یه‌کێتی زانایانی ئاینی ئیسلامی کوردستان
كوردى | العربية ئێمە لە فەیسبوک په‌یوه‌ندی  |  لقه‌کان  |  ستافی کار  |  لینکی پێویست
*****    *****   مەکتەبی تەنفیزی یەکێتی زانایان پێشوازی لە بەڕێوەبەری گشتی سامانی ئاژەڵ و ڤێتێرنەری دەکات    *****    *****   بە ئامادەبوونی سەرۆکی یەکێتی زانایان دیدارێکی تایبەت بە رۆژی جیهانی رووبەڕوو بوونەوەی وتاری رقەبەری بەڕێوە دەچێت    *****    *****   مامۆستا مەلا زبێر شێخە لاسەیی کۆچی دوایی کرد یەکێتی زانایان پرسەنامەیەک ئاراستەی خانەوادەکەی دەکات    *****    *****   یەکێتی زانایان: داوا لە حاجیان دەکەین قوربانیەکانیان لە کوردستان ئەنجام بدەن    *****    *****   مامۆستا مەلا عەلی حەمە ڕەسول گێڵدەرەیی کۆچی دوایی کرد یەکێتی زانایان پرسەنامەیەک ئاراستەی خانەوادەکەی دەکات    *****    *****   دکتۆر عرفان رەشید سەرۆکی ئەنجومەنی باڵای فەتوای حەج: رۆژانە لە خزمەتی حاجیان داین و کارەکانمان بە رێکو پێکی بەرێوە دەچێت    *****    *****   یەکێتی زانایان سیمینارێکی تایبەت بە ناونیشانی (نەفامی لە نێوان پیرۆزکردن و بە دامەزراوەیی کردندا) بەرێوە دەبات    *****    *****   سەرۆکی یەکێتی زانایان بە یاوەری شاندێک لە شاری سلێمانی چەند دیدارو سەردانێک ئەنجام دەدات    *****    *****   مەکتەبی تەنفیزی یەكێـتی زانایان پێشوازی لە بەڕێوەبەری گشتی چاكسازی كۆمەڵایەتی دەکات    *****    *****   بە ئامادەبوونی سەرۆکی یەکێتی زانایان مەراسیمی بەخشینی بڕوانامەی زانستی لە پیرمام بەرێوە دەچێت    *****    *****   مامۆستا مەلا ئەحمەد خاروکی تەرمەکەی دۆزرایەوەو یەکێتی زانایان پرسەو هاوخەمی خۆی بۆ خانەوادەکەی رادەگەینێت    *****    *****   شاندێکی مەکتەبی تەنفیزی یەکێتی زانایان سەردانی بەڕێوەبەرایەتی گشتی چاكسازی كۆمەڵایەتی دەکات   
مامۆستا کەمال ئەمین گوڵپی
به‌رواری دابه‌زاندن: 14/03/2024 : 13:54:28
قه‌باره‌ی فۆنت
تێفکرین وهەڵگۆزین لەنێوان (وَنِعْمَ أَجْرُ الْعَامِلِينَ) و (نِعْمَ أَجْرُ الْعَامِلِينَ)دا

زەمانەت بۆ کەسی کۆشاو کارکەر چەند ماییەی دڵخۆشی و ئیسراحەتی دەرونییە، ئەوەی ئەمڕۆ بەناو دەسەڵاتداران دەیکەن ئەوەیە ئەو زەمانەتەیان نەداوە بۆیە ناشرین ترین دیمەنی دەسەڵات پیادەدەکەن هەر ئەمەی کە ئە زەمانەتەیان نەداوە ئارامی کۆمەڵگە و هێزی بیرکردنەوەشیان وەستاندووە.

 ئەم بەیانییە لە مەجلیسی خەتمی بەیانی لەگەڵ ماڵەوەدا ئەوەی  لە خزمەت سورەتی (آل عمران)دا پێگەیشتم  لەگەڵ سورەتی (العنکبوت)دا، بەراوردم کرد کە هەردوو ئایەتەکە جەخت لەسەر زەمانەتی ئەجر وپاداشتی کەسی کۆشاو کارکەر دەکەنەوە بەڵام لەسورەتی( آل عمران) دەفەرمووێت( أُوْلَٰٓئِكَ جَزَآؤُهُم مَّغۡفِرَةٞ مِّن رَّبِّهِمۡ وَجَنَّٰتٞ تَجۡرِي مِن تَحۡتِهَا ٱلۡأَنۡهَٰرُ خَٰلِدِينَ فِيهَاۚ وَنِعۡمَ أَجۡرُ ٱلۡعَٰمِلِينَ ) آل عِمرَان : ١٣٦. ئەوانە پاداشتیان لاى پەروەردگاریان بەخشین و لێبوردنە و چەند باخێکى بەهەشتە، کەچەندین جۆگەو رووبار بەبەریاندا تێدەپەڕێ و بەهەتا هەتاییش تێیدا ئەمێننەوە ئەها! چەن چاک و پاکەو شایستەیە پاداشت و کرێى ئاکارچاکان.

هەروەها لە سورەتی( العنکبوت)یشدا دەفەرمووێت:( وَٱلَّذِينَ ءَامَنُواْ وَعَمِلُواْ ٱلصَّٰلِحَٰتِ لَنُبَوِّئَنَّهُم مِّنَ ٱلۡجَنَّةِ غُرَفٗا تَجۡرِي مِن تَحۡتِهَا ٱلۡأَنۡهَٰرُ خَٰلِدِينَ فِيهَاۚ نِعۡمَ أَجۡرُ ٱلۡعَٰمِلِينَ ) العَنكبوت ٥٨:  ئەوانەی وا بڕوایان هێناوەو، کارە چاکەکانیان کردووە بێگومان لە چەند کۆشک و تەلارو جێگایەکی زۆر بەرزو بڵندی بەهەشتدا نیشتەجێیان دەکەین چەندان جۆگەو ڕووبارو تاڤگە بەژێر دارو درەختەکانیدا دێن و دەچن و بەهەتا هەتاییش تێیدان پاداشی کردەوەکاران و کۆششکاران، ئەوانە وا بۆ خوا کار دەکەن چەندە چاکە! .

ئێستا پرسیار لێرەوەیە بۆچی لە سورەتی (آل عمران) دا واوێک هەیە وەک دیارە(خَٰلِدِينَ فِيهَاۚونِعۡمَ أَجۡرُ ٱلۡعَٰمِلِينَ) بەڵام لە سورەتی  (لعنکبوت)دا ( خَٰلِدِينَ فِيهَاۚ نِعۡمَ أَجۡرُ ٱلۡعَٰمِلِينَ)ئەو واوە نییە؟.

- لەسورەتی (ال عمران) چەند خەبەرێکی هەن، لەوانە وشەی (أُوْلَٰٓئِكَ) موبتەدایە وشەی (جَزَآؤُهُم) موبتەدای دووەمە وشەی (مَّغۡفِرَةٞ) خەبەری موبەتەدای دووەمە و ڕستەی ئیسمییەکە دەبێتە خەبەر بۆ موبتەدای یەکەم، وشەی (جزاء) واتە پاداش، بۆیە مانای ئایەتەکە ئاوای لێدێتەوە ئە ئەوانە لەسەر کارە چاکەکانیان پاداش دەدرێنەوە و گوناهەکانیان دەشۆرێنەوە ، پاداشتێکی نەبڕاوە و بەردەوام دەبێتە بەشیان لەسەر ئەوکارە چاکانەیان کە کردوویانە، ئەو خەبەرە یەک لەدوای یەکانە کە لە ئایەتکەدا نیشانماندان بەڵگەن لەسەر ئەو هۆشیاریدانە لەسەر ئەو هەمو نیعەمەتە کەڵەکەبوانەی کە خوا لەسەر چاکەی چاکەکاران دەیانداتەوە، دەی هەربوونی ئەم خەبەرانە کە یەک لەدوای یەک هاتوون ئەوە دەخوازێ کە بە پیتی واو عەتفیان بکەیتەوە سەریەک بۆیە لە سورەتی (ال عمران)دا واوەکە هەیە، وەک ئەوەی فەمووبێتی پاداشتی چاکەکاران ئەوە و ئەوەیە، واتە لەسەر گوناهەکانیان سزانادرێن و دەکەونەناو ئەو نازو نیعەمەتە هەمیشەییە کە خوا بۆی بڕیاداون کە لەگەڵ ئەوەشدا هەمیشەییەو نا بڕێتەوە.

- بەڵام ئەوەی لە سورەتی (العنکبوت) داهەیە واوەکە بونی نییە واتە هەموو ئەوەی کە بەیانکراوە هەمووی تێهەڵکێشی یەک بابەتەو وەک یەک ڕستە وابێت وایە وەک دەفەرمووێت(وَٱلَّذِينَ ءَامَنُواْ وَعَمِلُواْ ٱلصَّٰلِحَٰتِ لَنُبَوِّئَنَّهُم مِّنَ ٱلۡجَنَّةِ غُرَفٗا)  رستەی( وَٱلَّذِينَ ءَامَنُواْ) موبتەدایە هەروەها (لَنُبَوِّئَنَّهُم) لەجێگەی خەبەردا دانیشتووە ئەم خەبەرەش هەردوو مەفعولەکەی پێوە پێوەست بووە، وشەی (غرفا) نەکیرەیەو وەسفدارکراوە بە (تَجۡرِي مِن تَحۡتِهَا ٱلۡأَنۡهَٰرُ ) هەروەها بڕگەی (خالدین فیها) حالە لە (لنبوئە) دەی پێکهاتەی ئەم رستانە هەمووی لە ڕستەیەکدا بەبێ عەتف دەکرێت بێن و هەمووی لە ڕستەیەکدا دەبینرێن، بۆیە ڕستە موبتەدا وخەبەریەکە وەک یەک ڕستەیە، بۆیە بڕگە (نعم اجر العاملین) دەکرێ بەواو بێت و دەشکرێ بەبێ واو بێت لێرەدا تەرجیحی ئەو لایەنەدراوە کە واوی نەبێت وەک دەیبینین، بۆیە ماناکەی ئاوای لێدێتەوە ئەوە باشترین پاداشتی کەسانێکە کە سەرقاڵی کاری چاکەن وچاکەکارن لە ناو چاکەدا دەژین، کە ئەمەش نیشاندەری گەورەی پاداشتی چاکەکارانە، بۆیە ئەوەی کە گوتمان لەسەر ئەو دوو ئایەتە باشترین حاڵی هاتنیان هەر ئەوەیە کە یەکەم بەواوە وە بێت و دووەم بەبێ واو.

بەکورتی:

١- لەبەر ئەوەی کە لەسورەتی (ال عمران)دا فەرمووی (ونعم اجر العاملین) لەبەر کەڵەکەبوونی چەند خەبەرێک بو پێویستی دەکرد بە بوونی ئەو واوە.

٢- ئەوەی لەسورەتی (العنکبوت)دا بەبێ واو فەرمووی (نعم اجر العاملین) لەبەر ئەوە بوو بەیانی پاداشتی چاکەکاران شێوەی دارشتن وسیاقی دەربرینەکە لە قاڵبی ڕستەیەکدابوو بۆیە پێویستی بەواو نەدەکرد.