مه‌لا ره‌سول سیتكانی: راگه‌یاندنی لق
پێش نیوه‌ڕۆی رۆژی 3/2/2011پێنجشه‌ممه لقی سۆران به‌ئاماده‌بوونی سه‌رجه‌م كارگێران وستافی ناوچه‌كانی سۆران و دیانای یه‌كێتی زانایان، پێشوازی كرد له شاندێكی مه‌ڵبه‌ندی 12ی یه‌كگرتووی ئیسلامی كوردستان، كه پێكهاتبوو له‌به‌رێزان: مامۆستا سۆران ئه‌حمه‌د ئه‌ندامی سه‌ركردایه‌تی‌و به‌رپرسی مه‌ڵبه‌ند، مامۆستا عه‌قیل مه‌لا سه‌عید كارگێری مه‌ڵبه‌ندو به‌رپرسی په‌یوه‌ندیه‌كان‌و، به‌رێزان محه‌مه‌د رواندزی، یونس ئیبراهیم، كاك سه‌ید ره‌فیق ئه‌ندامانی مه‌ڵبه‌ند.
له‌دیدارێكی نێوانیاندا چه‌ندین بابه‌تی گرنگ و په‌یوه‌ست به بارودۆخی ئه‌مڕۆی كوردستان‌و ناوچه‌كه خرانه به‌رباس و لێكۆلینه‌وه‌و گفتوگۆیان له‌باره‌وه كراو، هه‌ردوولا كۆك بوون له‌سه‌ر به‌هێزكردنی په‌یوه‌ندیه‌كان و هاوكاری و هه‌ماهه‌نگی نێوانیان.
هه‌ر له دیداره‌كه‌دا رۆلی زانایانی ده‌ڤه‌ره‌كه به‌رزنرخێنراو، به بایه‌خه‌وه سه‌یری پێگه‌ی به‌رزی مامۆستایانی ئاینی كرا.
دواتر دواپێشهاته‌كانی گۆره‌پانی سیاسی كوردستان بونه ته‌وه‌رێكی تری دیداره‌كه‌و، هه‌ردوولا جه‌ختیان له‌سه‌ر ئه‌وه‌كرده‌وه: كه نابێ به‌هیچ شێوه‌یه‌ك هێمنی و ئارامی كوردستان گه‌مه‌ی پێ بكرێ‌و، كه‌ش وهه‌وای سیاسی ناوچه‌كه بۆ هه‌ر مه‌به‌ستێك بێت بكه‌وێته مه‌ترسیه‌وه .
به‌شێكی تری دیداره‌كه بریتی بوو له‌قسه كردن له‌مه‌ڕ راگه‌یاندنی ئه‌مڕۆی كوردستان و، به‌تایبه‌ت راگه‌یاندنی هه‌ردوولا، كه ته‌ئكید له‌سه‌ر باشتر كردن و زیاتر هه‌ماهه‌نگی نێوانیان كرایه‌وه‌و، دانیشتنه‌كه له‌كه‌ش وهه‌وایه‌كی دۆستانه دا كۆتایی پێهات.
| 
