له ئاستی هه‌ستكردن به به‌رپرسیاریه‌تی‌و پاراستنی ئاسایش‌و ئارامی هه‌رێم‌و، دووربوون له ئه‌زموونی تاڵی جودایی‌و لێك ترازان، یه‌كێتی زانیان داوا له وتاربێژان ده‌كات له‌میانه‌ی وتاری رۆژی هه‌ینیدا، رۆحی برایه‌تی‌و به‌یه‌كه‌وه ژیان‌و، گرنگی پاراستنی هێمنی‌و سه‌لامه‌تی هه‌رێمی كوردستان‌و هاوڵاتیان‌و ده‌سكه‌وته‌كانی میلله‌ت، جارێكی دیكه جه‌ختی له سه‌ر بكرێته‌وه‌‌و، گیانی ته‌بایی‌و به‌یه‌كه‌وه ژیان بكرێته سه‌ر باسی وتاره‌كانی هه‌ینی.
له‌م باره‌یه‌وه به‌ڕێز مامۆستا مه‌لا عه‌بدوڵڵا مه‌لا سه‌عید گرتكی سه‌رۆكی یه‌كێتی زانایانی ئاینی ئیسلامی كوردستان، تایبه‌ت به سایتی زانایان گوتی: وه‌ك هه‌ست كردن به ئه‌ركی ئایینی‌و نه‌ته‌وه‌ییمان‌و، پارێزگاریكردن له چه‌مكی یه‌كڕیزی‌و به‌یه‌كه‌وه‌ژیان، هیواخوازین زانایانی ئاینی كوردستان وه‌ك ئه‌ركی هه‌میشه‌یی خۆیان، له وتاری هه‌ینیدا جه‌خت له‌سه‌ر رۆحی یه‌كتر قه‌بوڵ كردن‌و، پاراستنی سه‌قامگیری‌و ئاسایش بكه‌نه‌وه.
له به‌شێكی دیكه‌ی وته‌كانیدا به‌ڕێزیان زیاتر گوتی: با مانگی له دایكبوونی سه‌روه‌رمان پێغه‌مبه‌ر – دروودی خوای له‌سه‌ر بێت- كه هه‌ڵگری په‌یامی لێبورده‌یی‌و ئاشتی‌و رێزو ته‌قدیره، ببێته په‌یام‌و خه‌ڵاتی مزگه‌وت‌و مینبه‌رو بۆ موسڵمانانی هه‌رێمی كوردستان‌و، هه‌ستیاری بارودۆخه‌كه‌ی له به‌رچاوبگیرێ، تا به دووربین له ئه‌زموونی دابڕان‌و لێكترازان.
| 
گۆڤاری ئەلیکترۆنی تایبەت بە چالاکیەکانی مەکتەبی تەنفیزی یەکێتی زانایانی ئایینی ئیسلامی کوردستان لە ساڵی 2024 دا
شاندێکی زانایانی تورکیاو یەمەن و مەغریب لە ئەکادیمیای جیهانی زانایانی تەسەوف سەردانی مەکتەبی تەنفیزی یەکێتی زانایان دەکات
