به‌پێی لێكۆڵینه‌وه‌و به‌دواداچوونێك كه‌ رێكخراوی كۆنگره‌ی ئیسلامی پێیهه‌ڵساوه‌، ده‌ركه‌وتووه‌: كه‌ رێژه‌ی زانایان‌و توێژینه‌وه‌ی زانستی له‌ وڵاتانی ئیسلامی له‌ ماوه‌یه‌كی كه‌مدا، به‌رێژه‌یه‌كی زۆر زیادی كردووه‌.

له‌ لێكۆڵینه‌وه‌كه‌دا هاتووه‌: له‌وه‌ته‌ی ساڵی 2003 وه‌ تائێستا، له‌ وڵاته‌ ئیسلامیه‌كان ژماره‌و رێژه‌ی زانایان‌و توێژینه‌وه‌ی زانستی دوو ئه‌وه‌نده‌ زیادی كردووه‌، به‌ جۆرێك كه‌ بۆ هه‌ر ملیۆن كه‌سێك 700 زانای به‌رده‌كه‌وێ‌، ئه‌مه‌ له‌كاتێكدا كه‌ تا ساڵی 2003 بۆ هه‌ر ملیۆن كه‌سێك ته‌نها 250 زانای به‌رده‌كه‌وت.

شایانی باسه‌: ئه‌وه‌ی له‌ توێژینه‌وه‌كه‌ زیاتر مایه‌ی سه‌رنجه‌، زۆربوونی رێژه‌كه‌یه‌ له‌ ماوه‌ ته‌نها 2 ساڵی رابروودا، چونكه‌ به‌ر له‌وه‌ رێژه‌كه‌ تا ئاستێك به‌رزی به‌خۆیه‌وه‌ بینیبوو، به‌ڵام له‌م 2 ساڵه‌ی دواییدا رێژه‌كه‌ سه‌رسوڕهێنه‌رانه‌ به‌رزبۆته‌وه‌.