دانا مه‌لا حه‌مه‌ئه‌مین - گه‌رمیان :
سه‌ر له ئێواره‌ی ڕۆژی هه‌ینی 7/1/2011 شاندێكی لقی گه‌رمیانی یه‌كێتی زانایانی ئاینی ئیسلامی كوردستان كه پێكهاتبو له به‌ڕێزان: مامۆستا مه‌لا حه‌مه‌ئه‌مین كه‌لاری ئه‌ندامی مه‌كته‌بی ته‌نفیزی و لێپرسراوی لقی گه‌رمیان و، مامۆستا مه‌لا سه‌لام تاوگۆزی جێگری لق و، مامۆستا مه‌لا ئیدریس ژاڵه‌یی و، موحه‌ممه‌د مه‌لا حه‌مه‌ئه‌مین كارگێڕانی لق و، مامۆستا مه‌لا ئه‌حمه‌د به‌رده‌سور ئه‌ندامی لێژنه‌ی فه‌تواو، مامۆستا مه‌لا هادی هیدایه‌ت پێش نوێژو ووتارخوێنی مزگه‌وتی ئیمامی عه‌باس له كه‌لار، له دوو سه‌ردانی مه‌یدانی جیادا چه‌ند كه‌سایه‌تییه‌كی دیاری سنوره‌كه‌یان به‌سه‌ركرده‌وه.
سه‌ره‌تا شاندی ناوبراو له گوندی سه‌عداوای سه‌ربه قه‌زای كه‌لار سه‌ردانی به‌ڕێز شێخ موحه‌ممه‌د شاكه‌لی كه‌سایه‌تی دیاری سنوره‌كه‌و وه‌زیری پێشوی وه‌زاره‌تی ئه‌وقاف‌و كاروباری ئاینی یان كرد‌و، لای خۆیه‌وه به‌ڕێز شێخ موحه‌ممه‌د شاكه‌لی زۆر خۆشحاڵی خۆی ده‌ربڕی به‌رامبه‌ر به‌و به‌سه‌ركردنه‌وه‌یه‌و، ده‌ستخۆشی له زانایانی سنوره‌كه كرد له ئێستاو ڕابردوودا، كه توانیویانه خزمه‌تێكی به‌رچاو به كۆمه‌ڵانی خه‌ڵك‌و ناوچه‌كه بكه‌ن.
دواتر هه‌ر له ئێواره‌ی هه‌مان ڕۆژ شاندی ناوبراو له ناحیه‌ی ڕزگاری سه‌ر به قه‌زای كه‌لار به‌ڕێز شێخ موحه‌ممه‌د شێخ سڵێمانیان به‌سه‌ر كرده‌وه‌‌و، شایانی باسه لای خۆیه‌وه به‌ڕێز شێخ موحه‌ممه‌د شێخ سڵێمان خۆشحاڵی خۆی بۆ ئه‌و سه‌ردانه‌ی ستافی لقی گه‌رمیانی یه‌كێتی زانایان ده‌ربڕی.
| 
گۆڤاری ئەلیکترۆنی تایبەت بە چالاکیەکانی مەکتەبی تەنفیزی یەکێتی زانایانی ئایینی ئیسلامی کوردستان لە ساڵی 2024 دا
شاندێکی زانایانی تورکیاو یەمەن و مەغریب لە ئەکادیمیای جیهانی زانایانی تەسەوف سەردانی مەکتەبی تەنفیزی یەکێتی زانایان دەکات
