‌ستخۆشیكردن‌و هه‌ماهه‌نگیان له‌سه‌ر هه‌ڵوێستی یه‌كێتی زانایان، دوپاتی كرده‌وه: كه بێ ماندووبوون‌و به به‌رده‌وامی له خزمه‌ت زانایانی ئاینی كوردستان داده‌بین‌و، ئه‌مه به ئه‌ركی خۆمان ده‌زانین.
دواتر به‌ڕێزیان زیاتر گوتی: گرنگترین ئامانجی ئێمه، به‌تایبه‌تیش له حاڵی حازردا، یه‌كده‌نگی‌و یه‌كڕه‌نگی زانایان‌و، پاراستنی سه‌روه‌ریانه، كه بێگومان ئه‌مه‌یش به هه‌وڵ‌و هه‌ماهه‌نگی تێكڕای زانایان ده‌بێ.
له به‌شێكی دیكه‌ی وته‌كانیدا، به‌ڕێز سه‌رۆكی یه‌كێتی زانایان به‌ڵێنی هه‌وڵدانی جێبه‌جێكردنی داخوازیه‌كانی زانایانی دوپاتكرده‌وه‌‌و، پاشان سه‌ركه‌وتووانه كۆتایی به سه‌ردانه‌كه هات.
| 
گۆڤاری ئەلیکترۆنی تایبەت بە چالاکیەکانی مەکتەبی تەنفیزی یەکێتی زانایانی ئایینی ئیسلامی کوردستان لە ساڵی 2024 دا
شاندێکی زانایانی تورکیاو یەمەن و مەغریب لە ئەکادیمیای جیهانی زانایانی تەسەوف سەردانی مەکتەبی تەنفیزی یەکێتی زانایان دەکات
