به‌پێی هه‌واڵێكی سایتی وه‌زاره‌تی ئه‌وقاف، كامیلی حاجی عه‌لی وه‌زیری ئه‌وقاف و كاروباری حكومه‌تی هه‌رێمی كوردستان ئاماژه‌ی به‌وه كردووه "ئه‌و مامۆستایه‌ی به ته‌وجیهی حیزبه‌كه‌ی ده‌چێت بۆ شوێنێك ئه‌وه گه‌نده‌ڵیه‌و مامۆستایان موڵكی گشتین و ده‌بێت پشتیوانی له‌یه‌ك بكه‌ن.
وه‌زیری ئه‌وقاف سه‌باره‌ت به ده‌ستگیركردنی ئه‌و مامۆستایانه‌ی كه له خۆپیشاندانه‌كان له‌لایه‌ن هێزه ئه‌منیه‌كانه‌وه ده‌ستگیركران وتی" ئێمه له ساته‌وه‌ختی ده‌ستگیركردنی ئه‌و چه‌ند مامۆستایانه په‌یوه‌ندیمان به‌لایه‌نه ئه‌منیه‌كانه‌وه كردوه‌و ته‌نها دوو مامۆستا ده‌ستگیركراوه‌و دواتر ئازاد كراون.
سه‌باره‌ت به رێوشوێنی یاسایی وه‌زراتی ئه‌وقاف و ئه‌و مامۆستایانه‌ی له‌نێو خۆپیشانده‌ران ووتار ده‌خوێننه‌وه ، وه‌زیری ئه‌وقاف ئاماژه‌ی به‌وه‌كرد" ئه‌و مامۆستایانه شتی باشیان ووتوه ، به‌ڵام ئێمه ده‌ڵێین ئه‌و مامۆستایانه ده‌بَی ئه‌ركی خۆیان جێنه‌هێڵن.
| 
