یه‌کێتی زانایانی ئاینی ئیسلامی کوردستان
كوردى | العربية ئێمە لە فەیسبوک په‌یوه‌ندی  |  لقه‌کان  |  ستافی کار  |  لینکی پێویست
*****    *****   مامۆستا مەلا رەسول کانی کوردەیی کۆچی دوایی کرد یەکێتی زانایان پرسەنامەیەک ئاراستەی خانەوادەکەی دەکات    *****    *****   لقی هەولێری یەکێتی زانایان سەردانی بەرێوەبەرایەتی ئەوقافی شەقڵاوەو لقی شەقڵاوەی یەکێتی زانایان دەکات    *****    *****   لقی گەرمیانی یەکێتی زانایان کۆبوونەوەیەک لەگەڵ ناوچەی زانایانی خانەقین دەکات    *****    *****   مامۆستا مەلا عبدالرحمن قەڕناقەوی کۆچی دوایی کرد یەکێتی زانایان پرسەنامەیەک ئاراستەی خانەوادەکەی دەکات    *****    *****   سەرۆکی یەکێتی زانایان بە یاوەری شاندێک سەردانی هەردوو بەرێوەبەرایەتی ئەوقافی هەولێرو دەوروبەر دەکات    *****    *****   لقی هەولێری یەکێتی زانایان پێشوازی لە بەڕێوەبەری ئەوقافی هەولێر دەکات    *****    *****   زاخۆ: ڤه‌كرنا مزگه‌فتا (الروضة) ل گوندێ ئاڤ گه‌نيێ    *****    *****   زانای دیاری ئەزهەری شەریف دکتۆر یسري روشدی ئەلحەسەنی سەردانی یەکێتی زانایان دەکات    *****    *****   مامۆستا مەلا ئەحمەد شەهاب بارزانی کۆچی دوایی کرد یەکێتی زانایان پرسەنامەیەک ئاراستەی خانەوادەکەی دەکات    *****    *****   مامۆستا مەلا سەعید برادۆستی کۆچی دوایی کرد یەکێتی زانایان پرسەنامەیەک ئاراستەی خانەوادەکەی دەکات    *****    *****   لقی ئامێدی یەکێتی زانایان لە چەند چالاکیەکدا    *****    *****   لقی شارەزووری یەکێتی زانایان بەشداری کۆبوونەوەیەکی تایبەت بە کاروباری حوجرەکان دەکات   
عومه‌ر عه‌لى غه‌فور
به‌رواری دابه‌زاندن: 30/12/2023 : 11:53:30
قه‌باره‌ی فۆنت
ئاهەنگی سەری ساڵ و کێشەی بیروباوەڕ

ئاهەنگی سەری ساڵی زاینی لای ئێمە هیچ رەهەندێکی ئاینی نییە لەدژی ئیسلام و بەئاراستەی تەرویجدان بەئاینی مەسیحی یان داننان بە بیڕوباوەڕەکانیاندا، کە ساڵانە لە رۆژە کۆتاییەکانی ساڵدا هەندێ خەتیب و بانگخواز دەکەونە هێرشکردنە سەر بیروباوەڕی مەسیحییەکان و ئەو موسڵمانانەی بەشێوەیەک لە شێوەکان بەشداری ئاهەنگە گشتییەکانی سەری ساڵ دەکەن، گوایە ئەوە کوفرە، دەڵێن چۆن بەشداری ئاهەنگێ دەکەن کە دەڵێن (خوا کوڕی هەیە، یان خوا سیانە؟!)..

وەنەبێ من خۆم زۆر ئەهلی ئەو جۆرە ئاهەنگانە بم، بەڵام هەڵەیە لەو رووەوە ناخی خەڵکی خۆمان قانگ بدەین بە رق و تووڕەیی و بەناڕەوا رێگرییان لێ بکەین لەوەی لەو جەوە کەئیبەدا چەند ساتێ بچنە دەرەوە و جەوێ بگۆڕن..

کەس لای ئێمە لەبەر ریشە دینییەکە ناچێتە ئاهەنگ و خۆشییەکانی سەری ساڵی زاینی، کورد دەڵێ "عیسا بە دینی خۆی مووسا بە دینی خۆی"، بەڵام بەدڵنیاییەوە کەس دینی خۆی بە ناڕاست نازانێ و هەر شوێنیشی بکەوێ، هەموو کەس دینی خۆی بەلاوە هەقیقەتە و دینی ئەویتری بەلاوە بەتاڵە.  تۆ لە خێزان و کۆمەڵگەیەکی موسڵماندا لەدایک بیت موسڵمان دەردەچیت، لە یەکێکی مەسیحیدا لەدایک بیت مەسیحی دەبیت و هیتریش هەروا.. واتە دینیش وەک نەتەوە و دابونەریت بە تەلقین و پەروەردە بۆ نەوەکان دەگوێزرێتەوە..

خاڵە گرنگەکە لێرەدایە، کە رێزگرتنی ئیختیاری مرۆڤە لەو دینەدا لەسەریەتی، کە ئیختیارێکی تارادەیەک نائیختیاریشە، جا بۆ ئەوەی بتوانین وەک مرۆڤ پێکەوە بەئاشتی و دۆستانە و بێ شەڕ و گەڕ بژین، دەبێ رێز لە بیروباوەڕی یەکتر بگرین، رێزگرتنیش بەمانای پەسەندکردنی بیروباوەڕی ئەو نایەت.. 

نە ئەو-ی ناموسڵمان بەوەی لە جەژنی رەمەزاندا بە تۆ بڵێ (جەژنت پیرۆز) دینی لەق دەبێ و دەبێتە موسڵمان، نە ئەوەیش کە تۆ لە جەژنێکیاندا بەهاوڕێ یان هاوسێیەکی مەسیحی یان کاکەییت بڵێیت (جەژنت پیرۆز)، دینت لەق بووە و مانای وایە بیروباوەڕی ئەوت قبووڵە، بەڵام وەک مرۆڤ هەقی ئەوەمان بەسەر یەکەوە هەیە لە کۆمەڵگەیەکدا بەشداریی خۆشی و ناخۆشی یەکتر بین.

پاشان راستە ئاهەنگی سەری ساڵ لە بنەڕەتدا بۆ لەدایکبوونی مەسیحە، بەڵام ئێستا تەقویمێکی جیهانییە و هیچیتر، کە وڵاتانی ئیسلامیش کاری پێدەکەن و هەموو حسابات و موالید و یادەوەرییەکانمان بەو ساڵنامەیە تۆمار کراوە، لەبەرئەوە کە گەیشتینە سەری ساڵ هەست دەکەین ساڵێ لە تەمەنمان تێپەڕی، ئەوەیش بۆنەیەکە واباوە ئاهەنگی بۆ دەگێڕن و هیچ رەهەندێکی دینی نیە..

بگرە (وەک ئۆلیڤییە روا لە کتێبی "جەهلی پیرۆز"دا ئاماژەی پێدەدا)، لە خودی خۆرئاوا خۆیدا هەوڵێک هەیە کار بۆ بێلایەنکردنی ئاین و لە مەسیحیخستن de-Christianizationی جەژنی سەری ساڵی زاینی (کریستماس) و گۆڕینی بۆ ئاهەنگی وەرزیی زستانە Winterval  دەکات، كە "تێیدا هەندێ دەنگ بانگەشە بۆ نەهێشتنی تەواوی ئاماژە مەسیحییەكان دەكەن لە بەرژەوەندیی بێلایەنییەكی ئاینی: لە ویلایەتە یەكگرتووەكان بەزۆری خۆ لە وشەی كریستماس بەدوور دەگیرێت لە بەرژەوەندیی وشەی "پشوو Holiday " یان یوڵ Yule ... بەشی گەنجینەی ئەمەریكی بەپێی بەرنامە دەستی كردوە بەگۆڕینی دروشم و لافیتەكانیان لە "سەری ساڵێكی خۆش" Merry Christmas ەوە بۆ سڵاوی وەرزی Seasons greetings كە لەڕووی ئاینییەوە بێلایەنە، ئەوەیش زۆر لە مەسیحیەكانی خەمبار كرد".

بەهەرحاڵ، هیچ پێویست نیە ئێمە تا ئەبەد دیلی هەست و بیرکردنەوە و وێناکانی مرۆڤگەلی سەردەمی فتوحات و جەنگی خاچپەرستان بین (کە دۆخی جەنگی دینی بووە) و بەهەمان چاو تەماشای خەڵکی مەسیحی و جولەکە و کاکەیی و یەزیدی و هیتر بکەین و بەبێ ئەوەی قەباحەتێکیان بەرانبەرمان کردبێ رقمان لێیان بێ.. دنیای ئەمڕۆ دنیایەکی تێکەڵە، دەیان ملیۆن موسڵمان لە ناوجەرگەی دنیای مەسیحیدا دەژین و ئازادانە دینداری و بانگەواز دەکەن، ئەگەر ئەوانیش بەهەمان چاوی دوژمن لە موسڵمانیان بڕوانیایە موسڵمانێک لەوێ جێی نەدەبوویەوە، ئیتر بۆ دەبێ موسڵمان بەو رقە ئەبەدیەوە بژی. حاڵەتی زوڵم و زۆر جیایە، هەرکەس زوڵمی لێ کردی دوژمنی بە، بەڵام ئەوەی دوژمنایەتیت ناکا نە دین نە ئەقڵ نە ویژدان بەڕەوای نابینێ رقت لێی بێ، قورئانیش هەر وامان پێدەڵێ (لا تجادلوا اهل الكتاب الا بالتی هي احسن، الا الذين ظلموا منهم)..