به‌شی كوردی ته‌له‌فزیۆنی سه‌حه‌ر راپۆرتێكی بڵاوكرده‌وه، كه تێیدا میوانداری چه‌ند كه‌سایه‌تیه‌كی كوردستانی كردبوو، له‌وانه مامۆستایانی ئایینی‌و چه‌ند نووسه‌ر‌و كاربه‌ده‌ستێكی وه‌زاره‌ته‌كان، كه تێیدا باسیان له رۆڵی زانایانی ئایینی ده‌كرد، گوایه له دۆخێكی زۆر خراپ ده‌ژین له كوردستانی ئێراق، ئه‌وه‌ی جێگه‌ی سه‌رنج بوو، چه‌ند جارێك ئه‌وه دووباره ده‌كرایه‌وه، كه یه‌كێتی زانایان هێشتا دوو پاره‌چه‌یه‌‌و نه‌بۆته‌وه یه‌ك رێكخراو، به‌مه‌ش ئه‌وان پاشكۆی حزبه‌كانن، هه‌ر پارچه‌یه‌ك له‌لایه‌كه‌وه، ئه‌م قسه‌یه‌ی ته‌له‌فزیۆنی سه‌حه‌ر دوای ئه‌وه دێت، كه یه‌كێتی زانایان له كۆنگره‌ی پێنجه‌می دا، هه‌ر دوو پارچه‌كه یه‌كیان گرته‌وه.
سایتی زانایان په‌یوه‌ندی به نووسینگه‌ی هه‌ولێر كرد، ئه‌وانیش رایانگه‌یاند: ئه‌و راپۆرته هیچ په‌یوه‌ندی به ئێمه‌وه نییه، به‌ڵكو ماوه‌یه‌كی زۆر كۆنه‌‌و نزیكه‌ی ساڵێكه بڵاوكراوه‌ته‌وه، ئێستا دووباره بڵاوی ده‌كه‌نه‌وه.
مامۆستا سه‌ید ئه‌حمه‌د به‌رزنجی وتارخوێنی مزگه‌وتی حاجی جه‌مال له هه‌ولێر گله‌یی له ته‌له‌فزیۆنی سه‌حه‌ر كرد، كه قسه‌كانی‌و ئه‌و‌و مه‌ریوان نه‌قشبه‌ندی به‌رپرسی راگه‌یاندنی وه‌زاره‌تی ئه‌وقاف‌و چه‌ند كه‌سێكی دیكه‌یان بڵاوكردۆته‌وه، له كاتێكدا ئه‌و راپۆرته نزیكه‌ی ساڵێكه بڵاوكراوه‌ته‌وه، كه ئه‌و كاتی یه‌كێتی زانایان دوو پارچه بوو، له‌وانه‌یه قسه‌یه‌ك بۆ ئه‌و كاتی شیاو بووبێت، بۆ ئێستا ناشیاوه، بۆیه به‌ڕاستی گله‌ییمان هه‌یه، كه دۆخه‌كه زۆر گۆڕاوه، كه‌چی هه‌ر هه‌مان شته كۆنه‌كان بڵاوده‌كه‌نه‌وه.
| 
گۆڤاری ئەلیکترۆنی تایبەت بە چالاکیەکانی مەکتەبی تەنفیزی یەکێتی زانایانی ئایینی ئیسلامی کوردستان لە ساڵی 2024 دا
شاندێکی زانایانی تورکیاو یەمەن و مەغریب لە ئەکادیمیای جیهانی زانایانی تەسەوف سەردانی مەکتەبی تەنفیزی یەکێتی زانایان دەکات
