لێرەو لەوێ دەبیستین و بەرگوێمان دەكەوێ كە ئیسلام توندوتیژە و بە زەبری شمشێر بە سەرماندا سەپێنراوە! كە ئەوە بوختان و درۆیەكی شاخدارە پێچەوانەی ئایەتی خودای پەروەردگارە كە فەرمویەتی لەم بارە :(لا اكراهَ فی الدین) واتە: زۆریكردن نیە لە دیندا، بە واتا فراوانەكەی، هیچ شتێ بە زۆر نابێ ئەگەر بە زۆر كەسێ ناچار بكەی كارێك بكات ئەوە لە بەرچاوی دەیكات و دواتر نایكات بە وەش دەبێتە كەسێكی دووڕوو، مەبەستم لە شمشێر چەكی سەردەم وڕۆژگارە، نەك ئەو شمێرە دارە كە لە هەندێ مینبەردا دیارە! جێگەی سەرنج و ڕازیبونی دەسەڵاتدارە، كە چەكی ڕۆژگاری خۆی بوە، شمشێر لە ئیسلامدا هۆكار بووە نەك ئامانج، بۆ ڕاماڵینی كۆسپەكانی سەر ڕێگای بانگەوازی ئیسلامی، نەك بۆ بە زۆر موسڵمانكردنی خەڵكی، گەر سەرنج بدەین لە ئایەتەكانی جەنگ وجیهادیش (مقید)و مەرجدارن، بۆنمونە ئایەتی(قاتلوا فی سبیل اللهِ الذین یُقاتلونكم ولاتعتدوا ان الله لا یُحبُ المعتدین) واتە: بجەنگن لەپێناوی خوا لەگەڵ ئەوانەی شەڕتان پێ دەفرۆشن ولەدژتان دەجەنگن ودەستدرێژی مەكەن چونكەخوا دەستدرێژ كەرانی خۆش ناوێت، لێرەداخوای گەورە فەرمویەتی شەڕ لەگەڵ ئەوانە بكەن كە شەڕتان لە گەڵ ئەكەن وسنوریش نەبەزێنن دەست درێژی مەكەن زیادە ڕۆیی مەكەن،پێغەمبەری ڕەحمەت()لە یەكێ لەجەنگەكاندا ئا فرەتێكی بینی كوژرا بووخەڵكی دەورەی دابوو،فەرمووی نەدەبوو ئەم ئافرەتەبكوژرایە وناردی بەدوای(خالید)دا وفەرمووی:(لاتقتلوا شیخاً فانیاً ولاطفلاً صغیراًولاامرا‌‌ءةً) واتە: پیاوی پیرو مناڵی پچوك و ئافرەت مەكوژن، ئەوە لە گەرمەی شەڕا كە ئەوان هاتون بۆشەڕ، وە هەروەها ئامۆژگاری و ڕێنماییەكانی پێشەوا ئەبوبكر بۆ سوپاكەی ئوسامە كاتێ بە ڕێكەوت بۆ شەڕ لە گەڵ ڕۆمەكان پێی فەرمون: ژن ومناڵ و پیرە پیاو مەكوژن، سوكایەتی بە مردوان مەكەن، ڕەزو باخ مەبڕٍن ومەسوتێنن ....،

ئەمە ودەیان نمونەی تر لە گەورەیی و بەزەیی و دڵفراوانی ئیسلام تەنانەت بەرانبەر دوژمنانیش لە گەرمەی شەڕدا چ جای لە مامەڵەی ڕۆژانە كە ئیسلام زۆرنەرم و میهرەبانە، نەك توند و تیژیە ئەوە تۆمەت و بۆختانی نەیارانە، دیارە توندوتیژی لە شوێنی خۆیدا غیرەتی ئیمانە وەك لە شەڕی بێ باوەڕانە یان لە سەر ئیسلام یان لە جێبەجێ كردنی یاساكاندا (تنفیذ الاحكام)، مێژووی ئیسلامیش لە نوسینەوەو گێڕانەوەیدا هەندێ جار چەواشەكاری تێدا كراوە، بۆنمونە (تاریخ الخلفا‌‌ء، الكامل فی التاریخ)و چەندین كتێبی تری مێژویی دەبێ‌ بە تەرازوی (كتاب،سنة) بكێشرێن، ئەوەی ڕاست دەرچو ماڵی ئیسلامە، هەرچی نەگونجا بە ماڵی ئیسلام وەرناگیرێ‌ (با نوسەرەكەیشی زانای ئیسلامی بێت) چونكە زۆر شتی نابەجێ‌ خراوەتە ناو مێژوی ئیسلامەوە لە لایەن نەیارانیەوە بە ناوی ئەو زانایانەوە، نزیكترین كتێب كە ڕوداوەكانی تێدا تۆماركراوە ،(تأریخ طبری) كە (300)ساڵ دوای ڕوداوەكان نوسراوەتەوە ئێستا لێكۆڵینەوەی لە سەركراوە لە لایەن بەڕێزان(دكتۆرصوبحی حسن حلاق و دكتۆرمحمد) نزیكەی(50./.)ی بە ناڕاست دەرچوە!! تەنانەت بۆ شەڕەكانیش حەزرەت ڕاوێژی بە هاوەڵانی دەكرد، سەرەڕای ئەوەی كە هۆكاری جەنگەكانیش كە ڕویانداوە سەرجەمیان دەستپێشخەری و ئاژاوەكە لە لایەن بێ باوەڕانەوە بووە كە ئێستایش هەر وایە، بۆنمونە:جەنگی بەدر بۆ سەندنەوەی ماڵ و مافی خۆیان بوو لە كاروانی بازرگانی قوڕەیشیەكان كە ماڵ و حاڵی موسڵمانانیان لە مەككە داگیر كردبوو ئەمانەیش ئاوارەو دەربەدەر كرابوون،

جەنگی ئوحد بێ باوەڕانی قوڕیش هەڵیان گيرساند لە تۆڵەی شەڕی بەدر، شەڕ لە گەڵ جولەكەی (بەنی نەزیر) بە هۆی ئەو پیلانە یان بوو بۆ كوشتنی پێغەمبەر(د.خ) بە دەعوەتكردنی و بەردانەوەی بەردێكی گەورە بەسەریدا كە جبریل ئاگاداری كردەوە، لە سیرەدا هۆكاری سەرجەم شەڕەكان تۆ ماركراوە كە پەیمانیان هەڵوەشاندۆتەوە یان دەست درێژیان كردۆتە سەر موسڵمانان ئەو شەڕەی بەنی قورەیزە و شەڕی خەندەق و ....هتد.

بەڵگەی ئەقڵی و نەقڵی و مێژوویی ئەو ڕاستیە دەسەلمێنێت كە ئیسلام بەردەوام لە حاڵەتی بەرگریكردندا بووە و نەرم و نیان بووە نەك كوشتن وبڕین و توند و تیژی، خۆ سوپای ئیسلام نەگەیشتە هندستان و وڵاتانی ڕۆژهەڵاتی دوور، ئەی چۆن ئیسلام گەیشتە ئەمریكا و ئەوروپاو ئوستڕالیا، تەنها لە ڕێگەی بانگەواز و ڕەوشتە جوانەكانی موسڵمانان بون،

 تەنانەت لەو وڵاتی چین گەورەترین مزگەوت هەیە بەناوی مزگەوتی (پنگ وان) كە 10,000 كەس ئامادەی وتاری هەینی دەبن تیایدا و ڕۆژانە (2000) موسڵمان نوێژی تێدا دەكەن، ئایا ئەوانە بەزەبری شمشێر وتوندوتیژی موسڵمان بوون؟ بێگومان نەخێر تەنها بەعەدالەت و زانست وڕەوشتە جوانەكانی ئیسلام باوەشیان لەم دینەداوە، لە كاتێكدا ئەوانە عەرەبیش نین تەنانەت نەیارانی ئیسلامیش دانیان ناوە بەوەدا كە ئیسلام خوێنڕێژ نیە، پیاو ناكوژێ بەڵكو ناپیاودەكوژێت،زانای لاهوری(بوكید)لە زانكۆی كامبریج لەكتێبی(مقارنە الادیان)دا دەڵێ كوژراوەكانی هەردوولای موسڵمانان و بێ باوەڕان لە سەردەمی پێغەمبەردا(500) كەس بووە،لەسەرچاوەی تر دەڵێ (1018) كەس بوون، كەبەڕاستی ئەو پەڕی دەست پاراستنە لەخوێن ڕێژەی، دیارە ئەگەر ناچاریش كرای دەبێ شێرانە بجەنگێ ئەوە وەك شمشێری ئێمە،

ئەی شمشێری ئەوان؟ بێگومان چەك ئەگەر ئیمانی لە گەڵدا نەبوو ئەوە ستەم ودەست درێژی پێ دەكرێت و كارەسات و مەرگەساتە، ئەوەتا لە هەر دووجەنگی جیهانی یەكەم و دووەمدا نزیكەی هەشتا ملیۆن مرۆڤیان لە ناو بردا! (80) ملیۆن مرۆڤ نەك چۆلەكە، لە هەر دوو شاری هێرۆشیما و ناكازاكی بە چەكی ئەتۆمی لە دوو ڕۆژدا (200) هەزار كەسیان لە ناو برد!!

تەنانەت دوای نەمانی دەوڵەتی ئیسلامی خاچ پەرستان ڕوباری خوێنیان هەستاند لە قەتل وعامی موسڵمانان، مێژوو دەڵێ تەنانەت یەكێ  لە سەربازەكانی سوپای جەنگیزخان لە بەغدا دوای كوشتنی سەرجەم ئەندامانی خێرانە موسڵمانەكە مناڵێكی خنجیلانەو جوانی بینی لە ناوبێشكە دابوو كاتێك لولە تفەنگە كەی خستە ناو دەمی وای زانی مەمكە مژەیە، سەربازەكە هەڵوێستەیەكی كردوو نەیكوشت ئەفسەرەكە چاوی لێ بوو پرسی بۆ نەتكوشت؟ فەرمانیدا ئەو سەربازە بكوژن چونكە كەسێ بەزەیی بە مناڵی موسڵماندا بێتەوە بە كەڵكی سوپای ئێمە نایە!!

بەڵێ لەوە بترسە لە خوا ناترسێ، بەردەوام مێژووی ستەمكاری بێ باوڕان خۆی دووبارە دەكاتەوە، وەك لە ئەفغانستان و كشمیر وشیشان و غەززەی فەلەستین وسوریاو میصر بۆسنەو هەرسك و تەنانەت لە بۆرما دەسەڵات دارانی میانمار پێشانگایان كردبۆوە بە لاشەی هەزاران موسڵمان دروشمەكانی ئازادی و مافی مرۆڤ ودیموكراسیش بونە بڵقی سەرئاو، چونكە خەڵكی موسڵمان ناگرێتەوە تەنها بۆخۆیانە، سەرەڕای داگیركاری ودژایەتی كردنی موسڵمانان بەناوی شەڕی(دژەتیرۆر)

كێ توندوتیژە؟ كێ خوێن ڕێژە؟ ئیسلام یان ئەوانەی ئێستاش سوكایەتی بە پیرۆزیەكانی ئیسلام دەكەن بە فلیم وكاریكاتێرو سوتاندنی قورئان وپەراوێزخستنی پەروەردەی ئیمانی لە سەرجەم بوارەكانی ژیاندا....؟!

ئەو تە قینەوە وهەندێ شت كە بەناوی ئیسلامەوە كراوە، ئەوە موسڵمانان ڕەتیان كردۆتەوە، سەرەڕای ئەوەی كە هەندێكی سیناریۆی دەستی خۆیانە، هەندێكیشی كاردانەوەی ستەمی زلهێزانە، بەڵێ ئەوان سەلماندیان كە بێ بڕوایان بە هەموودەنگو ڕەنگە جیاوازەكان یەك بەرەن بەرانبەر بە ئیسلام (الكفر ملةً واحدةً) بە داخەوە ئێمە بەكردەوە پێمان نەوتن كە ئیسلام یەك ئومەتە، ئەو زەلیلیەش بە هۆی پەرتەوازەیی خۆمانەوەیە، سەرەرای ئەوەی كە برای ئیمانین بەڵام ئامادەنین ببنەیەك بەرە یان یەك لیست بن!! لە كۆتایدا سەرەنجام هەر بۆموسڵمانانە وەك خوای گەورە فەرموی بە موسڵمانان لە شەڕی (ئوحود) (ولاتخافوا ولا تحزنوا وأنتم الاعلون إِن كُنتُم مۆمنین).

هـ باليساني