راگه‌هاندنا لقا دهوك/
ل روژا دووشه‌مبی رێكه‌فتی 17/1/2011 لقا دهۆكا ئێكه‌تیا زانایان، ب ئاماده‌بونا رێزدار مامۆستا مه‌لا ئه‌نه‌س به‌رپرسێ‌ لقێ‌ دهوكێ‌ ئێكه‌تیا زانایان و، ماموستا مه‌لا ئیحسان جێگرێ‌ به‌رپرسێ‌ لقێ‌‌و، مامۆستا مه‌لا وه‌حید به‌رپرسێ‌ لیژنا نافخۆیا دهوكێ‌ ئێكه‌تیا زانایان‌و، ژماره‌كا ئه‌ندامێن لقێ‌ كومبونه‌كا تایبه‌ت بۆ سه‌رجه‌م ئه‌ندامێن سه‌ر ب لێژنا نافخۆیا دهۆكێ‌ یائێكه‌تیا زانایان، ل هۆلا باره‌گایێ‌ لقێ‌ گرێدا.

د به‌راهیكێ‌و پشتی خواندنا چه‌ند ئایه‌ته‌كێ‌ ل قوڕئانا پیرۆز، هێژا مامۆستا مه‌لا ئه‌نه‌س ب خێرهاتنا ماموستایێن هێژا كر بو ڤێ‌ ئاماده‌بونێ‌‌و، پاشی به‌حسێ‌ رولێ‌ ئێكه‌تیا زانایان كر ب تایبه‌ت دڤان كاودانێن ئه‌ڤرۆ كوردستان تێدا دژیت ب شیوه‌كێ‌ گشتی.
پاشی ده‌لیڤه‌ك بۆ مامۆستا مه‌لا ئیحسان جێگرێ‌ به‌رپرسێ‌ لقێ‌ هاته‌ ڤه‌كرن، و هێژای گۆت: كو به‌رده‌وام ماموستایێن ئایینی جهێ‌ رێزو ته‌قدیرێ‌ یه‌‌و، یاپێدڤی یه‌ تفاق وئێكرێزیێ‌ بپارێزن ب تایبه‌ت ل ده‌مێ‌ گوتارخواندنا روژا ئه‌یینی.

پاشی مامۆستا مه‌لا وه‌حید به‌رپرسێ‌ لێژنا نافخۆیا دهوكێ‌، ته‌ئكید ل سه‌ر پاراستنا ئه‌منیه‌ت‌و ئاسایشێ‌ كر ل ده‌مێ‌ پێشكێشكرنا گوتارا رۆژا ئه‌یینی، پاشی ئاماژه‌ ب چه‌ند رێنمایا دا ل سه‌ر بابه‌تێ‌ رێكخستنا ئه‌نداماو، مه‌رجێن رێكخستنێ‌ بو ناڤ رێزێن ئێكه‌تیا زانایان.

ل دویماهیكێ‌ چه‌ند دانوستاندن هاتنه‌ كرن ل سه‌ر بابه‌تێ‌ كومبونێ‌ و به‌رسڤ ل سه‌ر هاته‌دان ژلایێ‌ هێژا مامۆستا مه‌لا ئه‌نه‌س به‌رپرسێ‌ لقا زانایان‌و، هێژا مامۆستا مه‌لا وه‌حید.
هه‌ژی گۆتنێیه‌: كو ڤێ‌ كومبونێ‌ ماوێ‌ 2 ده‌مژمێرا ڤه‌كێشا.