به‌م دواییانه‌ ده‌سه‌ڵاتدارانی مالیزیا هه‌ڵسا‌ون به‌ بانگه‌شه‌ی دامه‌زراندنی سندوقی زه‌كات له‌ ته‌واوی شوێنه‌ جیا جیاكانی ئه‌و وڵاته‌.

بۆ ئه‌و مه‌به‌سته‌ش له‌ هه‌نگاوی یه‌كه‌مدا‌و له‌ ناوه‌نده‌ مه‌عنیه‌كانه‌وه‌، هانی خه‌ڵكیان بۆ زه‌كات دان داوه‌‌و هۆشیاریش له‌و باره‌وه‌ بڵاو ده‌كه‌نه‌وه‌ كه‌ ئه‌مه‌ بۆ خه‌ڵكی خۆیان هه‌نگاوێكی باشه‌‌و وڵات كه‌لكی لێ‌ وه‌رده‌گرێت، ئه‌مه‌ له‌ كاتێكدا هه‌لێكه‌ بۆ چاكتر كردنی باری ئابووری‌و نه‌هێشتنی هه‌ژاری له‌م ‌و‌وڵاته‌دا.

هه‌ر به‌پێی ئه‌م هه‌‌واڵه‌، له‌چه‌ند شارێكی ئه‌م ووڵاته‌ سند‌وق داندرا‌وه‌ بۆ كۆ كردنه‌‌وه‌ی پاره‌ی زه‌كات له‌‌وانه‌ش: شاری ( كوالالمبور, بوتراجایا, لابوان).
به‌پێی ئامارێك كه‌ له‌ساڵی 2009 بۆ كۆ كردنه‌‌وه‌ی پاره‌ی سند‌وقه‌كان كرابوو، ته‌نها له‌‌و ساڵه‌دا بڕی زه‌كاتدان گه‌یشتبووه‌( 77) ملیۆن دۆلار, ئه‌مه‌ش به‌ به‌را‌ورد كردن له‌گه‌ڵ ساڵی 2008 كه‌ كۆی پاره‌ی زه‌كاتده‌ران گه‌یشتبووه‌ ( 200) هه‌زار دۆلار.

چاودێران‌و لایه‌نی په‌یوه‌ندار ئاماژه‌ به‌‌وه‌ ده‌كه‌ن, كه‌ ڕه‌نگه‌ ئه‌مساڵ به‌ به‌را‌ورد له‌گه‌ڵ ساڵانی ڕابرد‌و‌و( 7%) داهاتی ئه‌م زه‌كاتدانه‌ ڕوو له‌ زیاد بوون بكات, له‌و پێناوه‌‌و گرنگیدان به‌و بابه‌ته‌، لایه‌نی ده‌سه‌ڵاتدار بڕیاری دا‌وه‌ به‌ داشكاندنی باج‌و سه‌رانه‌ی ساڵانه‌ له‌سه‌ر ئه‌‌و كه‌سانه‌ی پاره‌ی زه‌كات ده‌ده‌ن.