به‌پێی هه‌‌واڵێكی گۆڤاری (دایلی میل)ی به‌ریتانی، ته‌نها له‌ ما‌وه‌ی دوای كاره‌ساتی (11) سێپته‌مبه‌ره‌‌وه‌, كه‌ له‌ ساڵی 2001 ڕویدا تا ئێستا زیاتر له‌ سه‌د هه‌زار كه‌سی به‌ریتانی موسڵمان بوونه‌‌و نزیكه‌ی 70% موسوڵمانه‌كانیشی ئافره‌تن.

هه‌ر به‌ پێی سه‌رچاوه‌كه‌ زۆرینه‌ی ئافره‌ته‌كانیش له‌ ته‌مه‌نی 27 ساڵ به‌سه‌ره‌‌وه‌ن‌و له‌ ئافره‌ته‌ سپی پێسته‌كانن, هه‌واڵه‌كه‌ ئه‌‌وه‌شی پشت ڕاست كرده‌‌وه‌, كه‌ ته‌نها به‌ما‌وه‌یه‌كی كورت دوای كاره‌ساتی (11) سێپته‌مبه‌ر نزیكه‌ی (60000) كه‌س موسڵمان بوونه‌‌و له‌ نێویشیاندا ئاماژه‌ به‌نا‌وی ( لورین بوپ) كرا‌وه‌, كه‌ ده‌بێته‌ خوشكی خێزانی تۆنی بلێر سه‌رۆك ‌وه‌زیرانی پێشووی به‌ریتانیا.

ئه‌مه‌ش دوابه‌د‌وای هه‌ست كردنی دانیشتوانی ئه‌‌و وڵاته‌ به‌نه‌رمی‌و ڕاستی ئه‌م دینه‌ پاكه‌ دێت.

به‌ پێی ئاماره‌كه‌ش ده‌ركه‌وتووه‌, كه‌ ته‌نها له‌ ساڵی (2009) دا (5200) ژن‌و پیا‌وی به‌ریتانی به‌ ڕه‌سمی موسڵمان بوونی خۆیان ڕاگه‌یاندو‌وه‌, هه‌ر له‌‌و ڕێژه‌یه‌شدا (1400)یان دانیشتووی شاری له‌نده‌نی پایته‌ختی به‌ریتانیان‌و زۆرینه‌شیان ئافره‌تن‌و، ئێستا بوونه‌ته‌ باڵاپۆشێكی ته‌‌وا‌و، ته‌نانه‌ت (5%)ی ئه‌‌و ئافره‌تانه‌ نیقاب ده‌پۆشن, ئه‌مه‌ش گه‌‌وره‌یی ئیسلام ده‌رده‌خات‌و به‌ڵگه‌یه‌ له‌سه‌ر ئه‌‌وه‌ی پاكترین په‌یامی خواییه‌ بۆ هه‌موو مرۆڤایه‌تی.